Həyat boyu öyrənmə şəxsi, sosial və vətəndaşlıq həyatındakı bilik, bacarıq və vərdişləri yaxşılaşdırmaq üçün ümumi təhsil, peşə təlim və təhsili, formal və informal təhsili əhatə edən bir müddətdir. 
Ümumiyyətlə, öyrənmə kompleks aparılan bir yöntəmdir. Yəni öyrənmə prosesi yalnız elmi kitab oxumaqla və ya yalnız məqalələri araşdırmaqla aparıla bilməz. Ömür boyu öyrənmə dedikdə, biz həyatda baş verən bütün prosesləri izləməli, mütaliələr etməli, hətta bəzənsə nəyisə öyrənmək üçün səyahətə belə çıxmalıyıq. Çünki real həyatın bəxş etdiyi yeni mövzular və yeni möcüzələr əvəzolunmazdır. Belə ki, ömür boyu öyrənmə bəzən bir ibrətamiz filmə baxmaq, bəzən bilgili bir şəxslə söhbət etmək, bəzən də sadəcə müşahidə edib analiz etməkdir. Həmçinin, ömür boyu öyrənmə telefon, planşet, kompüter kimi texnoloji vasitələrdən istifadə edərək zaman və məkandan asılı olmadan da öyrənmə prosesini təmin edir. 

Materialı hazırladı: İsmayılova Sara  
Təlimçi: İsmayılova Sara  

Ömür boyu öyrənmənin önəmi

Ömür boyu öyrənmə nədir?
Öyrənmənin hansı növləri vardır?
Ömür boyu öyrənmə nə üçün gərəklidir?
Ali təhsillə kifayətlənməli, yoxsa ömür boyu öyrənməli?

Gənc müəllimlər üçün