18 mart 2023-cü il tarixində HIPPO İngilis dili Olimpiadasının ilk mərhələsi (Preliminary round) keçirilib. 6-17 yaş arası bütün məktəblilərin ingilis dili biliklərini yoxladıqları Olimpiada Respublikanın 8 şəhər və rayonunda – Bakı, Gəncə, Sumqayıt, Naxçıvan, Şəmkir, Quba, Şəki və Şirvan olmaqla, ümumilikdə 11 binada təşkil olunub. 

İmtahan bütün binalarda eyni vaxtda başlanıb və təlimata uyğun şəkildə keçirilib. Bütün yaş kateqoriyaları üzrə şagirdlərə oxuyub anlama və ingilis dilinin istifadəsinə dair test tapşırıqları təqdim edilmişdir. Məlumat üçün bildiririk ki, nümunə suallar imtahandan bir müddət əvvəl ictimaiyyətə təqdim edilmişdir. 

HIPPO İngilis dili Olimpiadasının təşkilində məqsəd dünyanın hər yerindən ingilis dilinə maraq göstərən şagirdlər arasında dostluq münasibətləri, beynəlxalq anlaşma və sağlam rəqabət ruhu yaratmaq, şagirdlərin şəxsi potensiallarını üzə çıxarmaq və öz ingilis dili səviyyələrini beynəlxalq standartlara uyğun ölçməkdir. 

Qeyd edək ki, nəticələr 20 gün ərzində elan ediləcək.

Fəaliyyətlərin hazırlanması prinsipi və interaktiv dərs 

İnteraktiv təlim prosesi elə təşkil olunmalıdır ki, şagirdlər #biliyi tədqiqat yolu ilə əldə etsin. Bu təlim prosesində sinif (auditoriya) #qrup və #cütlər formasında problemin həlli yollarına dair axtarışa çıxarılır, qruplar əldə olunmuş nəticələri işçi vərəqlərində qeyd edir, sonra onun təqdimatını həyata keçirirlər.

Təqdimatlar bitdikdən sonra bu tədqiqat nəticələri arasında #rabitə yaradılır, məlumatlar sistemləşdirilir və ümumi bir şəkildə təsnif olunur. Bundan sonra həmin yekunlarla tədqitatın başlanğıcında şagirdlərin (auditoriyanın) irəli sürdüyü ilikin fərziyyələrlə müqayisələr aparılır. Şagirdlər (öyrənənlər) hansıların üst-üstə düşdüyünü, nələrin isə yeni olduğunu müşahidə edir və ümumi nəticəyə gəlirlər, öyrəniləcək mövzuya çıxaracaq problem qoyularaq motivasiya yaradlılır.

Kursun məqsədi dərsdə fəaliyyətlərin qurulması və dərsin interaktiv təlim metodları ilə aparılması haqqında müəllimləri məlumatlandırmaqdır.

Kursda əhatə olunan mövzular: 
Fəaliyyətlərin hazırlanması prinsipi və interaktiv dərs.

Kursun linki: https://agma.az/.../fealiyyetlerin-hazirlanmasi-prinsipi...

Beynəlxalq təcrübədə bizimkilər

Azərbaycan Gənc Müəllimlər Assosiasiyası (AGMA) "Beynəlxalq təcrübədə bizimkilər" adlı layihəyə davam edir.

"Beynəlxalq təcrübədə bizimkilər" layihəsinin növbəti görüşü 17 mart saat 21:00-da yayımlanacaq. Layihənin əsas məqsədi xaricdə yaşayan və çalışan müəllimlərimizin öz təcrübələrini bizimlə bölüşməsi, beynəlxalq təcrübənin inteqrasiyasıdır.

Layihənin növbəti mövzusu "Misirdə müəllimlik təcrübəsi”dir.

Görüş Azərbaycan Gənc Müəllimlər Assosiasiyasının koordinatorlar üzrə meneceri Fəzilə Mahmudova və Metropoliten Beynəlxalq Məktəbinin İKT kafedrasının rəhbəri, kompüter elmləri müəllimi kimi fəaliyyət göstərən Elvin Əliyev tərəfindən Facebook platformasında keçiriləcək.

Maraqlanan hər kəsi canlı yayımı dinləməyə və müzakirələrə qoşulmağa dəvət edirik!

#OnlaynKurs

Qida gigiyenası və təhlükəsizliyi
 

Qida mənşəli #xəstəliklər hər il çoxlu sayda insanlara təsir edir ki, bu da bir gündən bir neçə həftəyə qədər və daha çox davam edə bilər. Bəzi insanlarda #mədədə narahatlığa səbəb olduğu halda, bəzilərində #böyrək çatışmazlığına, hətta ölümə səbəb ola biləcək ciddi simptomlarla müşahidə olunur. Bu səbəbdən qida ilə işləyən hər kəs hazırladığı qidanın təhlükəsiz olduğundan əmin olmalıdır. 

Kursun məqsədi qida təhlükəsizliyi barədə məlumatlılığın artırılmasından ibarətdir. 

Kursda əhatə olunan mövzular:
 

 -Bakteriyaların qida mənşəli xəstəliklərin meydana çıxmasında rolu;

 -Yüksək risk qrupuna daxil olan və allergiyaya səbəb olan qidaları tanımaq;

 -Kontaminasiya (qida çirklənməsi) nədir?;

 -Effektiv gigiyena;

 -Qidaların saxlanılmasının əhəmiyyəti.

Kursun linki: https://agma.az/courses/qida-gigiyenasi-ve-tehlukesizliyi