Profil

Axtarış

Azərbaycan Respublikası Təhsil Nazirliyi

Azərbaycan Respublikası Təhsil Nazirliyi

Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

 

Ətraflı məlumat: https://edu.gov.az/
Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

1940-cı ildə Azərbaycan SSR Nazirlər Sovetinin qərarı ilə Əmək Ehtiyatları İdarəsi yaradılıb və texniki-peşə təhsili müəssisələri həmin idarənin tabeliyinə daxil edilib. Hökumətin qərarı ilə həmin idarə əsasında 1959-cu ildə yaradılan Dövlət Texniki Peşə Təhsili Komitəsi 1988-ci ilədək fəaliyyət göstərib. Eyni zamanda Azərbaycan SSR Nazirlər Sovetinin qərarı ilə 1959-cu ildə Ali və Orta İxtisas Təhsili Komitəsi (1964-cü ildə Ali və Orta İxtisas Təhsili Nazirliyinə çevrilib) yaradılıb. Respublikanın ali və orta ixtisas məktəbləri bu qurumun tabeliyinə verilib və Ali və Orta İxtisas Təhsili Nazirliyi 1988-ci ilədək fəaliyyət göstərib. Ümumiyyətlə, 1959-cu ildən 1988-ci ilədək Azərbaycanda təhsillə bağlı 2 nazirlik və bir komitə (Xalq Maarifi Nazirliyi, Ali və Orta İxtisas Təhsili Nazirliyi, Dövlət Texniki Peşə Təhsili Komitəsi) fəaliyyət göstərib.

1988-ci ildə Azərbaycan SSR Nazirlər Sovetinin qərarı ilə hər üç nazirlik ləğv edilərək onların bazasında Xalq Təhsili Nazirliyi yaradılıb və nazirliyin strukturu təsdiq olunub. Azərbaycan Respublikası Prezidentinin 3 sentyabr 1993-cü il tarixli sərəncamı ilə Xalq Təhsili Nazirliyinin adı dəyişdirilərək Təhsil Nazirliyi adlandırılıb. Azərbaycan Respublikası Prezidentinin 1 mart 2005-ci il tarixli fərmanı ilə Nazirliyin Əsasnaməsi təsdiq edilib.

Azərbaycan Respublikası Prezidentinin 2020-ci il 27 iyul Sərəncamı ilə Emin Əmrullayev Təhsil naziri təyin edilmişdir.

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
“Gənc müəllimlərin debat çempionatı”
““Gənc müəllimlərin debat çempionatı” - gənclərdə “soft skills” təməl bacarıqların formalaşdırılması” layihəsi

Azərbaycan Gənc Müəllimlər Assosiasiyasının (AGMA) təşkilatçılığı, Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Şirvan-Salyan Regional Təhsil İdarəsinin əməkdaşlığı ilə həyata keçirilən “Gənc müəllimlərin debat çempionatı” - gənclərdə “soft skills” təməl bacarıqların formalaşdırılması” layihəsi çərçivəsində müəllimlərin "Debatda Hakimlik", "Karl Popper Debatları", "Milli debat proqramı", "Debat fəlsəfəsi və metodologiyası", "Debatın tarixi" mövzularında keçdikləri təlimlər yekunlaşdı.

Növbəti mərhələdə məktəbdaxili təlimlər olacaq. Bu prosesdə müəllimlər təlimdə öyrəndikləri mövzuları məktəbdə təcrübədən keçirəcək və əldə olunan nəticəni həmkarları ilə bölüşəcəklər.

Layihədə iştirak edən müəllimlərə uğurlar diləyirik!

Qeyd edək ki, layihənin məqsədi yeniyetmələr və regionun gənc müəllimləri arasında  21-ci əsr bacarıqları sırasında olan ünsiyyət, özünü təqdim və natiqlik bacarığının inkişaf etdirilməsidir.

#AGMA #GəncMüəllim #Sevgiiləöyrət #ElmVəTəhsilNazirliyi #Debatçempionatı

26.09.2022

badge-icon
“Gənc müəllimlərin debat çempionatı”
““Gənc müəllimlərin debat çempionatı” - gənclərdə “soft skills” təməl bacarıqların formalaşdırılması” layihəsi

2022-ci il sentyabr ayının 17 və 18-də Salyan şəhər 2 nömrəli tam orta məktəbdə Azərbaycan Gənc Müəllimlər Assosiasiyasının (AGMA) təşkilatçılığı, Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Şirvan-Salyan Regional Təhsil İdarəsinin əməkdaşlığı ilə həyata keçirilən “Gənc müəllimlərin debat çempionatı” - gənclərdə “soft skills” təməl bacarıqların formalaşdırılması” layihəsinin təlimləri keçirilib.

Təlimlər zamanı müəllimlər, "Debatda Hakimlik", "Karl Popper Debatları", "Milli debat proqramı", "Debat fəlsəfəsi və metodologiyası", "Debatın tarixi" mövzularında yeni biliklər əldə etmişdirlər .

Qeyd edək ki, layihənin məqsədi yeniyetmələr və regionun gənc müəllimləri arasında  21-ci əsr bacarıqları sırasında olan ünsiyyət, özünü təqdim və natiqlik bacarığının inkişaf etdirilməsidir.

Layihənin müvəffəqiyyətlə davam etdirilməsini arzu edirik!

19.09.2022

badge-icon
Mİlli musiqi günü
"Müəllimlik vəzifəsi çox çətin və ən məsuliyyətli bir vəzifədir. Hər adamı müəllim bilib uşağı ona tapşırmaq böyük xətadır". Ü. Hacıbəyov

Bu gün - 18 sentyabr böyük pedaqoq, xalq müəllimi, dahi bəstəkar, Azərbaycan musiqi sənətinin inkişafında misilsiz xidmətləri olan Üzeyir Hacıbəyovun doğum günüdür.

Üzeyir bəyin ruhu daim Azərbaycan musiqisi üzərində pərvaz edərək sanki özündən sonrakı ardıcıllarının da yolunu müəyyənləşdirir. Bu, əsl xalq müəlliminin əbədi məktəbidir.

18.09.2022

badge-icon
AGMA 16 sentyabr 2022-ci il tarixində mentorlarla görüş keçirdi
Azərbaycan Gənc Müəllimlər Assosiasiyası (AGMA) 16 sentyabr 2022-ci il tarixində mentorlarla görüş keçirdi. 
M
entorlarla görüşdə yeni tədris ilində görüləcək işlər, vəzifə öhdəlikləri, gözləntilər, iş prinsipləri mövzusunda söhbət aparılmış və qarşılıqlı fikir mübadiləsi edilmiş, həmçinin mentorlar üzrə menecer İlahə Həmidovanın təqdimatı olmuşdur.

İlahə Həmidova Bakı Şəhəri üzrə Təhsil İdarəsi Təlimə Dəstək Mərkəzinin metodisti, Rəqəmsal Bacarıqlar və STEAM layihələri üzrə müəllim, Bakı şəhəri 221 saylı tam orta məktəbin riyaziyyat və informatika müəllimi olaraq fəaliyyət göstərir.

Qeyd edək ki, mentorlar gənc müəllimlərin ehtiyaclarının düzgün müəyyənləşdirilməsi və onlara davamlı onlayn akademik dəstəyin göstərilməsi xidmətini formalaşdırmağa dəstək olurlar.

17.09.2022

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

12

ÜMUMİ KURSLAR

2500

AKTİV MÜƏLLİM

4000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun