Profil

Axtarış

Azərbaycan Gənc Müəllimlər Assosiasiyası (AGMA) sədr üçün müraciətləri açıq elan edir!

Azərbaycan Gənc Müəllimlər Assosiasiyası (AGMA) sədr üçün müraciətləri açıq elan edir!
 
Sədrlik üçün müraciət edən namizədlərə dair xüsusi tələblər:
 
●Ali təhsil (pedaqoji ixtisaslar üzrə);
● Magistr dərəcəsi;
● Strategiyaların hazırlanması və təhlil edilməsi üzrə təcrübə;
● Pedaqoji təcrübə və ya təhsil idarəetməsi sahəsində ən azı 2 il iş təcrübəsi (özəl və ya dövlət ümumi təhsil müəssisəsində);
● Layihələrin idarə edilməsi, kommunikasiya və ya digər əlaqəli sahələr üzrə təcrübə;
● Gənclərlə iş sahəsində minimum 2 illik təcrübə;
● Komanda quruculuğu, təşkilatçılıq sahələri üzrə təcrübə;
● Azərbaycan və ingilis dillərində sərbəst danışıq və yazı qabiliyyəti (rus dili arzuolunandır);
● “MS Office” proqramlarında sərbəst işləmək bacarığı, müxtəlif proqramlar vasitəsilə təqdimatların hazırlanması;
● Təşkilatçılıq və liderlik keyfiyyətləri;
● Analitik düşünmə və problem həlletmə;
● Ünsiyyət və komanda da işləmək bacarıqları.
 
Vəzifə öhdəlikləri: 
 
● Regionlarda fəaliyyət göstərən gənc müəllimlərlə şəbəkələşmənin inkişaf etdirilməsi məqsədilə görüş, dəyirmi masa və tədbirlər keçirmək;
● Gənc müəllimlər arasında mütəmadi olaraq təhsilin aktual məsələləri ilə bağlı sorğular keçirmək və təhlillər aparmaq;
● Aidiyyəti üzrə layihələr hazırlamaq və təkliflər vermək;
● Aidiyyəti dövlət, özəl və beynəlxalq strukturlarla əməkdaşlıq etmək;
● Gənc müəllimlərin təlim ehtiyaclarını müəyyənləşdirərək uyğun olaraq təlim proqramları və kurslar təşkil etmək;
● Assosiasiyanın üzv bankını genişləndirmək və fənn birliklərinin fəaliyyətinə nəzarət etmək;
● Rüblük, yarımillik və illik hesabatlar hazırlamaq, aidiyyəti üzrə təqdim etmək;
● "Azərbaycan Respublikasının 2022-2026-cı illərdə sosial-iqtisadi inkişaf Strategiyası" da nəzərdə tutulmuş fəaliyyətlərin həyata keçirilməsi istiqamətində tədbirlər görmək;
● Ölçülə bilən indikatorlar göstərilməklə illik fəaliyyət planı hazırlamaq və icrasını həyata keçirmək;
● Yeniliklər və tədbirlərlə bağlı mütəmadi olaraq yazılı və onlayn mediada təbliğat işləri aparmaq və çıxışlar etmək.

Müraciət edəcək müəllimlərin Bakı şəhərindən olmaları mütləqdir.

Yalnız seçilmiş namizədlərlə əlaqə saxlanılacaq.

AGMA sədrliyinə müraciət üçün qeydiyyat linki: https://ref.az/3oFCg1G 

Sədr müavinliyi, İdarə Heyəti və Mərkəzi Nəzarət-Təftiş Komissiyasının (MNTK) üzvlüyünə müraciət üçün isə CV, tərcümeyi-hal və tövsiyə məktubunu [email protected] elektron poçt ünvanına müvafiq başlığı yazmaqla göndərmək mümkündür.

Müraciət üçün son tarix: 10.09.2024-cü il.
 
Siz də AGMA komandasına qoşulmaq istəyirsinizsə, qeydiyyatdan keçə bilərsiniz.

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
“Cümhuriyyət Maarifçiliyi və Müstəqil Azərbaycanın Təhsil Yolu” adlı tədbir keçirilib.
22 may 2025-ci il tarixində Milli Azərbaycan Tarixi Muzeyində “Cümhuriyyət Maarifçiliyi və Müstəqil Azərbaycanın Təhsil Yolu” mövzusunda görüş keçirilib.

Azərbaycan Gənc Müəllimlər Assosiasiyası, Gənc Tarix Müəllimləri Birliyinin təşkilatçılığı və Milli Azərbaycan Tarixi Muzeyinin tərəfdaşlığı ilə keçirilən tədbir Azərbaycanın maarifçilik tarixi və müasir təhsil yolu ətrafında geniş fikir mübadiləsi aparılıb.

Tədbirin açılışı  Azərbaycan Respublikasının Dövlət Himninin səsləndirilməsi və şəhidlərin xatirəsinin bir dəqiqəlik sükutla yad olunması ilə başlanıb. Ardınca, Milli Azərbaycan Tarixi Muzeyinin İnnovasiyalar və təhsil proqramları şöbəsinin müdiri Fəridə Şəmsi və AGMA-nın sədri Pərvinə Qədimova çıxış edərək maarifçiliyin təhsildəki əhəmiyyətindən danışdılar.

Tədbirdə Azərbaycan Respublikasının Milli Məclisinin deputatı Ceyhun Məmmədov çıxış edərək təhsil siyasətində maarifçi ideyaların davamlılığının vacibliyini vurğuladı. Daha sonra AMEA-nın Tarix və Etnologiya İnstitutunun dosenti, tarix elmləri üzrə fəlsəfə doktoru Nailə Hüseynova, Milli Azərbaycan Tarixi Muzeyinin aparıcı elmi işçisi, tarix elmləri üzrə fəlsəfə doktoru, dosent Əli Fərhadov və həmin muzeyin baş mütəxəssisi Qənirə Qafarlı çıxış edərək tarixi irsin müasir təhsildəki roluna dair elmi araşdırmalarını təqdim etdilər.

Görüş çərçivəsində dinləyicilərlə interaktiv müzakirələr aparıldı və onların sualları cavablandırıldı. Müzakirələrə AGMA-ya tabe Gənc Tarix Müəllimləri Birliyinin sədri Əli Abdullayev moderatorluq etdi. Tədbirin sonunda iştirakçılar muzeydə ekskursiyada oldular və görüş kollektiv foto çəkilişi ilə yekunlaşıb.

23.05.2025

badge-icon
“Nə? Harada? Nə zaman?” intellektual oyunu keçirilib
Ümummilli lider Heydər Əliyevin 102-ci ildönümünə həsr olunmuş intellektual oyun keçirilib

Ümummilli lider Heydər Əliyevin anadan olmasının 102-ci ildönümü münasibətilə Şəki-Zaqatala Regional Təhsil İdarəsinin, Yeni Azərbaycan Partiyası Şəki rayon təşkilatının və Azərbaycan Gənc Müəllimlər Assosiasiyasının birgə təşkilatçılığı ilə Şəki şəhərində müəllimlər arasında “Nə? Harada? Nə zaman?” intellektual oyunu keçirilib.

Tədbir Azərbaycan Respublikasının Dövlət Himninin səsləndirilməsi və Ümummilli lider Heydər Əliyevin, eləcə də Vətənimizin suverenliyi və ərazi bütövlüyü uğrunda canlarını fəda etmiş şəhidlərin xatirəsinin bir dəqiqəlik sükutla yad olunması ilə başlayıb.

Bilik yarışını açılış nitqi ilə açan YAP Şəki rayon təşkilatının sədri Daşqın Mikayılov Ulu Öndər Heydər Əliyevin dövlətçilik tariximizdə oynadığı müstəsna roldan, Yeni Azərbaycan Partiyasının yaranma zərurətindən və bu günə qədər keçdiyi inkişaf yolundan bəhs edib. Təşkilatının sədri intellektual oyunun keçirilməsində əsas məqsədin gənc nəslin Heydər Əliyev irsini daha dərindən öyrənməsinə töhfə vermək olduğunu qeyd edib və iştirakçılara uğurlar arzulayıb.

Daha sonra çıxış edən Şəki-Zaqatala Regional Təhsil İdarəsinin İnzibati təşkilat sektorunun müdiri Rauf Əsədov Ulu Öndərin təhsilə göstərdiyi xüsusi diqqət və qayğını vurğulayıb. Belə tədbirlərin həm də gənc müəllimlər arasında kommunikasiyanın, həmrəyliyin və əməkdaşlığın möhkəmləndirilməsində, onların təşkilatlanmasında, intellektual bacarıqlı müəllimlərin üzə çıxmasında əhəmiyyətə malik olduğunu bildirib.

17 komandanın iştirakı ilə keçirilən intellektual yarışın nəticəsinə əsasən “Bizim Cəbiş müəllim” komandası birinci, “44” komandası ikinci, “Elm keşikçiləri” komandası isə üçüncü yerə layiq görülüb.

Sonda qalib və mükafatçılara diplom, medal və kuboklar təqdim olunub.

07.05.2025

badge-icon
Qazaxda “Çağdaş təhsildə təşkilatlanma: Yeni nəsil tərbiyəsi” mövzusunda forum keçirilib
3 may 2025-ci il tarixində Qazax Müəllimlər Seminariyası – ADA Universitetinin Qazax Mərkəzində “Çağdaş təhsildə təşkilatlanma: Yeni nəsil tərbiyəsi” mövzusunda forum keçirilib. Tədbir Azərbaycan Gənc Müəllimlər Assosiasiyasının (AGMA) təşkilatçılığı, Qazax-Tovuz Regional Təhsil İdarəsinin tərəfdaşlığı və “Azərbaycan müəllimi” qəzetinin informasiya dəstəyi ilə reallaşıb.

Forum iştirakçıları tədbirdən əvvəl ümummilli lider Heydər Əliyevin Qazax şəhərindəki abidəsini ziyarət ediblər, abidəsi önünə gül dəstələri düzüblər. Daha sonra forum Azərbaycan Respublikasının Dövlət Himninin səsləndirilməsi və şəhidlərin xatirəsinin bir dəqiqəlik sükutla yad olunması ilə başlanıb.

Qazax Müəllimlər Seminariyası- ADA Universitetinin Qazax Mərkəzinin əməkdaşı Yeganə Göyüşova çıxış edərək forum iştirakçılarını salamlayıb, forumun işinə uğurlar arzulayıb. Eyni zamanda Qazax Müəllimlər Seminariyası-ADA Universitetinin Qazax Mərkəzinin tarixini qısa şəkildə şərh edib.

Rəsmi açılış mərasimində Qazax-Tovuz Regional Təhsil İdarəsinin müdiri Vüqar Dadaşov və AGMA-nın sədri Pərvinə Qədimova çıxış edərək forumun məqsədi və əhəmiyyəti barədə danışıblar. Natiqlər müasir təhsil sistemində yeni nəslin düzgün tərbiyəsinin aktuallığını vurğulayıblar.

Forum çərçivəsində Azərbaycan Respublikasının Milli Məclisinin deputatı Mehriban Vəliyeva və ARTİ-nin Təlimin nəzəriyyəsi və metodikası şöbəsinin müdiri Aynur Paşayeva çıxış edərək çağdaş təhsil mühitində tətbiq edilən yeniliklər və pedaqoji yanaşmalar barədə fikirlərini bölüşüblər.

Gənc alim, elm üzrə Prezident mükafatçısı Elnur Həsənov çıxış edərək forum iştirakçıları salamlayıb, regionlarda təşkil edilən bu cür forumları yüksək qiymətləndirib. 100 illik tarixə malik olan "Məcmuə. Muhəmməd Rəfi-əd-din" kitabı Pərvinə Qədimovaya təqdim edib.

Rəsmi hissədən sonra bədii hissə nümayiş olunub. Bədii hissədə müxtəlif təhsil müəssisələrindən olan şagirdlər mahnılar ifa edib, kompozisiyalarla çıxış ediblər.

Forum panel müzakirə ilə işini davam etdirib. Moderatorluğu AGMA-nın sədr müavini Səltənət Qurbanova aparıb.

Panel müzakirəsində spikerlər – Ağstafa rayonu İlqar Salıfov adına Dağ Kəsəmən kənd 2 nömrəli tam orta ümumtəhsil məktəbinin direktoru Vüsal Həsənov, Şəmkir rayonu Seyfəli kənd tam orta ümumtəhsil məktəbinin informatika müəllimi Rəna Heydərzadə və Gədəbəy şəhəri İlham Əliyev adına 1 nömrəli tam orta ümumtəhsil məktəbinin coğrafiya müəllimi Orxan Məmmədov çıxış ediblər. Onlar şagirdlərdə dəyər yönümlü yanaşmaların formalaşdırılması, müəllim nümunəsinin rolu və sosial mühitin təsiri haqqında fikirlərini iştirakçılarla bölüşüblər.

Forum qarşılıqlı müzakirə və sualların cavablandırılması ilə yekunlaşıb.

04.05.2025

badge-icon
Gəncədə “Çağdaş təhsildə təşkilatlanma: Yeni nəsil tərbiyəsi” mövzusunda forum keçirilib
Gəncədə “Çağdaş təhsildə təşkilatlanma: Yeni nəsil tərbiyəsi” mövzusunda forum keçirilib

Aprelin 25-də Gəncədə “Çağdaş təhsildə təşkilatlanma: Yeni nəsil tərbiyəsi” adlı forum keçirilib. Azərbaycan Gənc Müəllimlər Assosiasiyasının (AGMA) təşkilatçılığı, Gəncə - Daşkəsən Regional Təhsil İdarəsinin tərəfdaşlığı və Azərbaycan müəllimi qəzetinin informasiya dəstəyi ilə keçirilən forumda 300-dək müəllim iştirak edib.
Dövlət Himninin səsləndirilməsi ilə başlayan tədbirdə, Ulu Öndər Heydər Əliyevin və şəhidlərin xatirəsi bir dəqiqəlik sükutla yad edilib.

Gəncə-Daşkəsən Regional Təhsil İdarəsinin müdir müavini vəzifəsini icra edən Elmin Məmmədtağıyev çıxışında  forumda qeyd olunan mövzunun təhsilin inkişaf aspekti istiqamətində olduqca vacib olduğunu, çağdaş təhsildə təşkilatlanma ən əhəmiyyətindən danışıb. Gənc müəllimlərin təkmilləşməsi istiqamətində AGMA-nın fəaliyyətini yüksək qiymətləndirib.

Azərbaycan Gənc Müəllimlər Assosiasiyasının sədri Pərvinə Qədimova, Azərbaycan Psixologiya Akademiyasının direktoru Ramil Hüseynzadə, ARTİ, Təhsil Texnologiyaları Mərkəzinin Məktəbəqədər təhsil üzrə layihələr şöbəsinin müdiri Orxan Cəfərov, Elm üzrə Prezident mükafatçısı, gənc alim Elnur Həsənov çıxış edərək, forumun mahiyyəti və aktuallığı barədə danışıblar. Onlar müasir təhsil sistemində nəsil tərbiyəsinin vacibliyini vurğulayaraq, bu istiqamətdə həyata keçirilən yeniliklər və innovativ metodlardan bəhs ediblər.
Rəsmi hissədən sonra bədii hissədə Gəncə şəhər Uşaq-Gənclər İnkişaf Mərkəzinin "Azərin" rəqs qrupunun rəqs nömrəsi nümayiş olunub.

Forum panel müzakirə ilə işini davam etdirib. AGMA-nın sədr müavini, Gəncə şəhər İ.Qayıbov adına 1 nömrəli tam orta məktəbin Azərbaycan dili və ədəbiyyatı müəllimi Səltənət Qurbanova moderatoru olduğu panel müzakirədə spikerlər Samux rayon Qarayeri qəsəbə 1 nömrəli məktəb-liseyin Azərbaycan dili və ədəbiyyat müəllimi, Əməkdar müəllim Göyçək Namazova, Göygöl rayon Texniki və Təbiət Fənləri Təmayüllü liseyin direktoru Zəhra Zeynalova, Gəncə şəhər Ş.İ.Xətai adına 13 nömrəli tam orta məktəbin ingilis dili müəllimi Günel Hacıyeva müəllimlərin öz şəxsi nümunələri ilə şagirdlərinə dəyər aşılamaları, məktəbdə dəyər yönümlü təhsilin əsası, şagirdlərdə vətənpərvərlik, dürüstlük, əməksevərlik kimi əsas dəyərlərin inkişafı, dəyərlərin formalaşmasında sosial mühitin əhəmiyyəti və digər mövzularda çıxış ediblər. 

Forum qarşılıqlı müzakirə və sualların cavablandırılması ilə yekunlaşıb.

26.04.2025

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

81

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun