Profil

Axtarış

Ümumi məlumat

Azərbaycan Gənc Müəllimlər Assosiasiyası
Üzvlük haqqında

ƏSASNAMƏ

Giriş

Azərbaycan Gənc Müəllimlər Assosiasiyasına üzvlük haqqında Əsasnamə Azərbaycan Gənc Müəllimlər Assosiasiyasının Nizamnaməsinin icra edilməsi məqsədi ilə hazırlanmışdır.
Azərbaycan Gənc Müəllimlər Assosiasiyasına üzvlük haqqında Əsasnamə üzvlük növlərini, Assosiasiyaya daxil olmaq və üzvlüyün ləğv edilməsi qaydasını, üzvlərin hüquq və öhdəliklərini, onların Assosiasiyada uçota alınması qaydasını müəyyən edir. 
Terminlərin tərifi:
Birlik - Azərbaycan Gənc Müəlllimlər Assosiasiyası
Əsasnamə - Azərbaycan Gənc Müəlllimlər Assosiasiyasına üzvlük haqqında Əsasnamə 
Ərizəçi - Azərbaycan Gənc Müəllimlər Assosiasiyasının üzvü olmaq istəyən fiziki şəxs

1. Ümumi əsasnamələr


1.1. AGMA ictimai birliyi 15 Aprel 2020 -ci il tarixində Azərbaycan Respublikası ərazisində müəyyən olunmuş məqsədlərlə ümumi maraqlar əsasında, könüllü, üzvlərinin hüquq bərabərliyi əsasında yaradılan, öz fəaliyyətinin əsas məqsədi kimi gəlir əldə etməyi nəzərdə tutmayan qeyri-hökümət təşkilatıdır. 15 Aprel 2020-ci il tarixində Ədliyyə Nazirliyinin Hüquqi Şəxslərin Dövlət Qeydiyyatı İdarəsi tərəfindən dövlət qeydiyyatına alınan ictimai birliyin fəaliyyət predmeti və məqsədi təhsildə innovasiyalarla bağlı gənc müəllimlər arasında əməkdaşlığın inkişafına, onların maarifləndirilməsinə dəstək verməkdən ibarətdir.

2. Birlikdə üzvlük


2.1. Birlikdə üzvlük fərdidir.  
2.2. Üzvlər və Fəxri üzvlər fərdi üzvlərdir. 
2.3. Azərbaycan Respublikasında 16-35 yaşlı hər bir müəllim, təhsil işçisi və pedaqoji ixtisaslı gənc Birliyin üzvü ola bilər. Birliyin təsisçiləri birliyin üzvləri hesab edilir. 
2.4. Birliyin inkişafına böyük töhfə vermiş və Birliyin fəaliyyətinə böyük təşkilati, maddi və ya digər dəstək göstərən 18 yaşdan yuxarı olan və gənc olmayan şəxslər birliyin fəxri üzvləri ola bilərlər. 

3. Birliyə qəbul olunma qaydası


3.1. Birliyə üzvlərin qəbulu Birliyin İdarə Heyəti tərəfindən aparılır.
3.2. Birliyə daxil olmaq üçün İdarə Heyətinə yazılı şəkildə müraciət edilir. Ərizəyə bir ay müddətində baxılır. Səsvermə nəticəsində İdarə Heyətinin üzvlərinin yarıdan çoxu bu məsələyə müsbət münasibətini bildirdikdə, ərizəçi Birliyin üzvü seçilmiş hesab edilir.
3.3. Birliyin üzvlüyünə qəbul prosesi  Birliyə daxil olmaq haqqında ərizələr əsasında həyata keçirilir. 
3.4. Ərizəçi müəyyən edilmiş nümunə əsasında ərizəni doldurur (Əlavə № 1).
3.5. Birliyin üzvü “Azərbaycan Gənc Müəllimlər Assosiasiyasının üzvlük haqqları haqqında Əsasnamə”yə müvafiq olaraq illik ödəniş ödəyir.  

4. Birliyin üzvlərinin hüquq və öhdəlikləri


4.1. Birliyin üzvləri öz aralarında bərabərhüquqlu olub aşağıdakı hüquqlara malikdir:
4.1.1. Bu Əsasnamə və digər sənədlərdə nəzərdə tutulmuş qaydada təşkilatın idarəçiliyində iştirak etmək;
4.1.2. Birliyin hər hansı seçkili o cümlədən rəhbər orqanına seçmək və ya həmin  orqanlarda təmsil olunmaq;
4.1.3. Birliyin fəaliyyətində və təşkil etdiyi tədbirlərdə iştirak etmək;
4.1.4. Birliyin rəhbər orqanlarının fəaliyyəti barədə məlumat almaq, fəaliyyətinə nəzarət etmək;
4.1.5. Öz mənafelərinin müdafəsinə kömək göstərilməsi üçün Birliyə müraciət etmək;
4.1.6. Özünün hüquq və vəzifələri ilə bağlı hər hansı məsələnin müzakirəsində şəxsən iştirak etmək;
4.1.7. Könüllü surətdə Təşkilatdan çıxmaq;
4.2. Birliyin üzvü yalnız Birliyin müvafiq orqanları səlahiyyət verdikdə həmin orqanı təmsil edə və ya onun adından bəyanatla çıxış edə bilər.
4.3. Birliyin üzvləri aşağıdakı vəzifələri daşıyır:
4.3.1. Birliyin nizamnaməsinə əməl etmək;
4.3.2. Birliyin seçkili orqanlarının qərarlarını yerinə yetirmək;
4.3.3. Nizamnamə tələblərinə riayət etmək;
4.3.4. Birliyin tədbirlərində iştirak etmək.
4.4. Birliyə üzvlük haqqının miqdarı Birliyin İdarə heyəti tərəfindən müəyyən edilir. 
4.5. Birliyin işində fəal iştirak edən üzvlər aşağıdakı qaydada təltif edilir:
4.5.1. Təşəkkürnamə və diplomlarla mükafatlar.
4.6.

Birliyin üzvü tərəfindən Nizamnamənin, Əsasnamənin, habelə Birliyin ümumi yığıncaqlarının qərarlarının tələblərinin pozulmasına görə aşağıda qeyd edilən ictimai təsir tədbirləri tətbiq edilir:
4.6.1. Şifahi xəbərdarlıq;
4.6.2. Birliyin rəhbər orqanlarının tərkibindən çıxarılma;
4.6.3. Birliyin üzvlüyündən çıxarılma.

5. Birlikdə üzvlüyün ləğv edilməsi


5.1. Birliyə üzvlüyə aşağıdakı hallarda xitam verilir:
5.1.1. Könüllü olaraq Birliyin üzvlüyündən çıxdıqda;
5.1.2. Birliyin üzvlüyündən xaric edildikdə;
5.1.3. “Gənclər siyasəti haqqında” Azərbaycan Respublikasının Qanununun 9-1.2 –ci maddəsində müəyyən edilmiş halda (35 yaşı tamam olduqda).
5.2. Birliyin üzvü aşağıdakı hallarda üzvlükdən xaric edilir:
5.2.1. Birliyin imicinə mənfi təsir göstərən hərəkətlərə yol verdikdə;
5.2.2. Mütəmadi olaraq Birliyin işində iştirak etməkdən boyun qaçırdıqda;
5.2.3. Həqiqətə uyğun gəlməyən və ya yanlış şərh olunmuş, təşkilatın maraqlarına və işgüzar etibarına zərbə vuran məlumatları yaydıqda və ya yayılmasına səbəb olduqda;
5.2.4. Nizamnamə məqsədlərinə zidd hərəkət etdikdə.
5.3. Üzvlükdən çıxarılma İdarə Heyətinin qərarı ilə həyata keçirilə bilər.
5.4. Birlik üzvünün həmin qərardan Birliyin ali idarəetmə orqanına və məhkəməyə şikayət etmək hüququ vardır.


6. Üzvlərin uçotu


6.1. Rayon Təhsil Şöbələri ilə üzvlük təsdiq edilir.
6.2. Hər bir üzv və üzvlüyə ərizə vermiş şəxs üçün İdarə heyəti və ya üzvlərlə iş üzrə rəhbər şəxs tərəfindən təsdiq edilmiş forma üzrə şəxsi elektron kart açılır. 

7. Son Əsasnamələr


7.1. Üzvlük haqqında Əsasnamə İdarə Heyəti tərəfindən təsdiq edilir və Birliyin sədri tərəfindən imzalandığı andan qüvvəyə minir.  
7.2. İdarə Həyətinin qərarı ilə bu Əsasnaməyə müvafiq protokolla rəsmiləşdirilən əlavə və dəyişikliklər daxil edilə bilər.

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Təqdimatlarımız davam edir
 Bakı Şəhəri Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Bakı şəhəri Sabunçu rayonu E.Məhərrəmov adına 137 №li tam orta məktəbdə AGMA-nın Bakı şəhəri üzrə koordinatorları Elnurə İsmayılova və  Ruhane Yaqubova tərəfindən təqdimat keçirilib. 

Təqdimatın davamında gənc müəllimlərimiz üçün "Təlim prosesində səmərəli öyrənmə mühitinin qurulması", "Sinfin idarəedilməsi və məktəb-şagird-valideyn üçbucağı" mövzularında seminar keçirilib. 

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.

01.04.2025

badge-icon
Müəllimlərin Riyaziyyat Müsabiqəsinin final mərhələsi keçirilib
 Martın 29-da Azərbaycan Gənc Müəllimlər Assosiasiyasının təşkilatçılığı və Azərbaycan Təhsil İşçiləri Azad Həmkarlar İttifaqı-nın tərəfdaşlığı ilə "Müəllimlərin Riyaziyyat Müsabiqəsi" nin final mərhələsi keçirilib. 

Müsabiqədə Bakı və Naxçıvan şəhərlərində final mərhələsinə vəsiqə qazanan 33 nəfər iştirak edib.

 ️Müsabiqədə  təhsilverənlərə AMC (American Mathematics Competitions) tapşırıqları əsasında 25 sual təqdim olunub və sualları cavablandırmaq üçün 75 dəqiqə vaxt ayrılıb. 

 Qeyd edək ki, müsabiqədə 1-ci yeri Zərqəm Əsədov (İsmayıllı), 2-ci yeri 2 nəfər Rüstəm Təhməzov (Bakı) və Orxan Bayramov (Quba), 3-cü yeri 3 nəfər olmaqla Zinyət Cabbarlı (Şərur), Natiq Mustafayev (Xaçmaz) və Aygün Xəlilli (Bakı) ən yüksək bal toplamış 6 müəllim təşkilatçılar tərəfindən mükafatlandırılıb. 

"Müəllimlərin Riyaziyyat Müsabiqəsi" ndə iştirak edən müəllimlərimizi təbrik edirik.

29.03.2025

badge-icon
Təqdimatlarımız davam edir
Bakı Şəhəri Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Bakı şəhəri Suraxanı rayonu D.Məmmədzadə adına 232 nömrəli tam orta məktəbdə AGMA-nın Bakı şəhəri üzrə koordinatoru Elnurə İsmayılova tərəfindən təqdimat keçirilib. 

Təqdimatdan sonra gənc müəllimlərimiz üçün Elnurə İsmayılova tərəfindən  "Sinfin səmərəli idarəedilməsi" və "Müasir dərsin quruluşu" mövzularında seminar keçirilib. Qonaq qismində İbtidai sinif müəllimlər birliyinin koordinatoru Səidə Dünyamalıyeva "Müasir dərsin quruluşu" mövzusunda öz təcrübələrini gənc müəllimlərlə bölüşüb.

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.

19.03.2025

badge-icon
İdeyanı reallaşdır adlı praktik seminar keçirilib
Xaçmaz rayonu üzrə təhsil sektorunun dəvəti ilə Azərbaycan Gənc Müəllimlər Assosiasiyası tərəfindən "İdeyanı reallaşdır" adlı praktik seminar keçirilib. 

Seminarın təşkil olunmasında məqsəd gənc müəllimlərin təhsil sahəsində müxtəlif layihələrin yazılışına dair maarifləndirmə işinin aparılmasından ibarətdir.
Xaçmaz rayonu üzrə təhsil sektorunun müdiri Qələmşah Dostuyev çıxış edərək görüşün məqsədi haqqında məlumat verib. 

Sonra AGMA-nın sədri Pərvinə Qədimova çıxış edərək müəllimlərə layihələrin yazılması qaydaları haqqında məlumat verib. Seminar müəllimlərin praktik işləri ilə davam edib. Fasilə zamanı isə müəllimlərlə səmimi ortamda gələcək fəaliyyətlər müzakirə olunub.

Xaçmaz rayonu üzrə təhsil sektorunun müdiri Qələmşah Dostuyevə müəllimlər üçün yaratdığı şəraitə görə təşəkkür edirik.

17.03.2025

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

81

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun