Azərbaycan Gənc Müəllimlər Assosiasiyası (AGMA) və TESL Academy - Tədris Mərkəzi-nin əməkdaşlığı çərçivəsində gənc müəllimlər xarici dil biliklərini artıra biləcəklər. 

AGMA üzvlük kartı ilə qeydiyyatdan keçən müəllimlərə kurslarda xüsusi endirim ediləcəkdir. Sizin seçiminizdən asılı olaraq dərslər əyani və ya onlayn şəkildə, həftədə 2 və ya 3 dəfə keçiriləcəkdir.

“Texnoloji Qalibiyyətli Müəllim!” layihəsini  yekun hesabat tədbiri keçirilib. 

 

2 fevral Dağlıq Şirvan Regional Təhsil İdarəsinin Ağsu Rayon Aratkənd kənd  tam orta məktəbində Azərbaycan Respublikası Elm və Təhsil Nazirliyinin "Təhsildə inkişaf və innovasiyalar üzrə VI qrant müsabiqəsi" çərçivəsində icra edilən "Texnoloji Qabiliyyətli Müəllim!” adlı layihəsinin yekun hesabat tədbiri keçirilib.

Layihəyə dəstək olan Azərbaycan Gənc Müəllimlər Assosiasiyasının layihələr üzrə meneceri Elvin Axundov çıxış edərək layihənin önəmindən bəhs edib.

Layihənin əsas məqsədi təhsilə yararlı veb 2 alətləri ilə müəllimləri tanış etmək, dərsə uyğun alət seçib hazırlayaraq dərslərində tətbiq etmək, aktiv e-twinning fəaliyyəti üçün müəllimlərin motivasiyasını artırmaq və bu sahədə bilik, bacarıqları formalaşdırmaqdan ibarətdir.

Bakı Şəhəri üzrə Təhsil İdarəsinin (BŞTİ) təşkilatçılığı ilə 2 Fevral-Azərbaycan Gəncləri Günü münasibətilə görüş keçirilib.

Görüşdə elm və təhsil nazirinin müşaviri Rüstəm Ağayev, BŞTİ-nin müdiri Mehriban Vəliyeva, Azərbaycan Dövlət Pedaqoji Universitetinin (ADPU) Strateji inkişaf məsələləri üzrə prorektoru Könül Pirverdiyeva, Azərbaycan Gənc Müəllimlər Assosiasiyasının (AGMA) sədri Rüfət Əsədzadə, İdarənin müvafiq struktur bölmə rəhbərləri, gənc müəllimlər, “Məktəblinin dostu” layihəsinin əməkdaşları və uğurları ilə fərqlənən şagirdlər iştirak ediblər.

Elm və təhsil nazirinin müşaviri Rüstəm Ağayev əsası Ümummilli Lider Heydər Əliyev tərəfindən qoyulan dövlət gənclər siyasətinin Prezident İlham Əliyevin rəhbərliyi ilə uğurla davam etdirildiyini bildirib. Vətən Müharibəsində qazanılan qələbədə gənclərin rolunu xüsusi vurğulayan nazir müşaviri gənclərə milli-mənəvi dəyərlərimizi qorumağı tövsiyə edib. R.Ağayev cəmiyyətimizdə təhsil işçilərinin üzərinə düşən vəzifələrdən, müəllim məsuliyyətindən bəhs edib.

BŞTİ-nin müdiri Mehriban Vəliyeva tədbir iştirakçılarını Azərbaycan Gəncləri Günü münasibətilə təbrik edib, onlara uğurlar arzulayıb. İdarə müdiri bildirib ki, 1997-ci ildə Ulu Öndər Heydər Əliyevin sərəncamı ilə təsis olunan Azərbaycan Gəncləri Günü gəncliyə göstərilən diqqət və qayğının bariz nümunəsidir. İdarə müdiri Prezident İlham Əliyevin rəhbərliyi ilə gənclərin hərtərəfli inkişafı üçün geniş imkanlar yaradıldığını və bu istiqamətdə çoxsaylı sərəncamlar imzalandığını, layihələr həyata keçirildiyini vurğulayıb.

İdarə müdiri son illər müəllimlərin stimullaşdırılması, peşəkarlığının artırılması və müəllim nüfuzunun yüksəldilməsi istiqamətində məqsədyönlü tədbirlər həyata keçirildiyini qeyd edib.

Həmçinin Vətən Müharibəsində qəhrəmanlıq tariximizinin yeni salnaməsini yazanlar arasında gənc müəllimlərin, həmçinin onların yetirmələrinin olmasının qürurverici olduğunu söyləyib.

Daha sonra çıxış edən ADPU-nun prorektoru K.Pirverdiyeva, AGMA-nın sədri R.Əsədzadə Azərbaycan gənclərinin müasir, inkişaf etmiş, yüksək intellektli aparıcı qüvvə kimi formalaşmasında dövlətimizin apardığı gənclər siyasətinin rolundan bəhs edib, gənclərə fərdi inkişafla bağlı tövsiyələr veriblər.

Görüşdə iştirak edən gənclər göstərilən diqqətə görə öz təşəkkürlərini bildirib və uğur hekayələrini danışıblar.

Sonda Azərbaycan Gəncləri Günü münasibətilə bir qrup gəncə səmərəli fəaliyyətinə görə Təşəkkürnamə təqdim olunub.

2 fevral - gələcəyimiz olan gənclərin günüdür.

Gənclik gələcəyin özü, böyük ümidlər və sağlam düşüncə deməkdir. Elmin, təhsilin inkişafı, cəmiyyətin proqresi gənclərimizin imza atdığı uğurlu addımlardan asılıdır.

Biz də AGMA ailəsi olaraq gənc müəllimlərimizi təbrik edir,onlara təhsil və həyat yollarında daima yenilikçi addımlarla irəliləməyi arzu edirik.

Şəki-Zaqatala Regional Təhsil İdarəsinin təşkilatçılığı ilə 2 Fevral Gənclər Günü münasibətilə şimal-qərb bölgəsinin ümumi təhsil müəssisələrində çalışan bir qrup gənc müəllimlə görüş keçirilib.

Şəki şəhər Heydər Əliyev Mərkəzində təşkil olunmuş tədbirdə Azərbaycan Gənc Müəllimlər Assosiasiyasının sədri Rüfət Əsədzadə, Şəki-Zaqatala Regional Təhsil İdarəsinin müdiri Bəhruz Mehdiyev, İdarənin müvafiq struktur bölmə rəhbərləri, Azərbaycan Təhsil İşçiləri Azad Həmkarlar İttifaqı (ATİAHİ) Şəki rayon komitəsinin sədri Ziyafət Xasıyeva və gənc müəllimlər iştirak ediblər.

İlk olaraq, tədbir iştirakçıları ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad ediblər.

Tədbir Dövlət Himninin səsləndirilməsi, Vətən uğrunda canlarından keçən şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

Tədbiri giriş sözü ilə açan Şəki -Zaqatala Regional Təhsil İdarəsinin müdiri Bəhruz Mehdiyev gənc müəllimləri təbrik edərək, 2 Fevral Gənclər Gününün tarixindən bəhs edib. Hər il 2 fevralın ölkəmizdə Gənclər Günü kimi qeyd edildiyini söyləyən idarə müdiri Azərbaycanda ulu öndər Heydər Əliyevin əsasını qoyduğu dövlət gənclər siyasətinin Prezident İlham Əliyev tərəfindən uğurla davam etdirildiyini vurğulayıb. B.Mehdiyev həmçinin, Prezident İlham Əliyevin rəhbərliyi ilə ölkədə gənclərin hərtərəfli inkişafı üçün geniş imkanlar yaradıldığını tədbir iştirakçılarının diqqətinə çatdırıb.

İdarə müdiri son illər müəllimlərin stimullaşdırılması, peşəkarlığının artırılması və müəllim nüfuzunun yüksəldilməsi istiqamətində də məqsədyönlü tədbirlər həyata keçirildiyindən danışıb. Hər il gənc müəllimlərin sayının daha da artmasının gənclərin müəllimlik peşəsinə olan marağından xəbər verdiyini bildirib.

Daha sonra AGMA-nın sədri Rüfət Əsədzadə Azərbaycanda uşaq, yeniyetmə və gənclərin hərtərəfli inkişafı, onların bilikli, savadlı və sağlam böyümələri, milli-mənəvi dəyərlərimizə hörmət və vətənpərvər ruhda tərbiyə almaları üçün təhsil müəssisələrində görülən işlərdən, həyata keçirilən tədbirlərdən söhbət açıb.

ATİAHİ-nın Şəki rayon komitəsinin sədri Ziyafət Xasıyeva ölkəmizdə həyata keçirilən dövlət gənclər siyasəti çərçivəsində görülən işlərdən, bilavasitə gənclərin fəal iştirakı ilə həyata keçirilən tədbirlərdən danışıb, təhsil işçilərini əlamətdar gün münasibətilə təbrik edib.

Tədbirə dəvət olunan gənclər çıxış edərək Azərbaycan gəncliyinə göstərilən diqqət və qayğıya görə ölkə Prezidenti İlham Əliyevə dərin minnətdarlıqlarını bildirib, gənc nəslin təlim-tərbiyəsi sahəsində daha səmərəli fəaliyyət göstərəcəklərinə əminliklərini ifadə ediblər.

Sonda ədəbi-bədii kompozisiya nümayiş olunub.

Müəllimin kommunikasiya bacarıqları

18 fevral 2023-cü il tarixində Bakı şəhərində Azərbaycan Gənc Müəllimlər Assosiasiyası (AGMA) və KarnegiKlub Treninq Mərkəzinin birgə tərəfdaşlığı ilə Dr. Nəcəf Allahverdiyev tərəfindən “Müəllimin kommunikasiya bacarıqları” mövzusunda masterklass keçiriləcəkdir.

AGMA üzvləri üçün ödəniş 50 faiz endirim edilərək 25 manat olacaqdır.

Qiymətə daxildir:

-6 saat treninq;

-Onlayn sertifikat;

-“İmtahan həyəcanına yox” kitabçası.

Proqramda müəllimlər “Natiqlik və özgüvən”, “Təqdimat və ünsiyyət”, “Stress menecmenti və EQ”, “NLP texnikaları” haqqında məlumatlanacaqlar. 

Qeydiyyatdan keçmək üçün aşağıdakı linkə daxil olun:

https://wa.me/message/GT6Z5APYKBVIE1

"Gənc müəllimlərin III şəbəkələşmə forumu"nda dəyərli spikerlərimiz müəllimlərin inkişafına dəstək olmaq üçün maraqlı mövzularla çıxış edəcəklər.

Spikerlərimizdən Azərbaycan Jurnalistlər Şəbəkəsi İctimai Birliyinin sədri Ayaz Mirzəyev “Medianın gözündə müəllim imici" mövzusunda təqdimat edəcək və müəllimləri maraqlandıran sualları cavablandıracaqdır.