Gənc müəllimlər arasında “II HƏMRƏYLİK KUBOKU” XƏMSƏ Milli İntellektual oyunu  
Azərbaycan Gənc Müəllimlər Asssosiasiyası gənc müəllimlər arasında “II HƏMRƏYLİK KUBOKU” XƏMSƏ Milli İntellektual oyunu keçirildi. 

25 dekabr 2022-ci il tarixində Azərbaycan Gənc Müəllimlər Assosiasiyası gənc müəllimlərin stress vəziyyətindən uzaq olaraq birlikdə sosiallaşması üçün “Xəmsə” Milli İntellektual və əyləncəli oyununu təşkil etdi. Yarışda müxtəlif bölgələrdən yaşı 35-ə qədər olan və hazırda müəllim olaraq fəaliyyət göstərən müəllimlər komanda şəklində iştirak etmişdir. 

Azərbaycan Respublikasının Gənclər və İdman Nazirliyi, Bakı Şəhəri üzrə Təhsil İdarəsi və Azərbaycan Gənc Müəllimlər Assosiasiyasının (AGMA) birgə təşkilatçılığı ilə "Tarix yazan müəllimlər" layihəsinə start verilib.

Layihənin keçirilməsinin əsas məqsədi Vətən Müharibəsində şanlı zəfərimizin qazanılmasında iştirak edən gənc qazi müəllimləri sosial çarxlar vasitəsilə geniş ictimaiyyətə daha yaxından tanıtmaqdan ibarətdir.

Layihə çərçivəsində Vətən Müharibəsində iştirak edən gənc müəllimlərin pedaqoji fəaliyyətləri və onların keçdikləri döyüş yolu videoçarxlar vasitəsilə təqdim olunacaq.

Azərbaycan Gənc Müəllimlər Assosiasiyası tərəfindən keçirilən " Gənc müəllimlər dilimizin keşiyində" layihəsi çərçivəsində təşkil olunan 5-7-ci və 8-9-cu sinif şagirdləri arasında Ümummilli Lider Heydər Əliyevin 100 illik yubileyinə həsr olunmuş esse müsabiqəsinə start verilir 

Müsabiqədə yalnız 5-7 və 8-9-cu sinif şagirdləri iştirak edə bilər.

Esse müsabiqəsində təqdim olunan mövzular: “Heydər Əliyevin həyat yolu”, “Heydər Əliyevin yaradıcılığı”.

Müsabiqənin şərtləri aşağıdakı kimidir: 

Müsabiqəyə təqdim olunan esseler 5-7-ci sinif üçün 150-200, 8-9-cu sinif üçün 200-250 söz həcmində olmalıdır.
Mövzuların plagiatlığı yoxlanılacaq.
Esselər Azərbaycan dilində “Word və ya PDF” fayl formatında olmalıdır.
Esse müəllifinin məlumatları faylın sonunda ardıcıllıqla qeyd olunmalıdır. (Ad, soyad, Ata adı, məktəb,sinif,əlaqə nömrəsi).

Qaliblər diplom və hədiyyələrlə təltif ediləcəklər.

1-ci yer smart qolbaq, 2-ci yer yer qulaqlıq, 3-cü yer kitab dəsti.

Gənclər Təşkilatlarının İntellektual yarışı keçirilib.

“Heydər Əliyev ili” çərçivəsində İsmayıllı İntellektual Oyunlar Klubu İctimai Birliyi ilə keçirilən yarışda 8 komanda yarışıb.

Komandalar arasından “Böyük Qayıdış” Gənclər Təşkilatı birinci yer, Cavan Gənclər Hərəkatı ikinci yer, Azərbaycan Gənc Müəllimlər Assosiasiyası isə üçüncü yerin qalibi olmuşdur.

Sonda yarışda iştirak edən bütün komandalar sertifikatla, ilk üç yerin qalibləri isə kubokla təltif ediliblər.

Qalibiyyət üçün AGMA-nın koordinatorlar üzrə meneceri, həmçinin, 32 nömrəli tam orta məktəbin direktoru Fəzilə Mahmudova və dəyərli AGMA üzvlərinə dərin minnətdarlığımızı bildiririk.

Dəvət etdikləri üçün isə NAYORA-ya (National Assembly of Youth Organizations of the Republic of Azerbaijan) təşəkkür edirik.

İbtidai sinif müəllimlərinin I forumu

Azərbaycan Gənc Müəllimlər Assosiasiyası Azərbaycan Respublikası Təhsil İnstitutunun Metodik dəstək və peşəkar inkişaf mərkəzi ilə birlikdə İbtidai sinif müəllimlərinin I forumunu təşkil etmişdir.

Forumun məqsədi sertifikasiya prosesinə hazırlaşan müəllimləri məlumatlandırmaq və onlara onlayn dəstək göstərməkdən ibarətdir.

15 aprel 2023-cü il tarixində Bakı şəhərində keçirilmiş olan ibtidai sinif müəllimlərinin iştirakı nəzərdə tutulmuş bu tədbirdə Azərbaycan dili, riyaziyyat və ümumi kurikulum mövzularına toxunulmuşdır.

Gənc müəllimlər arasında sorğu 

Bu sorğu ümumtəhsil məktəblərində çalışan gənc müəllimlərin ehtiyaclarının müəyyənləşdirilməsi, yeni işə qəbul olmuş müəllimlərin qarşılaşdığı çətinliklərin miqyasını, xidmətdən əvvəl təhsil kvalifikasiyası ilə əlaqəli müəllimin qavrayış meyarını, müəllimlik peşəsinə bağlılıq dəyərini aşkara çıxarmaq və növbəti mərhələlərdə onların həll yollarını tapmaq üçün hazırlanmışdır. 

Qeydiyyat linki: https://ref.az/2vTczTo

Azərbaycan Gənc Müəllimlər Assosiasiyası  tərəfindən "Gənc məktəb tədqiqatçıları" layihəsinə start verilir.

Layihə zamanı 2 gənc müəllim ilə 10 tədqiqat qrupu formalaşdırılacaq. Gənc müəllimlərdən ibarət bu tədqiqat proqramı 3 ay davam edəcək. İlkin mərhələdə 20 tələbə və 10 gənc müəllimə tədqiqatın aparılması üsulları istiqamətində təlim keçiriləcəkdir. 

Tədqiqat proqramı müddətində ekspert tərəfindən tədqiqat prosesinə supervayzerlik ediləcək və sonda hər kəs ekspertlər tərəfindən keçiriləcək konfransda iştirak hüququ qazanacaq. 

Tədqiqat aparmaq və bu istiqamətdə özünü inkişaf etdirmək istəyən gənc müəllimlər və tələbələr(bakalavr, magistr, doktorantura) qeydiyyatdan keçə bilərlər.

Son qeydiyyat tarixi: 15 aprel 2023

Qeydiyyat linki: https://forms.gle/MRuhW5KYBDFkr5RYA

Rəqəmsallığa doğru gənc müəllimlərlə

Azərbaycan Respublikasının Gənclər Fondunun elan etdiyi “İdeyanı Reallaşdır - 2022” qrant müsabiqəsinin qalibi olmuş Rəqəmsallığa doğru gənc müəllimlərlə layihəsinə start verilmişdir.

Layihənin məqsədi distant təhsilin təşkili üçün müəllimlərə “Google for Education” platformasını necə istifadə edəcəklərini öyrətməklə rəqəmsal müəllimlər hazırlamaqdır. Layihə zamanı Cəlilabad rayonuna aid 10 məktəbdə çalışan 35 yaşa qədər olan 30 gənc müəllim seçilmişdir. Onlara “Google certified educator level 1” təlim proqramı keçirilmişdir. Nəticədə, müəllimlərin İKT bacarıqları inkişaf edərək rəqəmsal aləmə transformasiya sürətlənmişdir.