“Azerbaijani Women in Science” təşkilatı AGMA-nın tərəfdaşlığı ilə “Mənim bacarıqlarım, mənim seçimim: Mən böyüyəndə kim olmaq istəyirəm ?!“ adlı Azərbaycanda ilk dəfə məktəbli qızlar üçün keçiriləcək konfransa start verir. 

Layihənin əsas məqsədi 5-11-ci siniflərdə təhsil alan qızların elmə olan həvəs və maraqlarının artırılması, onların erkən yaşlardan artıq bir elmi məlumatı necə araşdırılması və təqdim edilməsi bacarıqlarının inkişaf etdirilməsi və məktəblərdə təhsil alan qızların məktəblərdən ayrılmasının qarşısının alınmasıdır.

Qeyd: 2021-ci tədris ilində artıq 11-ci sinfi bitirmək üzrə olan tələbələr də müraciət edə bilər.

Layihənin birinci turuna müraciət üçün şagirdlər “Mənim ən sevimli fənnim” adlı inşa yazmalıdırlar. İnşalar hər iki təşkilat tərəfindən təyin olunmuş münsiflər tərəfindən seçiləcəkdir. Seçilmiş şagirdlər ilə 2 həftə Azərbaycan Gənc Müəllimlər Assosiyasının hazırladığı mentorlar tərəfindən 2-ci tura hazırlıq, təqdimat mövzularının seçimi, təqdimat bacarıqlarının aşılanması kimi təlimlər keçiriləcəkdir. II turda öz təqdimatları ilə çıxış edən gənc xanımlar 6 kateqoriya üzrə mükafatlandırılacaqlar: (I yer, II yer, III yer, ən yaxşı təqdimat, ən yaxşı çıxış, və ən yaxşı layihə)

Layihənin 2021-ci il üçün əhatə etdiyi regionlar:

Aran iqtisadi rayonu: Mingəçevir • Şirvan • Ağcabədi • Ağdaş • Beyləqan • Bərdə • Biləsuvar • Göyçay • Hacıqabul • İmişli • Kürdəmir • Neftçala • Saatlı • Sabirabad • Salyan • Ucar • Yevlax • Zərdab

Cənub-Lənkəran iqtisadi rayonu: Astara • Cəlilabad • Lerik • Lənkəran • Masallı • Yardımlı • Liman • Göytəpə

Qeydiyyat üçün link: Müraciət linki: https://docs.google.com/.../1uEGxdvLnoHLDx84hJTnr.../edit...

Qeydiyyat üçün son tarix: 5 iyul (saat 00:00), 2021

Keçirilmə müddəti: 5 İyul-5 Avqust, 2021

Uğurlu namizədlər növbəti mərhələ haqqında məlumatı e-məktub və ya telefon zəngi ilə əldə edəcəklər.

Layihə ilə bağlı suallarınız üçün [email protected]ünvanına müraciət edin.