Bakı Şəhəri üzrə Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Xəzər rayonu 334 nömrəli tam orta məktəbdə AGMA-nın Bakı şəhəri üzrə koordinatoru Şəfa Fərəcova tərəfindən təqdimat keçirilib. 

Təqdimatdan sonra gənc müəllimlərimiz üçün Gənc İbtidai sinif Müəllimləri Birliyinin sədri Ülviyyə Ələkbərova tərəfindən "Müəllim etikası, davranış qaydalarının tətbiqi" mövzusunda təlim keçirilib. 

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.

Zaqatala rayonu Zərifə Əliyeva adına liseydə Azərbaycan Gənc Müəllimlər Assosiasiyasının təqdimatı keçirilib.

Görüşdə Zaqatala, Qax və Balakən rayonundan olan gənc müəllimlər iştirak edib.

Gənc Tərbiyəçi Müəllimlər Birliyinin sədr müavini Pəri Osmanova tərbiyəçi müəllimlərə həm erkən yaş dövründə şəxsiyyətin inkişafının önəmindən və əsl tərbiyəçi-müəllim imicinin formalaşdırılması üçün izlənməli yollarlardan bəhs edib, həm də Azərbaycan Gənc Müəllimlər Assosiasiyasının müəllimlərin şəxsi inkişafı üçün yaratdığı imkanlar haqqında məlumat verib.

Təqdimatda iştirak edən müəllimlərimizə təşəkkür edirik!

Cəlilabad rayonunda Azərbaycan Gənc Müəllimlər Assosiasiyasının və Gənc Coğrafiya Müəllimləri Birliyinin təqdimatı keçirilib.

Görüşdə Azərbaycan Gənc Müəllimlər Assosiasiyasının sədr müavini Tural Mehtiyev və AGMA-nın Cəlilabad rayonu üzrə koordinatoru Kamran Mansurov müəllimlər üçün gencmuellim.az platforması və bu platformada yerləşdirilən kurslar haqqında məlumat veriblər.

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssilərində çalışan gənc müəllimləri bir araya toplamaq, onları sözügedən mövzu haqqında məlumatlarını artırmaqdan ibarət olub.

Oktyabr 23-də Azərbaycan Gənc Müəllimlər Assosiasiyasının (AGMA) təşkilatçılığı ilə “Gənc müəllimlər və Yaşıl düşüncə” mövzusunda forum keçirilib.

450 müəllimin iştirak etdiyi forumda əvvəlcə Dövlət Himni səsləndirilib, ardınca şəhidlərimizin xatirəsi birdəqiqəlik sükutla yad olunub.

Açılış nitqi ilə çıxış edən AGMA-nın sədri Pərvinə Qədimova forumun məqsəd və əhəmiyyəti barədə iştirakçılara məlumat verib.

Daha sonra tədbirin rəsmi hissəsinə start verilib. Belə ki, Milli Məclisin Deputatları Ceyhun Məmmədov və Naqif Həmzəyev çıxış edərək gənc müəllimlərimizin bu cür vacib mövzuda maarifləndirilmələsinin olduqca məqsədəuyğun və vacib olduğunu vurğulayıb.  

Tədbirin rəsmi hissəsi yekunlaşdıqdan sonra Azərbaycan Respublikasının Xarici İşlər Nazirliyinin İnsan Hüquqları təsisatları ilə əməkdaşlıq idarəsinin rəis müavini, COP29 Sədrliyinin Fəaliyyət Gündəliyi komandasının həmrəhbəri Jalə İbrahimova "Azərbaycanın COP29 Sədrliyinin gündəliyi və qlobal iqlim təşəbbüsləri" və Bakı Mühəndislik Universitetinin Kimya və Biologiya kafedrasının Baş müəllimi Elşad Yunusov "Tədrisdə "Yaşıl düşüncə" - nin formalaşdırılmasına dair addımlar" adlı mövzularla çıxış edərək müəllimləri maraqlandıran sualları cavablandırıblar və bununla da konfrans işini yekunlaşdırıb.

Qeyd edək ki, gənc müəllimlərin forumunun keçirilməsində məqsəd qarşıdan gələn COP29-la bağlı müəllimlərin məlumatlığını artırmaq, həmçinin qarşılıqlı fikir və təcrübə mübadiləsi aparmaqdan ibarətdir.