Fəal dərsin səmərəliliyini artırmaq üçün ən mühüm şərtlərdən biri dərsin planlaşdırılmasıdır. Fəal dərsin yaradıcı xarakterinə baxmayaraq, onun uğuru dərsin bütün mərhələrinin öncədən "ölçülüb-biçilməsi” sindən asılıdır.
Planlaşdırma təlimin məqsədlərinin müəyyənləşməsindən başlanır.
Təlim məqsədlərinin bir neçə təsnifatı mövcuddur:
1. Müəllimin fəaliyyətinin xarakteri üzrə: öyrədici, inkişafedici, tərbiyəedici;
2. İdrak sahəsində əldə olunan nəticələrinin səviyyəsi üzrə;
3. İdrak prosesinin səviyyəsi üzrə hafizənin və təfəkkürün müxtəlif növləri ( məntiqi, tənqidedici, yaradıcı)
Müəllimlər çox zaman təlimin məqsədlərinin müəyyən edilməsinə əhəmiyyət vermir və ya onu etməyi bacarmırlar. Onlar təlimin məqsədi kimi yalnız öyrədici məqsədlər müəyyən edirlər. Lakin inkişafedici və tərbiyəedici məqsədlər kölgədə qalır və müəllim fəaliyyətini istiqamətləndirmir.
Hər bir dərsin məqsədləri səthi, dərin və ya konseptual anlamanın vəhdətindən ibarət olmalıdır.
- Təlim məqsədlərini şagirdlərlə paylaşın, şagirdlərin təlim məqsədlərini və uğurun necə bir şey olmasını başa düşməsini təmin edin. Bu öyrənilməsi lazım olan materialın, tapşırıqların məqsədlə nə kimi əlaqəsinin olmasının daha dərindən başa düşülməsidir.
- Sinifdəki bütün şagirdlər eyni mövqedən başlamayacaq ya da eyni sürətlə irəliləməyəcək. Ona görə də təlim məqsədləriylə bağlı planın bütün şagirdlərin ehtiyaclarına uyğunlaşdırılması çox vacibdir.
- Təlim məqsədləri və öyrənmə fəaliyyətləri qruplaşdırıla bilər, çünki bir fəaliyyət birdən daha artıq təlim məqsədinə xidmət edə, ya da bir təlim məqsədi şagirdlərin onu tam başa düşməsi üçün bir neçə fəaliyyətin yerinə yetirilməsini təmin edə bilər.
- Hər bir mövzunu və ya dərsi təlim məqsədlərinə istinad edərək yekunlaşdırın.
Media tərəfdaşımız Edumap.az təhsil portalıdır.
“Gənc Müəllimlər: Suverenlik Yolunda Təhsil Missiyası” mövzusunda forum Gəncə şəhərində keçirilib.
22.10.2025
“Qeyri-formal təhsildə təlimçinin əl kitabı” təqdimatı uğurla baş tutdu!.
13.10.2025
"Gənc Müəllimlər: Suverenlik Yolunda Təhsil Missiyası" mövzusunda forum keçirilib.
11.10.2025
Adaptasiya Proqramının IV mövzusu – “Diferensiallaşdırılmış təlim və inklüziv təhsil".
08.10.2025
Adaptasiya Proqramının III mövzusu – “Sinfin səmərəli idarə olunması”.
02.10.2025
Yeni işə qəbul olunmuş müəllimlər üçün Adaptasiya Proqramı.
25.09.2025
"Azərbaycan müəllimi” milli müsabiqəsinin mükafatlandırma mərasimi keçirilib.
23.08.2025
AGMA-nın birlik rəhbərləri və koordinatorlarının iştirakı ilə istirahət proqramı təşkil olunub.
18.08.2025
.jpg)
