Profil

Axtarış

Gənc müəllimlərlə maarifçilik ənənələrinə dair növbəti müzakirə aparılıb

2 Fevral - Azərbaycan Gəncləri Günü münasibətilə gənc müəllimlərlə “Azərbaycan maarifçilik ənənələri gənc müəllimlərin missiyası kimi” mövzusunda növbəti görüş keçirilib.

Görüşdə Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktor müavini, Agentliyin Bakı Şəhəri üzrə Təhsil İdarəsinin müdiri vəzifəsini müvəqqəti icra edən Mehriban Vəliyeva, Azərbaycan Dövlət Pedaqoji Universitetinin (ADPU) prorektoru Könül Pirverdiyeva, Bakı Dövlət Universitetinin (BDU) Azərbaycan ədəbiyyatı tarixi kafedrasının dosenti Məti Osmanoğlu, Azərbaycan Gənc Müəllimlər Assosiasiyasının (AGMA) sabiq sədri, Elm və Təhsil Nazirliyi yanında İctimai Şuranın üzvü Rüfət Əsədzadə, AGMA-nın sədri Səkinə Həsənova, F.B.Köçərli adına Respublika Uşaq Kitabxanasının direktoru Şəhla Qəmbərova, Bakı Şəhəri üzrə Təhsil İdarəsinin müvafiq struktur bölmə rəhbərləri və gənc müəllimlər iştirak ediblər.

Görüş Dövlət Himninin səsləndirilməsi və Vətən şəhidlərinin xatirəsinin bir dəqiqəlik sükutla yad edilməsi ilə başlayıb.

Daha sonra böyük pedaqoqun həyatı və maarifçilik fəaliyyətindən bəhs edən videoçarx nümayiş etdirilib.  
F.B.Köçərli adına Respublika Uşaq Kitabxanasının direktoru Ş.Qəmbərova görüş iştirakçılarını salamlayaraq ədibin zəngin irsinin gənc nəslin təlim-tərbiyəsi və inkişafına təsirlərindən danışıb.  

Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin direktor müavini, Agentliyin Bakı Şəhəri üzrə Təhsil İdarəsinin müdiri vəzifəsini müvəqqəti icra edən Mehriban Vəliyeva ömrünün 40 ilini xalqının maariflənməsinə, mədəni tərəqqisinə həsr edərək milli duyğulara sahib bir fədai kimi adını tarixə qızıl hərflərlə yazdıran F.B.Köçərlinin Azərbaycan məktəbi və pedaqoji fikir tarixindəki xidmətlərindən söz açıb. M.Vəliyeva böyük maarifçinin Azərbaycan gəncliyinə aşıladığı vətənpərvərlik ruhunun, milli təhsilimizin inkişafı naminə həyata keçirdiyi ideyaların bu gün də gənc müəllimlər üçün ən gözəl nümunə olduğunu bildirib.
ADPU-nun prorektoru K.Pirverdiyeva ömrünün sonuna qədər müəllimlik edərək bu peşəyə sevgisi və sədaqəti ilə əsil nümunə olan F.B.Köçərlinin maarifçiliyin inkişafı, pedaqoji fikrin zənginləşməsi işinə verdiyi töhfədən bəhs edib. K.Pirverdiyeva gənc müəllimlərə işıqlı maarifçilərin ideyalarından bəhrələnərək həyat və fəaliyyətləri ilə cəmiyyətə örnək olmağı tövsiyə edib.  

BDU-nun Azərbaycan ədəbiyyatı tarixi kafedrasının dosenti M.Osmanoğlu, AGMA-nın sabiq sədri, Elm və Təhsil Nazirliyi yanında İctimai Şuranın üzvü R. Əsədzadə, AGMA-nın sədri S.Həsənova, Quba rayonu İkinci Nügədi kənd 3 nömrəli tam orta məktəbin coğrafiya müəllimi, AGMA-nın üzvü Yasəmən Sofiyeva dövlət və cəmiyyətin inkişafında gəncliyin rolundan danışıb, gələcək nəsillərin vətənpərvər, kamil şəxsiyyət kimi yetişdirilməsində məktəbin, müəllimin üzərinə düşən missiyadan söz açıblar.

Vətən Müharibəsi qaziləri, gənc müəllimlər Cavidan Allahverdiyev, Elnur Xəlilov, Şahniyar Məmmədov və Novruz Bələdov Vətənin əsgəri olaraq yerinə yetirdikləri vətəndaşlıq borcunu təhsilin əsgəri olaraq da uğurla davam etdirəcələrini, xalqına, millətinə layiq gənclər yetişdirmək işində daha əzmlə çalışacaqlarını söyləyiblər.
Sonda 3 nömrəli Uşaq Gənclər İnkişaf Mərkəzinin dərnək üzvü Cavid Haqverdiyevin ifası təqdim olunub.

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Təlimçilər üçün təlim proqramına qeydiyyat yekunlaşdı.
"Təlimçilər üçün təlim" proqramına qeydiyyat yekunlaşdı.
 
Qeydiyyatı təsdiqlənən namizədlərə e-mail vasitəsilə təsdiq məktubu göndəriləcəkdir.

Nəzərinizə çatdıraq ki, layihə 9, 10 və 11 mart 2024-cü il tarixlərində keçiriləcəkdir.

16.02.2024

badge-icon
Gənc müəllimlər dilimizin keşiyində layihəsinin növbəti təlimi Bakı şəhərində keçirilib.
“Gənc müəllimlər dilimizin keşiyində” layihəsinin növbəti təlimi Bakı şəhərində keçirilib.

Təlimdə spiker Abbasağa Əlizadə müəllimlərin inkişafına dəstək olmaq üçün maraqlı məqamlara toxunub və müəllimlərin suallarını cavablandırıb.

Keçirilən layihənin əsas məqsədi Azərbaycan dilinin saflığının qorunmasına dəstək olmaq üçün gənc müəllimlər arasında natiqlik, ünsiyyət və debat təlimləri təşkil etməkdir.

Qeyd edək ki, layihə Azərbaycan Gənclər Fondunun dəstəyi, Azərbaycan Gənc Müəllimlər Assosiasiyasının (AGMA) təşkilatçılığı və Gənc Azərbaycan dili və Ədəbiyyatı Müəllimləri Birliyinin tərəfdaşlığı ilə həyata keçirilir.

12.02.2024

badge-icon
Məktəbəqədər müəllimlərin hazırlığı marafonu
Azərbaycan Gənc Müəllimlər Assosiasiyasının Bakı şəhəri üzrə koordinatorları Aynur İbrahimova, Təranə Nuriyeva, Rüfanə Mirzəyeva, Lətifə Mustafayeva, Şərifə Hüseynova, Gülgün Rzayeva, Vəfa Məmmədova, Vəfa Kərimli məktəbəqədər təhsil müəssisələrinin tərbiyəçi-müəllimləri və ümumi təhsil müəssisələrinin gənc müəllimləri ilə görüş keçirərək gənc müəllimlər üçün "AGMA-nın təqdimatı" və məktəbəqədər təhsil müəssisələrinin tərbiyəçiləri üçün isə "Məktəbəqədər müəllimlərin hazırlığı marafonu" haqqında məlumat veriblər.

05.02.2024

badge-icon
“Regionlarda Olimpiadalara Hazırlıq Mərkəzlərinin Qurulması” layihəsinin qaliblərinin mükafatlandırılma mərasimi
“Regionlarda Olimpiadalara Hazırlıq Mərkəzlərinin Qurulması” layihəsinin qaliblərinin mükafatlandırılma mərasimi keçirilib.

Qaliblərimizi təqdim edirik.
Fizika ixtisası üzrə:
Zeynallı Sevinc, Ömərli Xalid, Məhərrəmli Ərtoğrul.
Kimya ixtisası üzrə:
Ələkbərova Zümrüd, Quluzadə Nuray, Piriyev Qurban.
Biologiya ixtisası üzrə:
Abbaszadə Gültəkin, Muxtarova Gülay, Bəbişli Gülçin.
Riyaziyyat ixtisası üzrə:
Sadıqov Rəvan, Pünhan Pürhani və Muxtarlı Sübhan.

Qeyd edək ki, layihə Azərbaycan Respublikası Elm və Təhsil Nazirliyi, Azərbaycan Respublikasının Təhsil İnstitutunun dəstəyi və Azərbaycan Gənc Müəllimlər Assosiasiyasının təşkilatçılığı ilə keçirilib.

Layihədə iştirak edən müəllimlərimizi və şagirdlərimizi təbrik edirik

03.02.2024

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

77

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun