Yeni endirimlərdən yararlanın - 13.99 AZN-dan başlayan qiymətlərlə | Yeni tələbələr üçün xüsusi təklif

daha ətraflı

Yeni endirimlərdən yararlanın - 13.99 AZN-dan başlayan qiymətlərlə | Yeni tələbələr üçün xüsusi təklif

daha ətraflı

Profil

Axtarış

Menyu
AZ

HAQQIMIZDA

TƏLİMLƏR

FƏALİYYƏTİMİZ

XİDMƏTLƏR

MEDİA

ÜZVLÜK

TƏŞƏBBÜSLƏR

Əsas Partnyorlar TESL Academy - Tədris Mərkəzi

TESL Academy - Tədris Mərkəzi

TESL Academy - Tədris Mərkəzi

KORPORATİV TƏDRİSİN NÖVLƏRİ

 

Korporativ tədris – əməkdaşlarının qayğısına qalan güclü şirkətin əlamətlərindən biridir. Korporativ ingilis dili iş prosesini pozmadan və şirkətinizin və ya onun hər bir bölməsinin tələbatlarını nəzərə alan proqram üzrə kollektivdə dilin öyrənilməsi üçün gözəl bir imkandır. Rəhbər üçün bu bütün əməkdaşların ingilis dilinə uğurlu iş üçün lazım olan səviyyədə yiyələndiyindən əminlikdir.

 

İstənilən növ tədris üçün tematik plan hər müştəri üçün fərdi şəkildə hazırlanır.

Ətraflı məlumat: https://www.facebook.com/tesleducation/
Niyə TESL ACADEMY? 

1) MÜƏLLİMLƏR – DİL  DAŞIYICILARI
Xarici dilin öyrənilməsi zamanı uğur əsasən müəllimin düzgün seçilməsindən asılıdır. Müəllimlərimiz ali təhsilə, ingilis dilini tədris etmək hüququ verən beynəlxalq sertifikatlara (CELTA, DELTA, TEFL, TESOL) malikdir. İşgüzar ingilis dilinin xüsusiyyətləri və ya elmi terminologiyanı öyrənməyinizdən asılı olmayaraq müəllimlərimizin tədris etdiyi dilin işgüzar və ya elm dünyasının hal-hazırda ünsiyyət qurduğu dil olduğundan əmin ola bilərsiniz.

2) UYĞUNLAŞDIRILAN PROQRAM
Korporativ ingilis dilini tədris edən kurslar fərdi proqramlar üzrə qurulur. Biz tələbələrimizin imkanlarını, onların baza biliklərini, şirkətin məqsədləri və fəaliyyət istiqamətlərini nəzərə alırıq. Maksimal nəticənin əldə olunması üçün tədris prosesində proqrama düzəliş olunması mümkündür. Məqsədin dəqiq başa düşülməsi ona doğru ən qısa yolla hərəkət etməyə imkan verir və korporativ ingilis dili kursları şirkətiniz üçün ən effektiv proqramı hazırlamağa və həyata keçirməyə imkan verir.

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Qərbi Azərbaycana Qayıdış Konsepsiyasının təbliğində gənc müəllimlərin roluna həsr olunmuş forum keçirilib
İyunun 25-də Elm və Təhsil Nazirliyinin dəstəyi və Azərbaycan Gənc Müəllimlər Assosiasiyasının təşkilatçılığı ilə “Mirasa sahibik: Qərbi Azərbaycan Konsepsiyasının təbliğində gənc müəllimlərin rolu” adlı forum keçirilib. 
 
Azərbaycan Dövlət Neft və Sənaye Universitetində keçirilən forumda dövlət rəsmiləri, millət vəkilləri, Qərbi Azərbaycan İcmasının üzvləri, təhsil ictimaiyyətinin nümayəndələri və 300-dən çox müəllim iştirak edib. 
 
Forum Dövlət himninin səsləndirilməsi və şəhidlərimizin əziz xatirəsinin bir dəqiqəlik sükutla yad edilməsi ilə başlayıb. 
 
Forumda çıxış edən elm və təhsil nazirinin müavini Firudin Qurbanov bildirib ki, ölkə başçısı cənab İlham Əliyevin Qərbi Azərbaycana qayıdışla bağlı siyasi xətt və yanaşmasının gənclərə aşılanması müsbət və effektiv addımdır. Firudin Qurbanov vurğulayıb ki, Qayıdış konsepsiyası yalnız yaşayış infrastrukturuna, əvvəlki həyat şəraitinə qayıtmaq deyil, həm də tarixi yaddaşın, mədəni irsin qorunması deməkdir.
 
Təhsildə milli yaddaşın formalaşdırılması məqsədilə şagirdlər arasında keçirilən maarifləndirmə işlərinə toxunan nazir müavini bildirib ki, təhsilalanlar Azərbaycanın əzəli torpaqları haqqında müfəssəl məlumatlara sahib olmalı, onu gələcək nəsillərə ötürməlidirlər. Gənclər Qərbi Azərbaycana Qayıdış missiyasının əsas qüvvələridir. Təhsil yalnız bilik və bacarıqlardan ibarət olmamalı, həm də şəxsiyyəti, vətəndaşı formalaşdıran, cəmiyyəti birləşdirən mənəvi və əxlaqi dəyərləri də əhatə etməlidir. Şagirdlərin tərbiyəsi anlayışı elə genişləndirilməlidir ki, bu tərbiyə prosesi vətənpərvərlik və vətəndaşlıq hissinin, xalqın mədəni irsinə və ənənələrinə ehtiramlı münasibətin formalaşdırılmasına yönəlsin. Tarixi vətənpərvərlik kökləri nə qədər dərin olsa, xalq vətənpərvərliyinin təməli də bir o qədər güclü və möhkəm olar. 
 
Tədbirdə çıxış edən Qərbi Azərbaycan İcmasının İdarə Heyətinin sədri, millət vəkili Əziz Ələkbərli bildirib ki, bu gün Qərbi Azərbaycana qayıdış ideyası tarixi ədalətin bərpasını hədəfləyən bir ideyadır. Qayıdış ideyası sadəcə bir arzudan ibarət deyil, bu, milli iradənin və tarixi ədalətin təntənəsidir. Əziz Ələkbərli qeyd edib ki, bu ideyanın həyata keçirilməsində təhsil müəssisələrinin üzərinə böyük vəzifə düşür. Biz milli dəyərlərə sahib bir gənc nəsil yetişdirməliyik. Çünki milli dəyər sahibi olmayan insanın nə özünə, nə də cəmiyyətə faydası olar. Bu baxımdan gənc müəllimlərin rolu xüsusilə önəmlidir. 
 
Çıxış edən Azərbaycan Gənc Müəllimlər Assosiasiyasının sədri Pərvinə Qədimova da öz növbəsində Qərbi Azərbaycana Qayıdış Konsepsiyası istiqamətində gənc müəllimlərin üzərinə düşən vəzifələrdən danışıb və planlaşdırılan layihələrə toxunub.  
 
Rəsmi açılış mərasimindən sonra forum öz işini panellərlə davam etdirib. 
 
“Ali təhsil və elmi tədqiqatlarda Qərbi Azərbaycan” mövzusuna həsr olunmuş I panelə moderatorluğu ADA Universitetinin prorektoru, Milli Məclisin deputatı Fariz İsmayılzadə edib. Müzakirələrdə Milli Məclisin Gənclər və idman komitəsinin və QAİ-nin Gənclər Şurasının sədri Şahin İsmayılov, QAİ-nin Qadınlar Şurasının sədri Məlahət İbrahimqızı, Qərbi Azərbaycan İcmasının İdarə Heyətinin üzvü Nazim Mustafa və Elm üzrə prezident mükafatçısı Elnur Həsənov iştirak ediblər.
 
II panel “Ümumi təhsildə Qərbi Azərbaycan” mövzusuna həsr olunub. Moderator qismində çıxış edən Pərvinə Qədimova ilə yanaşı paneldə Məktəbəqədər və Ümumi Təhsil üzrə Dövlət Agentliyinin direktor müavini Vəfa Yaqublu, Təhsil İnstitutunun direktor müavini Fuad Çıraqov, Bakı şəhəri 281 nömrəli tam orta məktəbin Azərbaycan dili və ədəbiyyatı müəllimi Flora Osmanova və 163 nömrəli tam orta məktəbin tarix müəllimi Ramil Tanrıverdi çıxış ediblər.
 
Ardınca “Qərbi Azərbaycana qayıdış” olimpiadası haqqında videoçarx nümayiş etdirilib və müsabiqənin cari il üzrə qalibləri mükafatlandırılıblar. 
 
Tədbir bədii hissə ilə davam edib. 
 
Forumun yekununda tədbirin qətnaməsi səsləndirilib və kollektiv foto çəkdirilib.

25.06.2025

badge-icon
Azərbaycan Gənc MüAGMA tərəfindən Qarabağ Universitetinin pedaqoji ixtisas üzrə təhsil alan tələbələri ilə görüş
Azərbaycan Gənc Müəllimlər Assosiasiyası (AGMA) tərəfindən Qarabağ Universitetinin pedaqoji ixtisas üzrə təhsil alan tələbələri ilə görüş keçirilib.

Görüşün məqsədi tələbələrdə pedaqoji peşəyə olan meyil və marağı möhkəmləndirmək, onların stimullaşdırılması, peşəkarlığının artırılması və müəllim nüfuzunun yüksəldilməsi istiqamətində fikir mübadiləsi aparmaq idi.

Təqdimat zamanı AGMA-nın İcraçı direktoru Aygün Kərimova təşkilatın məqsəd və vəzifələri, cari layihələri və gələcək planları ilə bağlı tələbələri məlumatlandırıb, həmçinin AGMA-nın tələbələr üçün yaratdığı imkanlardan söz açıb.

Görüşdə iştirak edən tələbələrə AGMA komandası adından təşəkkür edirik.

25.11.2024

badge-icon
“Diqqət dağınıqlığı çağında tədris: Məlumat əsaslı effektiv ünsiyyət strategiyaları.”
“Profity Co.” və AGMA-nın birgə təşkil etdiyi vebinarda Aytac Əhmədova “Sinifdə effektiv ünsiyyətin qurulma strategiyaları” mövzusunda müəllimlər üçün nəzərdə tutulan önəmli məlumatları təqdim etdi. Tədbirin əsas məqsədi diqqət dağınıqlığının artdığı müasir təhsil mühitində, şagirdlərlə effektiv əlaqə qurmağın yollarını göstərmək idi.

Webinarda data təhlilinə əsaslanaraq diqqət problemlərinin yaranma səbəbləri araşdırıldı və sinifdə ünsiyyət prosesini təkmilləşdirmək üçün konkret strategiyalar müzakirə edildi. Tədrisdə innovativ yanaşmaların tətbiqi, elmi əsaslı təhlillərlə yanaşı, praktiki nümunələr vasitəsilə izah olundu.

Bu kimi tədbirlər, təhsildə keyfiyyətin artırılmasına və müəllimlərin peşəkar inkişafına dəstək məqsədi daşıyır. Data əsaslı yanaşmaların tədrisə təsiri artıq aktual olan mövzulardandır. 
Webinar üçün Aytac Əhmədovaya və bütün iştirakçılara təşəkkürlər!

24.11.2024

badge-icon
Bu dəfə yolumuzu Xankəndindən saldıq
Belə ki, AGMA-nın İdarə Heyəti üzvləri və müxtəlif fənn birliklərinin sədrləri ilə Qarabağ Universitetində 2025-ci ilin fəaliyyət planını müzakirə etdik, həmçinin cari layihələrimizdən söz açaraq ilin yekunlarına doğru həyata keçiriləcək fəaliyyətlərdən danışdıq.

Qeyd edək ki, görüşün davamında Qarabağ Universitetinin Elm və İnnovasiya məsələri üzrə prorektoru Fariz Əhmədov da bizə qoşuldu, mümkün əməkdaşlıqları müzakirə etdik. 

Ev sahibliyi üçün Qarabağ Universitetinin heyətinə təşəkkürümüzü bildiririk! 

23.11.2024

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Bizə Qoşul

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

81

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun