Profil

Axtarış

Iqor Voloqin

Doğum tarixi:

15.12.1979

Şəhər/Rayon:

Bakı

İxtisas:

İnformatika

İş yeri:

Bakı

Reytinq:
Mentora yazılmaq üçün daxil ol
İqor 6 ildən artıqdır ki, gənclərlə işləyir, yerli və beynəlxalq qeyri-formal və açıq havada təhsil layihələrini idarə edir. Bir sıra Avropa və MDB ölkələrində təhsil və liderlik təlimləri, təcrübə proqramları, konfranslar və seminarların məzunu. İT sistemlərinin inteqrasiyası və proqram təminatının inkişafı üzrə Layihə İdarəetmə sahəsində 10 ildən çox təcrübəyə malikdir. Azərbaycan, Gürcüstan, Ukrayna, Tacikistan və Monteneqroda beynəlxalq İT layihələrini idarə etmişdir. İqor Project Management Professional (PMP), Professional Scrum Master (PSM I) və Lean Six Sigma sertifikatlı mütəxəssisdir. Son 3 ildir ki, o, layihələrində Agile yanaşmasını fəal şəkildə tətbiq edir. Beynəlxalq, çoxfunksiyalı və çoxmədəniyyətli komandalarla işləyir. Layihənin idarə edilməsi, komandanın inkişafı, təlim, kouçinq və mentorluqla peşəkar şəkildə məşğul olur. İqor Avrasiya Gənclər Proqramının uyğunlaşdırılması və tədbiqi üzrə çalışan qrupun üzvü və Azərbaycan Skautlar Assosiasiyasında skaut qrupunun rəhbəri, Ümumdünya Skaut Hərəkatı Təşkilatında (WOSM) Scrum Master kimi çalışmışdır. BMT-nin Əhali Fondu (UNFPA) və National Geographic (NGE) tərəfindən maliyyələşdirilən bir çox açıq havada qeyri-formal təhsil layihələrini idarə edib, uğurla başa çatdırmışdır. Hal-hazırda o, STEP IT Academy-də pedaqoq və Libertex Group-da Scrum Master kimi çalışır. O, həm də Azərbaycan Gənc Müəllimlər Assosiasiyasında mentordur.

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Təqdimatlarımız davam edir
 Bakı Şəhəri Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Bakı şəhəri Sabunçu rayonu E.Məhərrəmov adına 137 №li tam orta məktəbdə AGMA-nın Bakı şəhəri üzrə koordinatorları Elnurə İsmayılova və  Ruhane Yaqubova tərəfindən təqdimat keçirilib. 

Təqdimatın davamında gənc müəllimlərimiz üçün "Təlim prosesində səmərəli öyrənmə mühitinin qurulması", "Sinfin idarəedilməsi və məktəb-şagird-valideyn üçbucağı" mövzularında seminar keçirilib. 

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.

01.04.2025

badge-icon
Müəllimlərin Riyaziyyat Müsabiqəsinin final mərhələsi keçirilib
 Martın 29-da Azərbaycan Gənc Müəllimlər Assosiasiyasının təşkilatçılığı və Azərbaycan Təhsil İşçiləri Azad Həmkarlar İttifaqı-nın tərəfdaşlığı ilə "Müəllimlərin Riyaziyyat Müsabiqəsi" nin final mərhələsi keçirilib. 

Müsabiqədə Bakı və Naxçıvan şəhərlərində final mərhələsinə vəsiqə qazanan 33 nəfər iştirak edib.

 ️Müsabiqədə  təhsilverənlərə AMC (American Mathematics Competitions) tapşırıqları əsasında 25 sual təqdim olunub və sualları cavablandırmaq üçün 75 dəqiqə vaxt ayrılıb. 

 Qeyd edək ki, müsabiqədə 1-ci yeri Zərqəm Əsədov (İsmayıllı), 2-ci yeri 2 nəfər Rüstəm Təhməzov (Bakı) və Orxan Bayramov (Quba), 3-cü yeri 3 nəfər olmaqla Zinyət Cabbarlı (Şərur), Natiq Mustafayev (Xaçmaz) və Aygün Xəlilli (Bakı) ən yüksək bal toplamış 6 müəllim təşkilatçılar tərəfindən mükafatlandırılıb. 

"Müəllimlərin Riyaziyyat Müsabiqəsi" ndə iştirak edən müəllimlərimizi təbrik edirik.

29.03.2025

badge-icon
Təqdimatlarımız davam edir
Bakı Şəhəri Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Bakı şəhəri Suraxanı rayonu D.Məmmədzadə adına 232 nömrəli tam orta məktəbdə AGMA-nın Bakı şəhəri üzrə koordinatoru Elnurə İsmayılova tərəfindən təqdimat keçirilib. 

Təqdimatdan sonra gənc müəllimlərimiz üçün Elnurə İsmayılova tərəfindən  "Sinfin səmərəli idarəedilməsi" və "Müasir dərsin quruluşu" mövzularında seminar keçirilib. Qonaq qismində İbtidai sinif müəllimlər birliyinin koordinatoru Səidə Dünyamalıyeva "Müasir dərsin quruluşu" mövzusunda öz təcrübələrini gənc müəllimlərlə bölüşüb.

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.

19.03.2025

badge-icon
İdeyanı reallaşdır adlı praktik seminar keçirilib
Xaçmaz rayonu üzrə təhsil sektorunun dəvəti ilə Azərbaycan Gənc Müəllimlər Assosiasiyası tərəfindən "İdeyanı reallaşdır" adlı praktik seminar keçirilib. 

Seminarın təşkil olunmasında məqsəd gənc müəllimlərin təhsil sahəsində müxtəlif layihələrin yazılışına dair maarifləndirmə işinin aparılmasından ibarətdir.
Xaçmaz rayonu üzrə təhsil sektorunun müdiri Qələmşah Dostuyev çıxış edərək görüşün məqsədi haqqında məlumat verib. 

Sonra AGMA-nın sədri Pərvinə Qədimova çıxış edərək müəllimlərə layihələrin yazılması qaydaları haqqında məlumat verib. Seminar müəllimlərin praktik işləri ilə davam edib. Fasilə zamanı isə müəllimlərlə səmimi ortamda gələcək fəaliyyətlər müzakirə olunub.

Xaçmaz rayonu üzrə təhsil sektorunun müdiri Qələmşah Dostuyevə müəllimlər üçün yaratdığı şəraitə görə təşəkkür edirik.

17.03.2025

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

81

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun