Profil

Axtarış

Video qalereya

badge-icon
İngilis dili müəllimləri üçün "E-Teachers" layihəsi
Biləsuvar Rayon Gənclər Evində "E-Teachers" layihəsinin açılış mərasimi keçirilib.

Layihənin əsas məqsədi ingilis dili müəllimlərinin müasir tədris alətlərindən istifadə bacarıqlarının formalaşdırılmasından ibarətdir.

Layihə Azərbaycan Gənc Müəllimlər Assosiasiyası (AGMA) ilə birgə əməkdaşlıq çərçivəsində reallaşdırılacaqdır.
Birgə əməkdaşlıq əsasında baş tutacaq layihədə AGMA-nın təlimçi və ekspertləri müvafiq təcrübənin digər regional müəllimlər arasında bölüşdürülməsinə dəstək verəcəklər.

21.10.2021

badge-icon
Rəqəmsal Liderlər
Azərbaycan Respublikası Təhsil Nazirliyinin "Təhsildə inkişaf və innovasiyalar üzrə V qrant müsabiqəsi" çərçivəsində qalib olmuş və Azərbaycan Gənc Müəllimlər Assosiasiyasının tərəfdaşlıq etdiyi Rəqəmsal Liderlər - distant təhsilin təşkili üçün müəllimlərə əlavə texnoloji alətlərin tətbiqi ilə bağlı layihənin təlimlərindən icmalı sizə təqdim edirik.

08.10.2021

badge-icon
Sevgi ilə öyrət
Gözəl vətənimizin dörd bir yanında bizə oxumağı, yaşamağı və yaratmağı sevgi ilə öyrədən mehriban, fədakar və dəyərli müəllimlərimiz,
Bayramınız mübarək!
Sevgi ilə öyrət,
Azərbaycan Gənc Müəllimlər Assosiasiyası

05.10.2021

badge-icon
Gənc müəllimlər arasında futzal yarışın final mərhələsi
"Gənc müəllimlərə çağırış: sağlam bədəndə sağlam ruh!” - gənc müəllimlər arasında futzal yarışı” layihəsinin final mərhələsi və bağlanış mərasimi keçirilib. 

30.08.2021

badge-icon
“Gənc müəllimlərə çağırış: sağlam bədəndə sağlam ruh!” - gənc müəllimlər arasında futzal yarışı”
Şamaxı şəhərində təlim-məşq seminarına start verilmişdir. Bu tədbir 2 gün davam edəcək. Tədbirdə ölkənin 20 şəhər və rayonunda çalışan gənc müəllimlərindən ibarət 16 komandanın 40 üzvü iştirak edəcəkdir.
Təlim-məşq seminarının əsas məqsədi gənc müəllimlərə futzal oyun qaydaları haqqında nəzəri və praktiki bilik və bacarıqlar aşılamaqdır. Daha sonra bu tədbirə qatılan gənc müəllimlər təlim-məşq seminarında əldə etdikləri yeni bilik və bacarıqları öz komanda yoldaşları ilə paylaşacaqlar.

14.08.2021

badge-icon
“Zəfər” düşərgəsi bağlanış
“Zəfər” düşərgəsi bağlanış mərasimi keçirildi.

30.07.2021

badge-icon
'Zəfər' düşərgəsi axşam proqramları
'Zəfər' düşərgəsində keçirilən axşam proqramlarından görüntülər.

27.07.2021

badge-icon
"Zəfər" düşərgəsinin açılış mərasimi
Təhsil Nazirliyi, Azərbaycan Gənc Müəllimlər Assosiasiyası və "Zəfər" Şəhid Ailələrinə Dəstək İctimai Birliyinin təşkilatçılığı ilə keçirilən "Zəfər" düşərgəsinin açılış mərasiminin video icmalını sizə təqdim edirik.

26.07.2021

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Şəkidə "Çağdaş təhsildə təşkilatlanma: yeni nəsil tərbiyəsi" mövzusunda forum keçirilib
Şəkidə "Çağdaş təhsildə təşkilatlanma: yeni nəsil tərbiyəsi" mövzusunda forum keçirilib

5 aprel tarixində Azərbaycan Gənc Müəllimlər Assosiasiyasının təşkilatçılığı, Şəki-Zaqatala Regional Təhsil İdarəsinin tərəfdaşlığı və Azərbaycan müəllimi qəzetinin informasiya dəstəyi ilə “Çağdaş təhsildə təşkilatlanma: yeni nəsil tərbiyəsi" adlı forum keçirilib. 

Şəki şəhəri Nizami Gəncəvi adına 7 №-li tam orta məktəbdə 200-ə yaxın müəllimin iştirakı ilə keçirilən tədbir öz işinə Azərbaycan Respublikasının Dövlət Himninin səsləndirilməsi və şəhidlərimizin xatirəsinin bir dəqiqəlik sükutla yad edilməsi ilə başlayıb. 

Daha sonra tədbirin rəsmi hissəsinə start verilib. Beləki, ilk olaraq Şəki-Zaqatala Regional Təhsil İdarəsinin müdiri Günay Mahmudova çıxış edərək gənc müəllimlərimizin bu cür vacib mövzuda maarifləndirilmələrin olduqca məqsədə uyğun və vacib olduğunu vurğulayıb.

Daha sonra Azərbaycan Gənc Müəllimlər Assosiasiyasının sədri Pərvinə Qədimova, Azərbaycan Respublikasının Milli Məclisinin deputatı Mehriban Vəliyeva və Azərbaycan Psixologiya Akademiyasının direktoru Ramil Hüseynzadə çıxış edərək forumun mahiyyəti və aktuallığı barədə danışdılar. Onlar müasir təhsil sistemində nəsil tərbiyəsinin vacibliyini vurğulayaraq, bu istiqamətdə həyata keçirilən yeniliklər və innovativ metodlardan bəhs ediblər.

Rəsmi hissə yekunlaşdıqdan sonra bədii hissədə Rasim Ocaqov adına Şəki şəhər Uşaq- Gənclər İnkişaf Mərkəzinin “Bahar” rəqs qrupu “Hamıdan gözəl mənəm” və “Uzundərə” rəqslərini nümayiş etidiriblər. Həmçinin Aylin Abdullayeva “Müəllimim” musiqi nömrəsi ilə çıxış edib.

Daha sonra forumun panel müzakirəsi hissəsinə keçid edilib. Şəki şəhər 11 №-li tam orta məktəbin Azərbaycan dili və ədəbiyyatı müəllimi, AGMA-nın Şəki şəhəri üzrə koodinatoru Gülnar Heydərzadənin moderatorluğu ilə təşkil edilən panel müzakirədə spikerlər – Şəki rayonu Kiş kənd Heydər Əliyev adına 1 №-li tam orta məktəbin ibtidai sinif müəllimi, əməkdar müəllim Dursun Cavadova, Qax şəhər Namiq Abdullayev adına 2 №-li məktəb-liseyin Azərbaycan dili və ədəbiyyatı müəllimi, əməkdar müəllim Nazlı İsmayılova və Şəki rayonu Köndələn kənd tam orta məktəbin direktoru Aytən Yusifova çıxış edərək, təhsildə tərbiyəvi mühitin yaradılması, ailənin tərbiyə üzərindəki rolu, rəqəmsal dövrdə tərbiyə və etik dəyərlər, yeni nəsil tərbiyəsinə dair innovativ yanaşmalar kimi mövzuları müzakirə ediblər. 

Həmçinin müzakirələr zamanı təhsildə müasir metodların tətbiqi, müəllim-şagird münasibətlərinin yeni dövrün tələblərinə uyğun şəkildə qurulması və psixoloji yanaşmaların əhəmiyyəti vurğulanıb. 

Forum iştirakçıları bu kimi tədbirlərin təhsil sistemində keyfiyyətin artırılması və pedaqoji təcrübənin bölüşdürülməsi baxımından mühüm rol oynadığını bildirib, yeni nəsil tərbiyəsində qarşıya qoyulan məqsədlərə çatmaq üçün belə forumların davamlı keçirilməsinin vacibliyini vurğulayıblar. Panel müzakirəsinin sonunda forum iştirakçılarının spikerlərə ünvanladıqları çoxsaylı suallar da cavablandırılıb.

Qeyd edək ki, forumun keçirilməsində məqsəd çağdaş dövrdə yeni nəsil tərbiyəsinə yeni yanaşmaların tətbiq olunması və müəllimlərlə fikir mübadiləsinin aparılmasından ibarətdir.

06.04.2025

badge-icon
Təqdimatlarımız davam edir
 Bakı Şəhəri Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Bakı şəhəri Sabunçu rayonu E.Məhərrəmov adına 137 №li tam orta məktəbdə AGMA-nın Bakı şəhəri üzrə koordinatorları Elnurə İsmayılova və  Ruhane Yaqubova tərəfindən təqdimat keçirilib. 

Təqdimatın davamında gənc müəllimlərimiz üçün "Təlim prosesində səmərəli öyrənmə mühitinin qurulması", "Sinfin idarəedilməsi və məktəb-şagird-valideyn üçbucağı" mövzularında seminar keçirilib. 

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.

01.04.2025

badge-icon
Müəllimlərin Riyaziyyat Müsabiqəsinin final mərhələsi keçirilib
 Martın 29-da Azərbaycan Gənc Müəllimlər Assosiasiyasının təşkilatçılığı və Azərbaycan Təhsil İşçiləri Azad Həmkarlar İttifaqı-nın tərəfdaşlığı ilə "Müəllimlərin Riyaziyyat Müsabiqəsi" nin final mərhələsi keçirilib. 

Müsabiqədə Bakı və Naxçıvan şəhərlərində final mərhələsinə vəsiqə qazanan 33 nəfər iştirak edib.

 ️Müsabiqədə  təhsilverənlərə AMC (American Mathematics Competitions) tapşırıqları əsasında 25 sual təqdim olunub və sualları cavablandırmaq üçün 75 dəqiqə vaxt ayrılıb. 

 Qeyd edək ki, müsabiqədə 1-ci yeri Zərqəm Əsədov (İsmayıllı), 2-ci yeri 2 nəfər Rüstəm Təhməzov (Bakı) və Orxan Bayramov (Quba), 3-cü yeri 3 nəfər olmaqla Zinyət Cabbarlı (Şərur), Natiq Mustafayev (Xaçmaz) və Aygün Xəlilli (Bakı) ən yüksək bal toplamış 6 müəllim təşkilatçılar tərəfindən mükafatlandırılıb. 

"Müəllimlərin Riyaziyyat Müsabiqəsi" ndə iştirak edən müəllimlərimizi təbrik edirik.

29.03.2025

badge-icon
Təqdimatlarımız davam edir
Bakı Şəhəri Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Bakı şəhəri Suraxanı rayonu D.Məmmədzadə adına 232 nömrəli tam orta məktəbdə AGMA-nın Bakı şəhəri üzrə koordinatoru Elnurə İsmayılova tərəfindən təqdimat keçirilib. 

Təqdimatdan sonra gənc müəllimlərimiz üçün Elnurə İsmayılova tərəfindən  "Sinfin səmərəli idarəedilməsi" və "Müasir dərsin quruluşu" mövzularında seminar keçirilib. Qonaq qismində İbtidai sinif müəllimlər birliyinin koordinatoru Səidə Dünyamalıyeva "Müasir dərsin quruluşu" mövzusunda öz təcrübələrini gənc müəllimlərlə bölüşüb.

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.

19.03.2025

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

13+

ÜMUMİ KURSLAR

799+

AKTİV MÜƏLLİM

1118+

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun