Profil

Axtarış

Fərq Yaradan Gənc Müəllim-2023

Mən İsmayılzadə Anar. 1998-ci ildə İmişli rayon Bəhrəmtəpə qəsəbəsində müəllim ailəsində anadan olmuşam və hal-hazırda burada yaşayıram. Pedaqoji fəaliyyətimə 2022-ci ilin sentyabr ayında başlamışam. İlk təyinatımı İmişli rayon F.Quliyev adına Çaxırlı kənd tam orta məktəbinə aldıqdan sonra həmin ilin oktyabrında müddətli müqavilə ilə İmişli rayon K.Əsədov adına Hacıbabalı kənd ümumi orta məktəbdə fiziki tərbiyə fənnini tədris etməyə başladım.

Cəmi bir illik pedaqoji fəaliyyətim ərzində inkişafa doğru bir sıra əsaslı addımlar ataraq fiziki tərbiyə fənninə qarşı formalaşmış ənənəvi stereotipləri dəyişmişəm. Bunlara misal olaraq fiziki tərbiyə müəllimlərinin təkmilləşməsinə istiqamətlənmiş, tələbələrin müqəddəs müəllimlik peşəsinə cəlb olunması müxtəlif platformalar üzərindən canlı yayımlar, video-izahlar, vebinar və seminarları, şagirdlər arasında keçirilmiş idman oyunları üzrə məktəbdaxili və məktəblərarası çempionatları, təhsil işçiləri arasında keçirilmiş mini-futbol yarışını və bu yarışın çempionluq hissini, qəzetlər bir neçə məqalə dərcini, müəllimlərarası intellektual oyunları, Gənc Fiziki Tərbiyə Müəllimləri Birliyinin fəaliyyətində aparıcı rolumu qeyd edə bilərəm.

Hal-hazırda bir neçə layihə və məqalə müəllifi, yerli və beynəlxalq təlimlərin iştirakçısıyam. O cümlədən, rayonumuzda keçirilən müxtəlif yarışlarda hakim və təşkilatçılıq işlərini də öz öhtəmə götürmüşəm.
Bütün bunların fonunda fiziki tərbiyə fənnini cəmiyyətə sevgi ilə təqdim etməyi və bu ixtisasın siması olmağı qarşıma məqsəd olaraq qoymuşam.

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Təqdimatlarımız davam edir
 Bakı Şəhəri Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Bakı şəhəri Sabunçu rayonu E.Məhərrəmov adına 137 №li tam orta məktəbdə AGMA-nın Bakı şəhəri üzrə koordinatorları Elnurə İsmayılova və  Ruhane Yaqubova tərəfindən təqdimat keçirilib. 

Təqdimatın davamında gənc müəllimlərimiz üçün "Təlim prosesində səmərəli öyrənmə mühitinin qurulması", "Sinfin idarəedilməsi və məktəb-şagird-valideyn üçbucağı" mövzularında seminar keçirilib. 

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.

01.04.2025

badge-icon
Müəllimlərin Riyaziyyat Müsabiqəsinin final mərhələsi keçirilib
 Martın 29-da Azərbaycan Gənc Müəllimlər Assosiasiyasının təşkilatçılığı və Azərbaycan Təhsil İşçiləri Azad Həmkarlar İttifaqı-nın tərəfdaşlığı ilə "Müəllimlərin Riyaziyyat Müsabiqəsi" nin final mərhələsi keçirilib. 

Müsabiqədə Bakı və Naxçıvan şəhərlərində final mərhələsinə vəsiqə qazanan 33 nəfər iştirak edib.

 ️Müsabiqədə  təhsilverənlərə AMC (American Mathematics Competitions) tapşırıqları əsasında 25 sual təqdim olunub və sualları cavablandırmaq üçün 75 dəqiqə vaxt ayrılıb. 

 Qeyd edək ki, müsabiqədə 1-ci yeri Zərqəm Əsədov (İsmayıllı), 2-ci yeri 2 nəfər Rüstəm Təhməzov (Bakı) və Orxan Bayramov (Quba), 3-cü yeri 3 nəfər olmaqla Zinyət Cabbarlı (Şərur), Natiq Mustafayev (Xaçmaz) və Aygün Xəlilli (Bakı) ən yüksək bal toplamış 6 müəllim təşkilatçılar tərəfindən mükafatlandırılıb. 

"Müəllimlərin Riyaziyyat Müsabiqəsi" ndə iştirak edən müəllimlərimizi təbrik edirik.

29.03.2025

badge-icon
Təqdimatlarımız davam edir
Bakı Şəhəri Təhsil İdarəsi və Azərbaycan Gənc Müəllimlər Assosiasiyasının təşkilatçılığı ilə gənc müəllimlər üçün Bakı şəhəri Suraxanı rayonu D.Məmmədzadə adına 232 nömrəli tam orta məktəbdə AGMA-nın Bakı şəhəri üzrə koordinatoru Elnurə İsmayılova tərəfindən təqdimat keçirilib. 

Təqdimatdan sonra gənc müəllimlərimiz üçün Elnurə İsmayılova tərəfindən  "Sinfin səmərəli idarəedilməsi" və "Müasir dərsin quruluşu" mövzularında seminar keçirilib. Qonaq qismində İbtidai sinif müəllimlər birliyinin koordinatoru Səidə Dünyamalıyeva "Müasir dərsin quruluşu" mövzusunda öz təcrübələrini gənc müəllimlərlə bölüşüb.

Qeyd edək ki, təqdimatın keçirilməsində məqsəd gənc müəllimlərin inkişafına və onların özünü təkmilləşdirməsinə dəstək olmaq, təlim vasitəsilə təhsil müəssisələrində çalışan gənc müəllimləri bir araya toplamaq, onların sözügedən mövzu haqqında məlumatlıqlarını artırmaqdan ibarətdir.

19.03.2025

badge-icon
İdeyanı reallaşdır adlı praktik seminar keçirilib
Xaçmaz rayonu üzrə təhsil sektorunun dəvəti ilə Azərbaycan Gənc Müəllimlər Assosiasiyası tərəfindən "İdeyanı reallaşdır" adlı praktik seminar keçirilib. 

Seminarın təşkil olunmasında məqsəd gənc müəllimlərin təhsil sahəsində müxtəlif layihələrin yazılışına dair maarifləndirmə işinin aparılmasından ibarətdir.
Xaçmaz rayonu üzrə təhsil sektorunun müdiri Qələmşah Dostuyev çıxış edərək görüşün məqsədi haqqında məlumat verib. 

Sonra AGMA-nın sədri Pərvinə Qədimova çıxış edərək müəllimlərə layihələrin yazılması qaydaları haqqında məlumat verib. Seminar müəllimlərin praktik işləri ilə davam edib. Fasilə zamanı isə müəllimlərlə səmimi ortamda gələcək fəaliyyətlər müzakirə olunub.

Xaçmaz rayonu üzrə təhsil sektorunun müdiri Qələmşah Dostuyevə müəllimlər üçün yaratdığı şəraitə görə təşəkkür edirik.

17.03.2025

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

81

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun