Mən Nərmin Qəhrəmanlı Qabil qızı. 1994 cü il 12 sentyabr tarixində Bərdə rayonu Cicimli kəndində anadan olmuşam. Hal-hazırda Bərdədə yaşayıram. İlk təhsilimə Əhliman Qasımov adına Qayalı kənd orta məktəbində başlamışam (2000).

2011-ci ildə tam orta təhsilimi başa vurub, 441 bal ilə Azərbaycan Dövlət Pedaqoji Universtetinin Coğrafiya fakültəsinə daxil olmuşam. 2017-ci ildə bakalavr təhsilimi başa vurub, həmin universitetin magistratura pilləsinə daxil olmuşam. Magistratura təhsilimi aldığım zamanlarda bir sıra beynəlxalq və yerli müsabiqələrdə iştirak etmişəm.

Azərbaycan Universteti tərəfindən “Sağlam bir dünya üçün yaşıl enerji” mövzusunda ən yaxşı tələbə elmi işi müsabiqəsində iştirak edərək (Wave Energy) təqdim etdiyim layihə işi final mərhələsinə qədər yüksəlmişdir. 2018-ci ildə MİQ imtahanında 60 ballıq sistemdə 51 bal toplayaraq, Kəlbəcər rayon 128 nömrəli orta məktəbdə coğrafiya müəllimliyi peşəsinə yiyələnmişəm.

ADA universtetinin təşəbbüsü ilə həyata keçrilən “Bir Müəllimin Manifesti” proqramının ikinci ilində Kəlbəcər rayonu 128 nömrəli orta məktəbin coğrafiya müəllimi Qəhrəmanlı Nərmin bir kənd müəllimi olaraq Amerikada təhsil hüququ qazandı. iki semesterdən ibarət olan “Bir Müəllimin Manifesti” ixtisasartırma proqramı yerli və xarici professor-müəllim heyəti tərəfindən keçirilmişdir. Akademik ingilis dili və Təhsil məqsədləri üçün İngilis dili dərsləri istisna olmaqla, bütün dərslər Azərbaycan dilində tədris olunurdu.

Proqram əyani və onlayn formatda aparılırdı. Əyani formatda proqram ADA Qazax Mərkəzində, ADA Universitetində və ADA Universitetinin Vaşinqton Mərkəzində keçirildi. 

Proqramın ABŞ-da keçiriləcək hissəsi 8 həftə müddətinə tamamilə əyani və ingilis dilində baş tutdu. (fevral-mart, aprel-may).

Proqramın ABŞ-da keçiriləcək hissəsi 2023-cü ilin yaz sessiyasına əhatə edirdi.

“Bir Müəllimin Manifesti adlı ixtisasartırma proqramı mənə gələcək həyatımda dərin izlər buraxacağına və məni dünyanın idarə olunacaq mərkəzinə (ABŞ) aparacağına inanmazdım. Bu yol uzun və çətin idi. Bu yolda bizə Hafiz Paşayev, Qalib Məmməd, Vəfa Kazdal kimi ADA-nın nüfuzlu şəxsləri dəstək durdular. Proqram region müəllimlərinin bilik və bacarıqlarını, akademik səviyyədə dil bacarıqlarını inkişaf etdirilməsinə yönəlmişdi və bunun həyata keçrilməsi üçün 5 ay Qazax Müəllimlər seminariyasında həftəsonları bizə dərslər təşkil olundu. Qalan həftə içi günlər onlayn dərslərlə biliklərimiz möhkəmləndi. Proqramın əvvəlcədən bizə təyin etdiyi sillabus üzrə müəyyən balı toplayıb Amerika hissəsinə keçid edə bilərdik. Vaxt gəldi çatdı və mən o balı yığıb Amerika hissəsinə vəsiqə qazandım. ADA Universiteti Qazax Müəllimlər Seminariyasından başladıq bu yola. O qədər gözəl insanlarla tanış olub, o qədər gözəl mühitdə tədris aldıq ki, inana bilməzdim ki, bu qədər müəllim bir məqsəd üzrə belə ürəklə bir-birlərinə dəstək olacaqlar. 7 həftə ərzində ADA Vaşinqton mərkəzində keçrilən təlimlərdə getdiyimiz məktəblərdəki təcrübəmizdə biz Azərbaycan və Amerika təhsilini analiz etdik və gözəl nəticələrə gəldik. Sonunda Course Design işindən fərqlənmə sertifikatı və Best Empathy nominasiyalı Oscar mükafatı ilə Azərbaycana döndüm.