Mən Vəliyev Heyrət Şehri oğlu.  2010-cu ildən Gədəbəy rayon Habil Allahyarov adına Soyuqbulaq kənd tam orta məktəbində coğrafiya müəllimi kimi işləyirəm. 2021-ci ildən tədris işləri üzrə direktor müavini, 2022-ci ildən Direktor işləyirəm. Aşağıdakı sizinlə fəaliyyət müddətimdəki uğurlarımı paylaşıram:

 

·       Gədəbəy rayonunda 2013-cü ildə  "İlin Ən Yaxşı Coğrafiya müəllim" müsabiqəsinin qalibi;

·       2015-ci ildə Elektorn Təhsil Respublika Müsabiqəsinin Nominantı;

·       2015-ci ildə İlin Müəllimi Müsabiqəsinin finalçısı;

·       2016-ci ildə Gədəbəy rayon Gənclər və İdman idarəsi tərəfindən "İlin Ən Fəal Gənci" mükafatı; 

·       2016-ci ildə ATİAHİ-nin Gədəbəy rayon komitəsi tərəfindən "İlin Ən Fəal Gənc Müəllimi" mükafatı;

·       2018-ci ildə ATİAHİ-nin Respublika komitəsi tərəfindən "İlin Peşəkar Gənci" müsabiqəsinin qalibi;

·       2020-ci ildə IV Qrant müsabiqəsinin qalibi;

·       5 Benəlxalq Konfrans və Seminar iştirakçısı, 9 Respublika seminar, konfrans və təlim iştirakçısı;

·       2013-cü ildə Kurikulum təlimçisi.

 

“İlk olaraq şagirdlərimdə özgüvən formalaşdırdım, inandırdım ki, onların hər biri istedadlı və fərqli  şagirdlərdir.  Nəticədə, bir çox şagirdlərim ali məktəblərə, akademiyalara daxil oldular və olmağa davam edəcəklər. Rəhbər kimi özgüvəni və inamı həm şagirdlərimdə, həm müəllimlərimdə formalaşdırdım. Nəticədə, “imkansızdır, bacarmazsınız” deyiləni Respublika Fənn Olimpiadasından medal əldə etdik, həm də heç bir repetitor hazırlığı olmadan. Məktəbimizin tarixində ilk Fərqlənmə atestatını əldə etdik. Artıq mənim şagirdlərim və müəllimlərim Fərq yaradırlar. Mən də Fərq yaradan kollektivin Fərq yaradan rəhbəri kimi bu müsabiqəyə qoşuldum və "Fərq Yaradan Gənc Müəllim Müsabiqəsi"nin qalibi olacağıma inanıram.