Profil

Axtarış

Fərq Yaradan Gənc Müəllim-2023

Mən Əfəndizadə Lalə Şirxan qızı. 1997- ci ildə Ağdaş rayonunda doğulmuşam. 2003- ci ildə Ağdaş rayonu Müşfiq İsayev adına tam orta məktəbdə tədris ilimi başlamışam. 2014–cü ildə məktəbi bitirib, həmin ildə    548 bal ilə Azərbaycan Dillər Universitetinin Xarici dil müəllimliyi ( ingilis-alman dili müəllimliyi) fakültəsinə qəbul olmuşam. 

   2020-ci ildə yenidən MİQ imtahanında iştirak edərək Ağdaş rayon Ramiz Hacıyev adına tam orta məktəbdə daimi İngilis dili müəllimi olaraq çalışmağa başlamışam və hələ də orada işləyirəm. 2020-ci ildə eyni zamanda, Ağdaş rayonu Səməd Vurğun adına tam orta məktəbdə müddətli müqavilə ilə işləməyə dəvət edilərək çalışmışam. 

   2021-ci ildə British Council tərəfindən həyata keçirilən “İntroduction to Core Skills” təlimlərində fəal iştirak edərək beynəlxalq statuslu sertifikat ədə etmişəm. Həmin ildə Təhsil Mərkəzinin keçirdiyi  “ İKT savadlılığının artırılması” üzrə 36 saatlıq təlimlərdə fəal iştirak edərək sertifikat əldə etmişəm. 

  2021-ci ildən etibarən beynəlxalq layihə olan “Etwining” layihəsinə qoşulmuşam. Bu layihəyə əsasən, şagirdlərim və mən başqa ölkələrin müəllim və şagirdləri ilə birgə yeni proyektlər hazırlamağa başlamışıq.  

  2022-ci ilin mart ayında Cənab Nazir – Emin Əmrullayev Mərkəzi Aran Regionunun yüksək göstəricilərə (Universitetə qəbul balı və MIQ balı yüksək olan) sahib olan Gənc müəllimləri görüşdə iştirak edərək Cənab Nazir tərəfindən “Gənc nəslin təlim-tərbiyəsi sahəsində səmərəli fəaliyyətimə” görə “ Təşəkkürnamə” ilə təltif edilmişəm. Onu da qeyd etmək istəyirəm ki, həmin görüşdə rayonumuzu yeganə təmsil edən Gənc müəllim mən idim.

   2022-ci ildə Paşa Holding və “GİD CSR Consulting” şirkətinin birgə əməkdaşlığı nəticəsində həyata keçirilən “Təhsilə doğru” layihəsinə rəhbərlik etmişəm. Bu layihə üzrə məktəbimizin – Ramiz Hacıyev adına tam orta məktəbin 100 şagirdi dərsdən kənar İngilis dili dərslərinə cəlb edilib və sonda şirkət rəhbərlərinin iştirakı ilə Ağdaş şəhər Heydər Əliyev mərkəzində olimpiada təşkil edilib. Fəal şagirdlər diplomla təltif ediliblər.

  2022-ci ildə Azərbaycan Respublikasının Elm və Təhsil Nazirliyinin “Təhsildə İnkişaf və İnnovasiyalar üzrə”  VI Qrant müsabiqəsi üzrə fərdi kateqoriya üzrə “Danışan kitablar” adlı layihəm qalib layihələr arasında oldu. Bu layihə üzrə artıq çalışdığım kənd məktəbində müasir resurslarla təchiz olunmuş Ingilis dili kabineti yaradıldı. 3 ay müddətində davam edən layihəmə layiqincə rəhbərlik edərək uğurla bitirməyi bacarmışam.

  2022-ci ildə 5 noyabr tarixində “3rd İnternational Forum on New Challanges in Education” formunda iştirak etdiyimə görə beynəlxalq statuslu sertifikat əldə etmişəm.

  2022-ci ilin sentyabr ayında ADA Universitetinin “Bir Müəlliminin Manifesti” ixtisasartırma proqramına qəbul olmuşam. ADA Universitetinin Qazax mərkəzində başlayan dərslərimi ADA Universitetinin Bakı filialında davam etdirmişəm. Hibrid formada Azərbaycanda keçirilən dərsləri uğurla başa çatdıraraq ADA universitetinin Vaşington filialında təhsil almağa vəsiqə qazandım. 2 ay müddətində ABŞ-da həm təhsil alaraq, həm də məktəblərdə praktika keçərək müəllimlik üzrə olan bilik və bacarıqlarımı daha da artırdım. Oradakı təhsilimin sonunda imtahan verib diplom almaqla yanaşı, iki ədəd layihə əsasında “Oscar” mükafatına layiq görüldüm.

  Bu il - 2023-cü ildə Macarıstanın paytaxtı Budapeştdə “İnnovasiya və Təhsil” mövzusunda Etwining seminarında iştirak hüququ qazandım. Onu da qeyd edim ki, həmin konfransda Azərbaycanı təmsil edən 2 müəllimdən biri mən idim.

  Bununla yanaşı, “KitabGəzər” layihəsinə əsasən, şagirdlərim üçün 340 ədəd Qəbul imtahanına hazırlıq kitabları qazanaraq şagirdlərimə payladım. Daha sonra eynən bu layihəyə əsasən, məktəbimizə 50 ədəd bədii kitablar qazanaraq məktəbimizdə yeni bir “Kitabxana” yaradaraq növbəti ilin sentyabrında həmin kitabların mütaliəsinə başlayacayıq. Aktiv şagirdlər layihəyə əsasən, hədiyyələrlə mükafatlandırılacaqlar. Şagirdlərim üçün qoşulduğum daha bir layihə “Qızlar Oxusun” layihəsidir. Bu layihə nəticəsində maddi vəziyyəti zəif olan qız şagirdlərimin növbəti tədris ilindən repititor xərcləri qarşılanacaqdır. 

       Eyni zamanda, 2023-ci ilin yanvar ayında ABŞ–da yerləşən NC State University tərəfindən həyata keçirilən müsahibə nəticəsində həmin universitetinin onlayn təlimlərində iştirak etmək hüququ qazanmışam. Fevral ayında başlayacaq təlimlər iyun ayında yekunlaşacaq. Onu da qeyd etmək istəyirəm ki, bu təlimlərə qoşulmaq üçün 4000+ namizəd var idi. Onlayn müsahibə nəticəsində Respublika üzrə cəmi 100 nəfər müəllim iştirak etmək hüququ qazanmışdır.

   2023-cü ildə Təhsildə İnnovativ Texnologiyalar Əlavə Təhsil Mərkəzinin keçirdiyi “Təlimçi Hazırlığı” üzrə 36 saatlıq təlim keçərək sertifikat əldə etmişəm. Hal- hazırda İnternational Certificate for English Teachers (TKT) dərslərində və İngilis dili və pedoqoji bacarıqlarımı qiymətləndirən imtahanda iştirak edərək Beynəlxalq statuslu Cambridge sertifikatı əldə edəcəm.

“3 illik pedoqoji fəaliyyətimdə əsas devizim belə olmuşdur: "Müəllim daim özünü inkişaf etdirməklə yanaşı, şagirdlərini də inkişaf etdirməlidir." Bunun üçün ya şagirdlərimin təhsil mühitini daha effektiv etmək məqsədilə layihələr yazıb qalib olaraq bunu əldə etmişəm, ya da milli və beynəlxalq müsabiqələrə şagirdlərimlə birgə qatılaraq qalib olmuşam. Bir Gənc Müəllim olaraq daim nümunə olmağa çalışmışam. Məndən nümunə götürərək neçə şagirdlərim parlaq gələcəyə doğru inamla addımlayıblar. Onları qəlbdən istəyərək çalışıb əldə edə bilməyəcəkləri heç bir məqsədin olmadığını, kənddə yaxud şəhərdə təhsil almağın fərqi olmadığını, yalnız oxuyaraq dünyanın istənilən ölkəsində Vətənimizi təmsil edə biləcəklərini əyani nümunə olaraq - özümü göstərərək inandırmışam. Məktəbdə sadəcə elmi dərslər deyil, "həyat" dərsləri də öyrətməyə çalışmışam. Mənim təhsil mühitimdə əsas şagirdlərimin istəkləri baş rol oynayır. Son olaraq, necə fərq yarada bildiyimi və qismən də olsa şagirdlərimin arzularını həyata keçirə bilməyimi tədris ilinin sonunda şagirdlərimdən birinin cümləsi ilə daha yaxşı anladım: "Sizin gəlişinizlə məktəbimizə yeni bir nəfəs gəlib, müəllim."

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
"Azərbaycan müəllimi” milli müsabiqəsinin mükafatlandırma mərasimi keçirilib
Azərbaycan Gənc Müəllimlər Assosiasiyasının (AGMA) təşkilatçılığı və Elm və Təhsil İşçiləri Həmkarlar İttifaqının dəstəyi ilə keçirilən “Azərbaycan müəllimi” milli müsabiqəsinin mükafatlandırma mərasimi keçirilib.

Layihə çərçivəsində 13 rayon Həmkarlar İttifaqı Komitəsi və 6 universitet Tələbə Həmkarlar İttifaqı Komitəsi maarifləndirici videolarla təmsil olunub. Hazırlanan videolarda həmkarlar ittifaqının fəaliyyəti,əmək münasibətlərində həmkarların rolu,sosial dialoq və müəllimlərin hüquqlarının müdafiəsi mövzuları əks etdirilib.

Bütün iştirakçı rayon və universitetlərin sədrləri layihədə göstərdikləri fəallığa görə Azərbaycan Gənc Müəllimlər Assosiasiyası tərəfindən tərifnamələrlə təltif olunublar.

23.08.2025

badge-icon
AGMA-nın birlik rəhbərləri və koordinatorlarının iştirakı ilə istirahət proqramı təşkil olunub
AGMA-nın birlik rəhbərləri və koordinatorlarının iştirakı ilə istirahət proqramı təşkil olunub

11 avqust tarixində start götürən və 17 avqustda yekunlaşan istirahət proqramı çərçivəsində sertifikatlaşdırma prosesində yüksək nəticə göstərmiş müəllimlər üçün xüsusi təşəbbüs reallaşdırılıb. AGMA-nın təşkilatçılığı və ETİHİ-nin tərəfdaşlığı ilə həyata keçirilən bu proqramın əsas məqsədi uğurlu nəticə göstərmiş müəllimləri təqdir etmək, onların motivasiyasını artırmaq və qarşılıqlı təcrübə mübadiləsi üçün şərait yaratmaq olub.

Proqramda həm yüksək nəticə əldə etmiş müəllimlər, həm də AGMA-nın birlik rəhbərləri və koordinatorları iştirak ediblər. İştirakçılar müxtəlif komanda oyunları – futbol, voleybol və digər idman fəaliyyətlərində fəal iştirak edərək asudə vaxtlarını səmərəli və əyləncəli şəkildə keçiriblər. Bu fəaliyyətlər müəllimlər arasında dostluq münasibətlərinin möhkəmlənməsinə, kollektiv ruhun güclənməsinə və yeni əməkdaşlıqların yaranmasına zəmin yaradıb.

Tədbir çərçivəsində həmçinin intellektual oyun təşkil edilib. Müxtəlif bölgələrdən gələn iştirakçıların qatıldığı bu yarışda müəllimlər öz bilik və bacarıqlarını nümayiş etdirməklə yanaşı, əyləncəli və maarifləndirici anlar yaşayıblar.

İstirahət proqramı müddətində iştirakçılar üçün həm sosial əlaqələrin qurulması, həm də təcrübə mübadiləsi baxımından dəyərli imkanlar təqdim olunub. Proqram, ümumilikdə, iştirakçılar üçün yaddaqalan və ruhlandırıcı bir təcrübəyə çevrilib.

Biz də bu təşəbbüsdə iştirak edən bütün müəllimlərimizi təbrik edir, gələcək fəaliyyətlərində uğurlar və davamlı motivasiya arzulayırıq.

18.08.2025

badge-icon
Müəllimlər üçün istirahət proqramı təşkil olunub
AGMA-nın birlik rəhbərləri və koordinatorlarının iştirakı ilə, sertifikatlaşdırma prosesində yüksək nəticə göstərmiş müəllimlər üçün istirahət proqramı təşkil olunub.

Bu təşəbbüsün əsas məqsədi uğurlu nəticə göstərmiş müəllimlərə təşəkkür etmək, onların motivasiyasını artırmaq və fəaliyyətlərini dəyərləndirməkdir. İstirahət proqramında həm yüksək nəticə göstərmiş yeni müəllimlər, həm də AGMA-nın birlik rəhbərləri və koordinatorları iştirak ediblər.

Tədbir çərçivəsində müəllimlər “Şuşa, sən azadsan” sənədli filmini izləyib, müxtəlif komanda oyunları – futbol, voleybol və digər idman fəaliyyətlərində iştirak edərək asudə vaxtlarını səmərəli və əyləncəli şəkildə keçiriblər. Bu fəaliyyətlər müəllimlər arasında dostluq əlaqələrinin möhkəmlənməsinə və yeni əməkdaşlıqların qurulmasına şərait yaradıb.

Bundan əlavə, Elm və Təhsil İşçilərinin Həmkarlar İttifaqı ilə "Təhsil" istirahət mərkəzində 22 İyul Mətbuat Gününə həsr olunmuş intellektual yarış keçirilmiş və yarışda iştirak edən 22 komanda arasında AGMA komandası birinci yeri qazanmışdır.

Proqram ərzində həm təcrübə paylaşımı, həm də sosial əlaqələrin qurulması üçün əlverişli şərait yaranmış, iştirakçılar üçün yaddaqalan və dəyərli istirahət imkanı təmin edilmişdir.

Biz də bu proqramda iştirak edən bütün həmkarlarımıza uğurlar arzulayır, onların gələcək fəaliyyətlərində davamlı motivasiya və birlik ruhu diləyirik.

26.07.2025

badge-icon
Mətbuat Günü münasibətilə media nümayəndələri ilə
AGMA olaraq Mətbuat Günü münasibətilə media nümayəndələri ilə bir araya gəldik.

Bu dəyərli gün münasibətilə jurnalistlərimizin informasiya cəmiyyətinə verdiyi töhfələri yüksək qiymətləndiririk. Peşə fəaliyyətlərində onlara uğurlar arzulayırıq!

Tədbir çərçivəsində xoş anlar paylaşdıq, fikir mübadiləsi apardıq və əməkdaşlığımızı daha da möhkəmləndirdik.
Əmək və fədakarlıqları üçün bütün media nümayəndələrinə təşəkkür edirik.

19.07.2025

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

81

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun