Mən Abdullayeva Çimnaz Yusif qızı. Ağdam rayon Rahib Məmmədov adına Mahrızlı kənd tam orta məktəbində İnformatika müəllimi kimi işləyirəm. Həmçinin, 2021-ci ildən Ayaz Abbasov adına Qaradağlı kənd tam orta məktəbində Peşə Təmayüllü Siniflər layihəsində İT Helpdesk ixtisası üzrə müəllim işləyirəm.

2019-cu ildə isə  BDU-nun qiyabi tarix fakültəsinə (560 b) daxil olmuşam. Həm yerli, həm də beynəlxalq layihə, təlim və konfranslarda iştirak etmişəm. AMEA-nın beynəlxalq elmi konfranslarında iştirak etmişəm, elmi məqalələrim Qafqazşünaslıq, Elm tarixi jurnallarında dərc edilib.

ETwinning layihəsində uğurla iştirak edərək milli və avropa keyfiyyət nişanlarına layiq görülmüşəm. Pedaqoji fəaliyyətim dövründə ən böyük uğurum isə İCESCO-nun 2022/ 2023-cü illəri əhatə edən OPEN EDUCATİON FUIW  layihəsində iştirakım hesab olunur. Bu layihəyə İCESCO-nun üzvü olan 23 ölkənin 74 universitetindən 160 nəfər professor və müəllim, gənc tədqiqatçılar seçilmişdir. Gənc tədqiqatçı kimi bu layihəni uğurla başa vuraraq həm iştirakçı, həm də İCESCO-nun rəsmi sertifikatlı təlimçisi sertifikatını əldə etdim.

 

2023-cü il mayın 23-də Azərbaycan, Qazaxıstan və Rusiyanın Elm və Təhsil nazirliklərinin birgə təçkilatçılığı ilə p.e.n dosent V.L.Rabinoviçin anadan olmasının 100 illiyinə həsr edilmiş  "Riyaziyyat və təbiət elmləri problemləri" mövzusunda XI beynəlxalq elmi-praktiki konfransda iştirak etdim və " İnformatikanın tədrisi metodologiyası və innovativ metodlar" adlı məqaləm konfransın materiallar toplusunda dərc edildi. 

Şagirdlərimlə birlikdə həm yerli, həm də beynəlxalq layihələrdə uğurla iştirak edərək sertifikatlar əldə etmişik. 

Bunlar sadəcə uğurlarımın az bir hissəsidir. Mənim fikrimcə, müəllim daim öz üzərində çalışmalı və innovativ olmalıdır. Fərqli düşünün ki, fərq yaradanlardan olasınız.

Fərq yaradan gənc müəllim kimi ən böyük fərqim  dərslərimdə elektron resurslardan, interaktiv metodlardan istifadə etdiyim üçün həm şagirdlərim, həm də həmkarlarım arasında innovativ müəllim kimi tanınmağımdır. Fərq yaradan müəllimin fərq yaradan şagirdləri olaraq şagirdlərimlə birlikdə yerli və beynəlxalq layihələrdə uğurla iştirak edirik. ETwinning layihəsində milli və avropa keyfiyyət nişanları əldə etmişik. AMEA-nın təşkil etdiyi beynəlxalq konfranslarda iştirak etmişəm, elmi məqalələrim Qafqazşünaslıq və Elm tarixi jurnallarında dərc edilib. Fərq yaradan digər bir cəhətim isə yerli və beynəlxalq təlim və konfranslarda aktiv iştirak etməyimdir.

İştirak etdiyim konfrans və tədbirlərin bir qismi:
1." Sabahın alimləri" XII Respublika Müsabiqəsi
2 . " Science  and culture center  of Azerbaijan - Shusha" 
3. 4th İnternational  Scientix Conference
4. Developing Speaking  skills for B1 Preliminary for Schools.Cambridge Assessment  English
5. KOİCA - Korea İnternational  Cooperation  Agency and the Future class Network 
6. Certified Microsoft Innovative educator
7. Development  perspectives of the gender - responsive  education system in Azerbaijan
8. Ulusal Eğitimdə  Yapay Zeka Uygulamaları kongresi
9. Learning İnnovative Technologies Conference
10. Mirzə Kazım bəyin 220 illiyi ilə bağlı AMEA Şərqşünaslıq institunun keçirdiyi beynəlxalq elmi konfransda iştirak
ADA universitetinin  təşkil etdiyi "Bir müəllimin manifesti" layihəsinə seçilsəm də universitetdə oxuduğum üçün imtina etməli oldum. Şagirdlərimlə
ADA universitetinin ilk dəfə  təşkil etdiyi  "Azərbaycanın gənc qurucuları" layihəsində iştirak etmişik. 
8 Noyabr "Zəfər Günü"  ilə bağlı Minecraft platformasında təşkil edilən beynəlxalq yarışmada şagirdimiz sertifikata layiq görülüb.