Profil

Axtarış

Aşılan sərhədlər

Siniflərdə əyləşən, məktəbə sərbəst gedib-gələ bilən, öz qərarlarını verməyi adət etmiş şagirdlərə dərs keçmək, xüsusi bilik və bacarıq tələb edir. Bir də var ki, hər hansı könüllü əsaslarla fəaliyyət göstərən, üzvləri fiziki məhdudiyyətli uşaqlar olan bir klubda müəllim olmaq- bu həddindən artıq həssasiyyət, fərdi yanaşma və səy tələb edir. 
Təxminən 2 il məktəbdə müəllim işləməklə bərabər fiziki məhdudiyyətli uşaqlar üçün olan bir klubda könüllü olaraq çalışdım. O uşaqlarla bərabər müxtəlif tamaşalar təşkil etdik, əyləncəli oyunlar oynadıq, dərs çalışdıq, mahnı oxuduq, ingilis dilindən ən bəsit sözləri öyrəndik. Həmin müddət ərzində onların içərisində məhdudiyyətli olduğuna görə məktəbə getmək istəməyən uşaqları daha sonra əlaçı, tamaşada səhnəyə çıxa bilməyənləri baş rolda görmək mənim üçün izaholunmaz hisslər idi. 
Klubda Marina və Asya adında iki bacı iştirak edirdi. Onlar ayaq üstə dayana bilmədiyindən daim anasından yapışaraq birgə hərəkət edirlər. Anası ilboyu usanmadan, çəkinmədən onları müxtəlif dərnəklərə gətirirdi.
Üstündən 3 il keçmişdi. Rayonda keçirilən xeyriyyə yarmarkasına qatılmışdım. Orada uşaqlar öz əl işlərini satırdılar. Bir tanış səsə arxaya çevrildim:
- Leyla müəllimə, müəllimə

Həmin o iki bacı müstəqil şəkildə ayaqda dayanıb və qarşılarında da öz əl işləri. Onları öz iradələri ilə ayaqda dayanan görmək möhtəşəm idi. Hər ikisi eyni anda məni qucaqladılar. Bu vaxt anası bizə yaxınlaşıb: 
-Görürsünüzmü, müəllimə, siz öyrətdiyiniz, əmək sərf etdiyiniz uşaqlar bu gün digərlərinə kömək etmək üçün gəliblər. Hamı bir-birinin qayğısına qalarsa, biganə olmazsa, dünya çox gözəl olmazmı? 

Çox doğru dilə gətirmişdi. Ana danışdıqca qəlbimin ən dərinliyindən məsləyimin insanlara ən dərin mənəvi duyğular aşıladığının şahidi olurdum. Beləcə, fəaliyyətimi davam etdirir, daha çox fayda vermək istəyirdim. 
Rasimlə qarşılaşmışdım. Bir qolu dirsəyindən aşağı anadangəlmə olmayan, kədərli baxışlara , eyni zamanda da çox gözəl qəlbə sahib balaca bir oğlan. O zaman balaca idi. İndi isə artıq özünə əmin, yaraşıqlı böyük oğlan olmuşdu. 

Günlərin bir günü, Bakı məktəblərindən biri klubumuzun şagirdləri üçün konsert proqramı ilə çıxış etmək üçün təşrif buyurdu, həm də həmin klubun üzvlərinə hədiyyələr gətirmişdilər. Konsert proqramının sonunda səhnədə hədiyyələri klub üzvlərinə təqdim edəcəkdilər. Növbə Rasimə çatdı. 

-Rasim, sıra səndədir. Çıx və öz hədiyyəni götür.

Rasim oturacağa sıxıldı və səhnəyə nəyin ki çıxmağa , oturacağından durmağa belə utandı, baxışlarını yerə dikdi. Bu mənə çox pis təsir etdi. Məcbur edə bilməzdim. Çünki, onu başa düşürdüm. Onun öz fiziki məhdudiyyəti ilə bağlı kompleksi olduğunu anladım. Və həmin an, həmin saniyə qarşıma məqsəd qoydum ki, mən ona bu kompleksdən çıxmağına yardım edəcəyəm. Rasim bir gün öz istəyiylə həmin səhnəyə çıxacaqdı.
Rasimi ilk gördüyüm andan çox sevmişdim. Bilirdim ki, çox zəngin daxili dünyasını o kədərli baxışların arxasında gizlədir.
Günlər, aylar keçdi. Çalışdıq, işlədik. Və həmin gün gəldi. Bu dəfə Rasim turp nağılında baba rolunu canlandırırdı. Təxmin edin harda? Bəli, elə həmin səhnədə. O günü özüm üçün müəllimlik fəaliyyətimin ən böyük uğuru sayıram.

Yazar: Leyla Hacıyeva
Redaktə etdi: Müqayyə Əlmərdanlı

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Gənc Riyaziyyat Müəllimləri Birliyi Azərbaycan Gənc Müəllimlər Assosiasiyasına üzv olub
Gənc Riyaziyyat Müəllimləri Birliyi Azərbaycan Gənc Müəllimlər Assosiasiyasına üzv olub. Birliyin sədri Ağcabədi şəhər 3 saylı tam orta məktəb-liseyin riyaziyyat müəllimi Asim Mirzəxanlıdır.

Gənc Riyaziyyat Müəllimləri Birliyini təbrik edir, fəaliyyətində uğur arzulayırıq!

17.07.2024

badge-icon
Qrant proqramı ilə bağlı tərəfdaşlıq görüşü baş tutub
Azərbaycan Gənc Müəllimlər Assosiasiyası və Macarıstanın Gələcəyin Dostu Assosiasiyası (Jövőbarát Egyesület) ilə Visegrad + qrant proqramı ilə bağlı tərəfdaşlıq görüşü baş tutub. 

Görüşdə təşkilatların fəaliyyət istiqamətləri, hər iki təşkilatın maraqlarını əhatə edən təkliflər, Visegrad ölkələri ilə birgə tərəfdaşlıqların genişləndirilməsi imkanları müzakirə edilib. Görüşün nəticəsi olaraq növbəti Visegrad+ qrant proqramı və digər müvafiq proqramlar çərçivəsində əməkdaşlıqların qurulması nəzərdə tutulur.

16.07.2024

badge-icon
Gənclərin Karyera İnkişaf Platforması 2
Bu dəfəki təlimimizdə süni intellektin həyatımıza gətirdiyi faydalar və potensial risklərdən danışacıyıq! 
"Gənclərin Karyera İnkişaf Platforması 2'' çərçivəsində növbəti təlim Azərbaycan Gənc Müəllimlər Assosiasiyasının sədri Səkinə Həsənova tərəfindən "Süni intellekt işimizi asanlaşdırır yoxsa bizi tənbəl edir?" mövzusunda keçiriləcək. 

Tarix və saat: 18 iyul saat 15:00
Məkan: ADPU-nun Kitabxana-İnformasiya Mərkəzi (əsas tədris binası)
Qeydiyyat üçün: https://shorturl.at/vTEVP

Qeyd edək ki, layihə Gənclərin İnkişaf və Karyera Mərkəzi və Azərbaycan Gənc Müəllimlər Assosiasiyasının birgə təşkilatçılığı ilə həyata keçirilir.

15.07.2024

badge-icon
“Gənclərin Karyera İnkişaf Platforması 2’’ artıq başladı
“Gənclərin Karyera İnkişaf Platforması 2’’ artıq başladı!
 
Platformanın bu dəfəki təlimi “Emosional zəka və peşəkar inkişaf” mövzusu üzrə olub. Təlim Gənc İbtidai Sinif Müəllimləri Birliyinin sədri Ülviyyə Ələkbərova tərəfindən keçirilib.

Qeyd edək ki, layihə Gənclərin İnkişaf və Karyera Mərkəzi və Azərbaycan Gənc Müəllimlər Assosiasiyasının birgə təşkilatçılığı ilə həyata keçirilir.

11.07.2024

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

77

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun