Profil

Axtarış

Zəlzələ

Universiteti yenicə bitirmişdim, rayonumuzun kənd məktəblərindən birinə müəllim  olaraq təyin edilmişdim. Evimizdən xeyli uzaq  olan bu kənddə ev tapıb işləməyə başladım. Az bir zamanda kənd camaatına, məktəb kollektivinə, şagirdlərə öyrəşdim. O qədər öyrəşmişdim ki, daha bu kənddən ayrılmaq istəmirdim. Şagirdlərimlə bir-birimizə  bağlanmışdıq. Ailəmi görmək üçün bəzən evimizə gedir, bəzən isə aylarla getmirdim.
Artıq ikinci il idi ki, həmin məktəbdə müəllim işləyirdim. 

Yazın ilk ayları idi. Bu aylarda rayonumuz daha da  gözəlləşirdi. Elə həmin günlərdən birində yaşanacaqlardan xəbərsiz həvəslə məktəbə yola düşdüm. 

Zəng çalındı, dərs başladı. Dərsimizin ilk on beş dəqiqəsi normal keçdi, daha sonra elə bil sinfin bir tərəfi yuxarı qalxdı, digər tərəfi aşağı düşdü. Bir anda şagirdlərin hamısı ayağa qalxıb:”Müəllim nəsə olur”,- dedilər.
Onları sakitləşdirdim:

”Qorxulu bir şey yoxdur, hər şey qaydasındadır”,- demək istəyirdim ki, sözüm yarımçıq qaldı, əvvəlkindən də güclü səs, təkan bizim hamımızı silkələdi. ”Bu zəlzələdir,uşaqlar!”,-deyə mən çığırdım.

”Ehtiyatla hamımız getməliyik, sinfi tərk etməliyik”,-dedim.Bina tərpəndiyi üçün biz otaqdan çətinliklə çıxdıq, ən son özüm çıxdım ki, kiminsə orda qalmadığına əmin olum. Hamımız qaçaraq koridora çıxdıq, ordan da məktəbin həyətinə qaçmağı düşünürdük. Koridorda qarışıqlıq yaranmışdı, hər kəs çığırırdı, yuxarı mərtəbədəki uşaqlar, müəllimlər güclə aşağı mərtəbəyə enmişdilər. Zəlzələ davam edirdi, uşaqların səsi, müəllimlərin səsi, yerin altından gələn dəhşətli səslər hamısı bir-birinə qarışmışdı. Ətraf toz-torpaq idi, irəli getmək üçün yolu görmürdük.Hər kəs bir-birini itələyib qabağa keçmək istəyirdi. Sanki qiyamət günü idi. Mən şagirdlərimi gözdən qoymurdum, fikrim ancaq onlarda idi.Şagirdlərim irəlidə idilər, mən də arxalarında. Onları məktəbin həyətinə sakit təhlükəsiz yerə aparmalıydım. Koridordan çıxmağa az qalmışdı, elə bu an güclü təkan nəticəsində məktəbin koridoruna bitişik olan yeməkxana divarı bizə tərəf uçdu. Mən yerimdəcə donub qaldım, hər şeyin bitdiyini düşündüm, divarın altında kimsə sağ qala bilməzdi. O an valideynlərə nə cavab verəcəyəmi düşünürdüm, axı  onlar övladlarını  bizə əmanət ediblər. Bu təbiət hadisəsi olsa da, mənim dərsimdə baş vermişdi.Mən onları qoruya, binadan çıxara bilmədim. Bu fikirlər məni silkələdi. Özümü tez topladım, divar uçan tərəfə qaçdım, gördüklərim məni çox təəccübləndirdi. Şagirdlərim bir-birinin üstünə yıxılmışdılar. Hamısı sağ idi, qorxudan ağlayırdı. Xoşbəxlikdən divar uçanda ordan keçə bilmişdilər, amma tələsdikləri üçün bir-birini itələyib daşların arasına yıxılıb qalmışdılar. Çoxusunun əli,ayağı,beli əzilmişdi. Onları tez binadan məktəbin həyətinə  çıxardım. Artıq zəlzələ  bitmişdi. Dərindən nəfəs aldıq. Hamımız çox qorxmuşduq. 

Həyatımda ilk dəfə idi zəlzələ şahidi olurdum, özü də dərs prosesində. Mən  həmişə düşünürdüm ki,müəllim ancaq sinfə girib dərs deyən deyil, eyni zamanda şagirdlərinin dostu, arxası, yolgöstərəni, şagirdləri real həyata hazırlayan biri olmalıdır. Bu hadisə müəllim peşəsinin bütün məsuliyyətini mənə əyani sübut etdi.

Yazar: İlahə Hüseynova
Redaktə etdi: Müqayyə Əlmərdanlı

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Təbiət fənləri müəllimlərinin inkişafı forumu
Təbiət fənləri müəllimlərinin inkişafı forumu
Azərbaycan Gənc Müəllimlər Assosiasiyasının təşkilatçılığı, Azərbaycan Dövlət Pedaqoji Universiteti, Gənc Biologiya Müəllimləri Birliyi, Gənc Kimya Müəllimləri Birliyi və Gənc Fizika Müəllimləri Birliyinin tərəfdaşlığı ilə 25 noyabr 2023-cü ildə “Təbiət fənləri müəllimlərinin inkişafı forumu” keçirilib.
2 hissədən ibarət olan forumun 1-ci hissəsi rəsmi hissəni təşkil edib. Bu hissədə Azərbaycan Dövlət Pedaqoji Universitetinin rektoru Cəfər Cəfərov, Azərbaycan Respublikasının Elm və Təhsil Nazirliyinin Ümumi təhsildə məzmun, tədris və qiymətləndirmə şöbəsinin müdiri Vəfa Yaqublu, Azərbaycan Gənc Müəllimlər Assosiasiyasının idarə heyətinin üzvü Orxan Cəfərov, Forumun spikerləri Elşad Abdullayev ,Yalçın İslamzadə ,Elşad Yunusov, təhsil ictimaiyyətinin nümayəndələri iştirak edib. 
Tədbir gənc müəllimlər üçün təşkil edilən təlimlərlə başa çatıb.
Qeyd edək ki, forumun məqsədi kimya, biologiya, fizika fənlərini tədris edən müəllimlərin bir araya gəlməsi, ideyalar, tədris resursları və təcrübə mübadiləsi aparması üçün imkan yaratmaq, şəbəkələşməni təmin etməkdir.

27.11.2023

badge-icon
Təbiət fənləri müəllimlərinin inkişafı forumu
Təbiət fənləri müəllimlərinin inkişafı forumu 
“Təbiət fənləri müəllimlərinin inkişafı forumu” nun dəyərli təlimçiləri müəllimlərin inkişafına dəstək olmaq üçün maraqlı mövzularla çıxış edəcəklər.

24.11.2023

badge-icon
Regionlarda Olimpiadalara Hazırlıq Mərkəzlərinin qurulması
Regionlarda Olimpiadalara Hazırlıq Mərkəzlərinin qurulması

Azərbaycan Respublikası Elm və Təhsil Nazirliyinin və Azərbaycan Respublikasının Təhsil İnstitutunun dəstəyi ilə Azərbaycan Gənc Müəllimlər Assosiasiyasının "Regionlarda Olimpiadalara Hazırlıq Mərkəzlərinin Qurulması" layihəsində iştirak edən şagirdlərin olimpiadaya hazırlıq prosesi davam edir.

Olimpiadaya hazırlıq prosesində iştirak edən Şirvan şəhər kimya-biologiya təmayüllü liseyin kimya müəllimi Səbinə Hüseynovanın şagirdlərlə hazırlıq prosesindən görüntülərini sizə təqdim edirik.

24.11.2023

badge-icon
Qayıdış - Tarix və Coğrafiya müəllimlərinə ingilis dilinin öyrədilməsi
“Qayıdış - Tarix və Coğrafiya müəllimlərinə ingilis dilinin öyrədilməsi” layihəsinə seçilən müəllimlərlə görüş keçirilib.

Görüşdə seçilən 20 tarix-coğrafiya müəlliminə 6 ay müddətində ingilis dilindən təlimlər keçirilməsi və təlimlərin sonunda 2 səviyyəni bitirmiş olacaqları haqqında məlumat verilib.

Qeyd edək ki, layihənin məqsədi Şərqi-Zəngəzur Regional Təhsil İdarəsi və Qarabağ Regional Təhsil idarəsinin tabeliyində regionlara qayıdan tarix və coğrafiya müəllimlərinin ingilis dili bacarıqlarının artırılması ilə onların beynəlxalq tədbirlərdə ölkəmizi təmsil etmək, istərsə də həmin regionlara gələn xarici qonaqlara öz tarixi yaddaşımızı və coğrafi məkanlarımızı tanıda biləcəklər.

24.11.2023

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

77

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun