Profil

Axtarış

Müqəddəs iş

Azərbaycanın səfalı diyarlarından birində müharibə illərində dünyaya göz açdım. Nənəm hər zaman deyərdi ki, doğulduğun gün ölmüsən. Hamı ümidini kəsdiyi anda nənəm məni həkim-həkim dolandırıb, həyatımın başlamadan bitməməsi üçün çox çalışıb. Nəticədə burdayam. Yazıq nənəm heç bilmirdi ki, mənim həyat yüküm elə onun çiyinlərinə düşəcək.

-Mən sənin qızını oxudası deyiləm! Bunu get uşağına başa sal, boşuna dəftər- kitabdan yapışmasın.
-Axı qızım bunu çox istəyir, nə olar qoy oxusun.
-Sən mənim sözümün qarşısında nə ixtiyarla danışırsan? Get dedim, get! Qurtardı.
Anamın evləndiyi ikinci həyat yoldaşının mənə qarşı münasibəti belə olmuşdu. Anam məcbur qalıb nənəmlə danışmışdı.
-Ana, mən qızıma bunun heç cür deyə bilmərəm. Nə edim , mənə bir yol göstər.
-Qızım, bir balanın arzusunu gerçəkləşdirmək özü müqəddəs işdir. Gəl, mən qızını aparım. Mənim evimdə də qarışası deyil ki.
Nənəm yenə məni xilas edə bildi. Durmadan oxuyur, imtahana hazırlaşırdım. Kəndimizdəki fizika müəlliməsi içimdə o qədər böyük eşq yaratmışdı ki, qərarımı dəyişmiş, mən də fizika müəlliməsi olacaqdım. Yaşadıqlarım mənə daha da əzm verirdi.

-Niyə riyaziyyat? Mən fizika müəllimliyini seçmişdim.
-Nənən qurban, niyə narahatsan? Əsas odur sənin əməyin boşa getmədi.
-Düzdür ,nənə, sadəcə bu ixtisasda oxumağı həqiqətən çox istəyirdim.

-Mən bilirəm ,balam, sən istəsən hərşeyi bacararsan.
Nənəm çox doğru vurğulamışdı. Mən bacaracaqdım.

Universiteti yenicə bitirmiş, iş yerləri üçün seçim edirdim. Öz kəndimizdə yer yox idi deyə, qonşu kənddə işləməyi qərara aldım. Kəndimizdən uzaq idi deyə, yolda çox çətinlik çəkirdim. Bir ili başa vurmağıma az qalmışdı. Şagirdlər bəzən elə olur ki, özlərini ifadə etməkdə çəkinirlər.

Gül bayramı, həmin gün bütün sinif əllərində güllər, gözlərində qığılcım dolu baxışlarla məni gözləyirdi. Bir il boyunca əziyyətim heçə getməmişdi. Bu qədər qəlbin sevgisini qazanmışdım. Ürəklə edilən heç bir işin nəticəsiz qalmadığı göz qabağında idi.

Yazar: Səadət Səfəralıyeva
Redaktə etdi: Müqayyə Əlmərdanlı

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
AGMA-ya məxsus platformanın tələbələr üçün təqdimatı keçirilib
Azərbaycan Gənc Müəllimlər Assosiasiyası (AGMA) tərəfindən “gencmuellim.az” platformasının pedaqoji ixtisas üzrə təhsil alan tələbələr üçün təqdimat mərasimi keçirilib.

Bakı Mühəndislik Universitetində (BMU) təşkil olunan görüşün keçirilməsində məqsəd tələbələrdən başlanan effektiv inkubasiya sistemi yaratmaqla gələcəyin müəllimlərinə dəstək olmaq üçün yaradılan “gencmuellim.az” platformasını tanıtmaqdan ibarətdir.
Görüşdə çıxış edən AGMA-nın sədri Rüfət Əsədzadə tələbələrə "Tələbə, məzun yox, təcrübəli məzun" mövzusunda seminar keçib. 

Həmçinin, "gencmuellim.az" platformasının əhəmiyyəti barədə ətraflı məlumat verərək bildirib ki, “gencmuellim.az” platforması müəllimlərə davamlı öyrənmə imkanları yaradır. Hazırda platformada 3500-dən çox aktiv müəllim və 18 müxtəlif kurs mövcuddur. 

Sonda tələbələri maraqlandıran suallar cavablandırılıb, müvafiq mövzular barədə tövsiyələr verilib.

01.12.2022

badge-icon
Azərbaycanda gənclərlə işləyən təlimçilər üçün təlim
Noyabrın 23-dən 28-dək Gənclər və İdman Nazirliyi, Avropa Şurasının Gənclər Departamenti, Azərbaycan Gənclər Fondu və Gənclər Təşkilatlarının Milli Şurasının (NAYORA) birgə təşkilatçılığı ilə “Azərbaycanda gənclərlə işləyən təlimçilər üçün təlim (TRAYAZE)” keçirilib.

TRAYAZE Avropa Şurasının Azərbaycan üçün fəaliyyət planı əsasında keçirilən, qeyri-formal təhsil fəaliyyətlərinə dair təlimçilər və gənclər işçiləri üçün uzunmüddətli təlim kursudur.

Təlimin məqsədi – Azərbaycanda gənclərlə iş sahəsində keyfiyyətli təlimlərin keçirilməsi üçün təlimçilərin bilik və bacarıqlarını inkişaf etdirmək, o cümlədən gənclərlə işləyən təlimçilər şəbəkəsinin üzvlərinin sayının artırmaqdır.

Təlimdə Azərbaycan Gənc Müəllimlər Assosiasiyasının əməkdaşı Elvin Axundov iştirak edib.
AGMA komandası adından Elvin Axundova gələcək kariyerasında uğurlar arzu edirik.

29.11.2022

badge-icon
Koordinator Məktəbi: 21-ci əsr bacarıqlarının formalaşdırılması
26-27 noyabr 2022-ci il tarixində Azərbaycan Gənc Müəllimlər Assosiasiyası (AGMA) tərəfindən "Koordinator Məktəbi: 21-ci əsr bacarıqlarının formalaşdırılması" təlimləri sona çatıb.

Azərbaycan Gənclər Fondu / Azerbaijan Youth Foundation dəstəyi, Azərbaycan Gənc Müəllimlər Assosiasiyasının təşkilatçılığı ilə National Assembly of Youth Organizations of the Republic of Azerbaijan (NAYORA) -nın “Gənclər Təşkilatlarının Fəaliyyətlərinin Dəstəklənməsi” Proqramı - 2.0 çərçivəsində keçirilən layihədə əsas məqsəd yeni seçilən regional koordinatorlarla, onların fəaliyyəti ilə tanışlıq, vəzifələrin müəyyən olunması, təkliflərin dinlənilməsi, görüləcək işlərin müzakirəsi, yeni layihələrin təqdimatı idi.

Gənc müəllimlərə "Komanda quruculuğu", "Sosial mediada müəllim imici", "Təşkilati mədəniyyət", "Layihə idarəetməsində təşkilatçılığın rolu", "Kommunikasiya" mövzularında təlimlər keçirilib.
Müəllimlərin prosesə aktiv qoşulması, məlumat mübadiləsinin aparılması, əyləncəli qrup işlərinin keçirilməsi görüşü daha da maraqlı və öyrədici edib.

AGMA ətrafında birləşən hörmətli koordinatorlarımız, sizə gələcək fəaliyyətlərinizdə bol nailiyyət diləyirik! Birlikdə daha böyük uğurlara imza atacağımıza əminik!

28.11.2022

badge-icon
İngilis dili magistraturaya hazırlıq dərslərinin təlimi
27 noyabr 2022-ci il tarixində Azərbaycan Gənc Müəllimlər Assosiasiyasının (AGMA) təşkilatçılığı ilə müxtəlif regionların məktəblərində çalışan müəllimləri inkişaf etdirmək və yeni biliklərə yiyələnmək məqsədilə ödənişsiz İngilis dili magistraturaya hazırlıq dərslərinin təlimi Microsoft Teams platforması vasitəsilə Bakı Dövlət Universitetinin Doktorantı, TKT sertifikatlı Günay Əkbərova tərəfindən keçirilib.

Təlim zamanı magistraturaya hazırlıq, xaricdə təhsil kimi mövzulara toxunulub. 

Qeyd edək ki, təlimdə 220 gənc müəllim iştirak edib.

28.11.2022

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

18

ÜMUMİ KURSLAR

2500

AKTİV MÜƏLLİM

5000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun