16-23 may 2022-ci il tarixlərində, Azərbaycan Gənc Müəllimlər Assosiasiyası və Bursa Azərbaycan Həmrəylik və İnnovasiya Dərnəyinin birgə təşkilatçılığı, Bursa Böyükşəhər Bələdiyyəsinin dəstəyi ilə Türkiyənin Bursa şəhərində, “Türkiyə-Azərbaycan Müəllimlərinin I Təhsil Zirvəsi” layihəsi həyata keçiriləcəkdir. 

Layihə çərçivəsində Azərbaycandan 10 müəllim, 5 gün müddətində müxtəlif məktəblərin təcrübəsindən yararlanacaq və “Türkiyə-Azərbaycan Təhsil Sistemində Yeni Trendlər” konfransında iştirak edəcəklər.

Azərbaycan Gənc Müəllimlər Assosiasiyası (AGMA) ümumtəhsil məktəblərində işləyən, yaşı 35-ə qədər olan müəllimlər üçün “Esse yazmağın qısa yolu” təlimlərinə start verir.

Esse - tədrisdə ali yazı növüdür və müəllifin mövzu ilə bağlı şəxsi qənaətlərini əks etdirir.

Esse mühakimə və ünsiyyət bacarıqlarını inkişaf etdirmək üçün ən effektli üsuldur.

Esse yazı vərdişlərini təkmilləşdirməklə müəllimlər beyinin intuitiv öyrənmə bacarığını inkişaf etdirirlər, orbitofrontal qabığın (icraedici beyinin) gücünü tam azad edirlər ki, beyin düşünmə və seçimetmə təyinatını həyata keçirə bilsin.

Azərbaycan Gənc Müəllimlər Assosiasiyası tərəfindən keçirilən təlimlərin məqsədi müəllimlərin akademik yazı bacarıqlarının artırılmasıdır.

Təlimlər Azərbaycan Respublikası Təhsil İnstitutunun Metodik dəstək və peşəkar inkişaf mərkəzinin Əlavə təhsilin məzmunu şöbəsinin müdiri, filologiya üzrə fəlsəfə doktoru Könül Aydın Nəhmətova tərəfindən keçiriləcəkdir.

Təlimdə bütün fənlər üzrə dərs deyən müəllimlər iştirak edə bilər.

Qeydiyyat linki: https://forms.gle/NSvjDWDJMgxu61zcA

Azərbaycan Respublikasının Təhsil Nazirliyi Azərbaycan Dövlət Pedaqoji Universitetinin Strateji inkişaf mərkəzilə birgə gələcəkdə dövlət ümumi təhsil müəssisələrində direktor vəzifəsində çalışmaq arzusunda olan pedaqoji kadrlar üçün “Məktəb liderliyi proqramı”na sənəd qəbulu elan edir.

Proqramın məqsədi:

Proqram müasir çağırışlara cavab verən məktəb liderlərinin hazırlanmasını
hədəfləyir.

Proqramın məzmunu:

Proqram 5 modul üzrə 145 saatı əhatə edir:

I Modul: Məktəbin idarə olunması və liderlik
II Modul: Tədrisin təşkili və idarə edilməsi
III Modul: Təhsildə qiymətləndirmə
IV Modul: Məktəbdə heyətin idarə edilməsi
V Modul: Məktəbdə ünsiyyətin təşkili və idarə edilməsi

Proqramın müddəti:

Təlimlər həftədə iki dəfə (cümə və şənbə günləri) olmaqla 3 ay müddəti əhatə
edəcək.

İştirakçılara verilən tələblər:

Proqrama müraciət 5 ildən az olmayaraq ümumtəhsil müəssisələrində pedaqoji
stajı olan ali təhsilli şəxslər müraciət edə bilər.

İştirakçıların seçimi:

Proqramda iştirakçı seçimi üç mərhələdə həyata keçirilir: elektron sənəd qəbulu,
test imtahanı və müsahibə. Hər üç mərhələni uğurla keçən şəxslər proqramda iştirak hüququ qazanır.Test imtahanı mərhələsində namizədlərin tənqidi oxu, riyazi-məntiqi və yazı bacarıqları dəyərləndiriləcək.
Proqramda 50 nəfər namizədin iştirakı nəzərdə tutulur.

Proqramda iştirak etmək istəyən şəxslər 01 may 2022-ci il tarixinə qədər aşağıdakı link vasitəsilə qeydiyyatdan keçə bilərlər.

Qeydiyyat üçün link:

https://forms.gle/sJFBtxYezrrGsgWy5

Əlavə suallar üçün [email protected] emailinə yaza bilərsiniz.

Azərbaycan Gənc Müəllimlər Assosiasiyası (AGMA) region müəllimlərinin yumşaq bacarıqlarının inkişaf etdirilməsi, şəbəkələşməsi, əməkdaşlığın qurulması məqsədilə regional gənc müəllimlərinin 2-ci şəbəkələşmə forumlarını təşkil edir. 
 
 39 rayonu əhatə edəcək forum aprel - may aylarında 10 mərkəzdə keçiriləcək:
 
 1. Biləsuvar 09.04.2022
 Masallı , Yardımlı , Cəlilabad , Biləsuvar 
 
 2. Astara 10.04.2022
 Lənkəran , Lerik , Astara 
 
 3. Mingəçevir 16.04.2022
 Bərdə , Ağdaş , Göyçay, Yevlax, Mingəçevir 
 
 4. Gəncə 17.04.2022
 Göygöl , Goranboy , Samux , Gəncə 
 
 5. Quba 23.04.2022
 Xaçmaz , Qusar, Şabran , Quba 
 
 6. Salyan 24.04.2022
 Neftçala , Şirvan , Salyan 

 7. Ağcabədi 01.05.2022
 Ağdam , Zərdab , Beyləqan , Füzuli , Ağcabədi 

 8. İsmayıllı 14.05.2022
 Qəbələ , Şamaxı , Ağsu , Qobustan , İsmayıllı 

 9. Qax 15.05.2022
 Şəki , Oğuz , Balakən , Zaqatala , Qax 

 10. Sumqayıt 21.05.2022
 Sumqayıt , Abşeron 
 
Forumda hər region üzrə 50-60 nəfər müəllim iştirak edə bilər. Forum 5 saat (09:00-14:00) davam edəcəkdir.

Forum Azərbaycan Respublikası Təhsil Nazirliyi tərəfindən elan edilmiş “2021/2022-ci illərdə təhsilin inkişafı üzrə ictimai təşəbbüslərin dəstəklənməsi” qrant müsabiqəsinin qalibi olmuş “Gənc müəllimlərin inkişaf proqramı” layihəsi çərçivəsində icra olunur.

 

"Fərq Yaradan Gənc Müəllim 2022”
 

Azərbaycan Gənc Müəllimlər Assosiasiyası tərəfindən keçirilən ümumtəhsil məktəblərində işləyən, yaşı 35-ə qədər olan müəllimlər üçün “Fərq yaradan gənc müəllim 2022” müsabiqəsini elan edir.

Layihə Azərbaycan Respublikası Təhsil Nazirliyi tərəfindən elan edilmiş “2021/2022-ci illərdə təhsilin inkişafı üzrə ictimai təşəbbüslərin dəstəklənməsi” qrant müsabiqəsinin qalibi olmuş “Gənc müəllimlərin inkişaf porqramı” layihəsi çərçivəsində icra olunur.

Layihənin məqsədi kreativ düşüncəli, müasir və pedaqoji-psixoloji hazırlıqlı, fərq yaradan gənc müəllimlərin aşkara çıxarılmasıdır. Fərq yaratmaq üçün gənc müəllimlər öyrənmədə əlverişli sosial mühit yaratmağı bacarmalı və şagirdlər bu mühitdə öyrənmə təcrübəsinə açıq olmalıdırlar.

Müsabiqə 4 mərhələdən ibarətdir.

Birinci mərhələ              

Bu mərhələdə Rayon Təhsil Sektorları tərtib olunmuş meyarlara əsasən 5 müəllim namizədini təşkilat komitəsinə 15.04.2022- ci il tarixinə kimi təqdim edir. Seçilmiş 5 müəllim ikinci mərhələdə iştirak etmək hüququ qazanır.  

Birinci mərhələnin kriteriyaları aşağıdakılardır.

Tədris təcrübəsi ilə fərqlənməli

Şagirdlərinin nəticələrinin yaxşı olması

Yaşı 35-dən aşağı olması (1987-ci il daxil olmaqla)

Fərqli tədris metodlarından istifadə etməsi

İkinci mərhələdə video çəkib göndərməyi qəbul edən

İştirak etmək istəyən gənc müəllimlər yerli təhsili idarəetmə orqanlarına müraciət edə bilərlər.

Azərbaycan Gənc Müəllimlər Assosiasiyası tərəfindən keçirilən ümumtəhsil məktəblərində işləyən, yaşı 35-ə qədər olan müəllimlər üçün “Fərq yaradan gənc müəllim 2022” müsabiqəsini elan edir.

Layihə Azərbaycan Respublikası Təhsil Nazirliyi tərəfindən elan edilmiş “2021/2022-ci illərdə təhsilin inkişafı üzrə ictimai təşəbbüslərin dəstəklənməsi” qrant müsabiqəsinin qalibi olmuş “Gənc müəllimlərin inkişaf porqramı” layihəsi çərçivəsində icra olunur.

Layihənin məqsədi kreativ düşüncəli, müasir və pedaqoji-psixoloji hazırlıqlı, fərq yaradan gənc müəllimlərin aşkara çıxarılmasıdır. Fərq yaratmaq üçün gənc müəllimlər öyrənmədə əlverişli sosial mühit yaratmağı bacarmalı və şagirdlər bu mühitdə öyrənmə təcrübəsinə açıq olmalıdırlar.

Müsabiqə  mərhələdən ibarətdir.

Birinci mərhələ 
             

Bu mərhələdə Rayon Təhsil Sektorları tərtib olunmuş meyarlara əsasən 5 müəllim namizədini təşkilat komitəsinə 15.04.2022- ci il tarixinə kimi təqdim edir. Seçilmiş 5 müəllim ikinci mərhələdə iştirak etmək hüququ qazanır.  

Birinci mərhələnin kriteriyaları aşağıdakılardır.

Tədris təcrübəsi ilə fərqlənməli

Şagirdlərinin nəticələrinin yaxşı olması

Yaşı 35-dən aşağı olması (1987-ci il daxil olmaqla)

Fərqli tədris metodlarından istifadə etməsi

İkinci mərhələdə video çəkib göndərməyi qəbul edən

İştirak etmək istəyən gənc müəllimlər yerli təhsili idarəetmə orqanlarına müraciət edə bilərlər.

Stolüstü Tennis Turniri

Azərbaycan Gənc Müəllimlər Assosiasiyası (AGMA) və Azərbaycan Respublikası Stolüstü Tennis Federasiyasının birgə əməkdaşlığı çərçivəsində Qadın müəllimləri arasında stolüstü tennis turnirinin keçirilməsinə start verilir

Turnirin əsas məqsəd və vəzifələri gənc qadın müəllimlər arasında stolüstü tennis qaydalarının təbliğ edilməsi, onların asudə vaxtlarının sağlam-səmərəli keçirilməsi və onların köməyilə ölkədə uşaqlar arasında stolüstü tennis oyununa marağın artırılmasına nail olmaqdır.

Turnir Sumqayıt şəhər, “Qarabağ NN" stolüstü tennis bazasında 06.03.2022 tarixində 10:00-da başlanacaqdır.

Yarış "-2"sistemi üzrə keçirilir. İdman ustalığından asılı olmayaraq bütün arzu edən sağlam şəxslər turnirdə iştirak edə bilərlər.

Turnirdə iştirakınızı təsdiqləmək üçün sağlamlıq haqqında arayış, şəxsiyyəti təsdiq edən sənəd və sifariş vərəqi elektron formada [email protected] elektron poçt ünvanı ilə Azərbaycan Gənc Müəllimlər Assosiasiyasına göndərilməli, sağlamlıq haqqında arayış və şəxsiyyəti təsdiq edən sənəd isə turnir başlanmazdan əvvəl hakimlər kollegiyasına təqdim olunmalıdır.

Əsasnamənin linki: https://ref.az/MRpWcp

Qeyd edək ki, linkə daxil olub yükləyib redaktə edə bilərsiniz.

Sonda turnirin qalibləri Azərbaycan Gənc Müəllimlər Assosiasiyası tərəfindən diplom və mükafatlar ilə təltif olunacaqlar.

Son qeydiyyat tarixi 28.02.22
Yarışda iştirak edəcək hər kəsə uğurlar diləyirik!

Qeyd: ilk 32 müraciətə baxılacaqdır.

16 fevral saat 11:00-da "Müəllimlərin işə qəbulu və yerdəyişməsi qaydalarında yeniliklər" mövzusunda onlayn brifinq keçiriləcək.

Brifinqi Təhsil Nazirliyinin rəsmi "Facebook" səhifəsi üzərindən izləyə bilərsiniz.