Profil

Axtarış

Elanlar

badge-icon
İxtisas seçimində mentorluq
Azərbaycan Gənc Müəllimlər Asssosiasiyası və Lənkəran - Astara Regional Təhsil İdarəsinin təşkilatçılığı, Dövlət Məşğulluq Agentliyinin Mərkəzi Karyera filialı və Təhsil Tələbə Krediti Fondunun tərəfdaşlığı ilə “ixtisas seçimində mentorluq” forumu keçiriləcək.

13 iyul 2022-ci il tarixində Masallı rayonunda Lənkəran-Astara Regional Təhsil İdarəsinin tabeliyində fəaliyyət göstərən və 9-11-ci siniflərə dərs deyən müəllimlər üçün ixtisas seçimində mentorların hazırlanması ilə bağlı forum keçirəcəkdir. Forumda 100 müəllimin iştirakı nəzərdə tutulur.

Forumda spikerlər ixtisas seçiminin hansı meyarlara əsasən edilməsi, ixtisas qruplarına daxil olan seçimlər, karyera planlaması haqqında öz dəyərli bilik və təcrübələrini bölüşəcəklər.

Spikerlərimiz və danışacaqları mövzular:

Bəhruz Əzimov - Təhsil Tələbə Krediti Fondu İdarə Heyətinin sədr müavini - Təhsil tələbə krediti fondu haqqında məlumat

Toğrul Ələkbərov - Dövlət Məşğulluq Agentliyinin Mərkəzi Karyera filialının rəhbəri – İxtisas seçimi

Əli Qurbanlı - Dövlət Məşğulluq Agentliyinin Mərkəzi Karyera Mərkəzinin əməkdaşı - Karyera planlaması

Qeydiyyat linki: https://forms.gle/p9NtsDjrHpyaNCi37

08.07.2022

badge-icon
Sertifikasiyaya dəstək
Azərbaycan Gənc Müəllimlər Assosiasiyası (AGMA) sertifikasiyaya hazırlaşan ibtidai sinif müəllimlərinə  dəstək məqsədilə təlimlər keçirəcək.
Təlimlər 4-15 iyul tarixində onlayn formada 2 həftə davam edəcək.

Ətraflı məlumat və qeydiyyat:

02.07.2022

badge-icon
“Türkiyə-Azərbaycan Müəllimlərinin Yay Məktəbi” layihəsinə start verilir.
Azərbaycan Gənc Müəllimlər Assosiasiyası və Bursa Azərbaycan Həmrəylik və İnnovasiya Dərnəyinin birgə təşkilatçılığı, Bursa Böyükşəhər Bələdiyyəsi və Birlik Vəqfi Bursa şöbəsinin dəstəyi ilə  “Türkiyə-Azərbaycan Müəllimlərinin Yay Məktəbi” layihəsinə start verilir. 

Layihə 23-30 iyul tarixlərində Türkiyənin Bursa şəhərində həyata keçiriləcəkdir. Layihə çərçivəsində Azərbaycandan 30, Türkiyədən 15 müəllim 6 istiqamət üzrə təlimlərdə iştirak edəcəklər. Həmçinin layihənin sonunda forum təşkil olunacaq.
“Türkiyə-Azərbaycan Müəllimlərinin Yay Məktəbi” layihəsində qeydiyyatdan keçən müəllimlər müsahibəyə dəvət olunacaq, müsahibədən uğurla keçən müəllimlər layihədə iştirak edə biləcəklər. 
Ətraflı məlumat və qeydiyyat üçün link:


15.06.2022

badge-icon
“Gənclər davamlı inkişaf üçün” layihəsinin “Bilikdən-Bacarığa” mərhələsi
Bu mərhələ region gənclərinin effektiv ünsiyyət formasının, yumşaq bacarıqların möhkəmlənməsi, auditoriya və cəmiyyətdə özünüifadə qaydalarının aşılanması və gənclər şəbəkəsinin müsbət istiqamətdə inkişafına, sağlam gəncliyin yetişdirilməsinə xidmət edir. 

Gənclərin bu sahədə inkişafına dəstək olmaq məqsədilə Azərbaycan Gənc Müəllimlər Assosiasiyasının (AGMA) tərəfdaşlığı, “İrəli” İctimai Birliyinin təşkilatçılığı, Azərbaycan Gənclər Fondu / Azerbaijan Youth Foundation dəstəyi və Gənclərin İnkişaf və Karyera Mərkəzi ilə birgə düşərgə formatında həyata keçiriləcək layihə çərçivəsində müxtəlif fəaliyyətlər, simulyasiya, oyun əsaslı təlimlər və seminarlarda əsaslı potensial biliklərini artıracaqlar. 

İştirakçılar sonrakı müddətdə isə regionlarda mütəmadi görüşlər keçirib öyrəndiklərini öyrədəcəklər. Habelə gənclərin aktiv iştirakçılığının artırılması, regionlarda olan problemlərin öyrənilib data-analiz bazanın yaradılması üçün bölgələrdə sorğu təşkil edəcəklər.

Müraciətçilər içərisindən gender bərabərliyi qorunmaqla 22-29 yaş aralığında, motivasiyalı, vətənpərvər, məsuliyyətli ən əsası da öyrəndiyini öyrətməyə meyilli 30 nəfər gənc layihədə iştirak haqqı qazanacaq. 
 
Qeyd etmək istəyirik ki, layihə 3 müxtəlif mərhələdən ibarət olacaqdır. 
 
Seçilmiş gənclər hər 3 mərhələdə də məsuliyyətli bir şəkildə iştirak etməlidir. 
 
Qeydiyyat linki:  https://ref.az/2yEDpaU

23.05.2022

badge-icon
"Əsgərin kitab rəfi"
Azərbaycan Gənc Müəllimlər Assosiasiyası (AGMA) Müdafiə Nazirliyinin başlatdığı "Əsgərin kitab rəfi" aksiyasına dəstək olmaq məqsədi ilə kitab toplamağa start verir.

Aksiya əsgərlərimizin asudə vaxtlarının səmərəli keçirilməsi və mütaliəyə marağının artırılması məqsədini daşıyır. Elmi, bədii, publisistik və digər janrlarda kitablarınızı Vətənimizin keşiyində duran əsgərlərimizə hədiyyə etməklə kitab toplama aksiyasına qoşulmaq mümkündür. Aksiya çərçivəsində toplanan kitablar işğaldan azad edilmiş ərazilərdə xidmət edən əsgərlərə üstünlük verməklə bütün hərbi qulluqçularımıza çatdırılacaq.

Kitabları AGMA-nın ofisinə şəxsən gətirə və ya poçtla göndərə bilərsiniz.

Ünvan: Fətəli xan Xoyski 109, Bakı, Nərimanov, AZ1052 
Telefon: +994 51 206 79 71

19.05.2022

badge-icon
“Türkiyə-Azərbaycan Müəllimlərinin I Təhsil Zirvəsi”
Azərbaycan Gənc Müəllimlər Assosiasiyasının (AGMA) əsas məqsədlərindən biri də gənc müəllimlərə dəstək olaraq onların dünya təhsil sisteminə inteqrasiya etmələri, yeniliklərdən məlumatlı olmalarıdır.

Bu məqsədlə də Azərbaycan Gənc Müəllimlər Assosiasiyası və Bursa Azərbaycan Həmrəylik və İnnovasiya Dərnəyinin birgə təşkilatçılığı, Bursa Böyükşəhər Bələdiyyəsinin dəstəyi ilə Türkiyənin Bursa şəhərində “Türkiyə-Azərbaycan Müəllimlərinin I Təhsil Zirvəsi” layihəsinə start verildi.

Layihə 23 may tarixinə qədər davam edəcək.

Layihə çərçivəsində Azərbaycandan 10 müəllim 5 gün müddətində müxtəlif məktəblərin təcrübəsindən yararlanacaq və 18 may tarixində həyata keçiriləcək “Türkiyə-Azərbaycan Təhsil Sistemində Yeni Trendlər” konfransında iştirak edəcək.

16.05.2022

badge-icon
“Türkiyə-Azərbaycan Müəllimlərinin I Təhsil Zirvəsi”
16-23 may 2022-ci il tarixlərində, Azərbaycan Gənc Müəllimlər Assosiasiyası və Bursa Azərbaycan Həmrəylik və İnnovasiya Dərnəyinin birgə təşkilatçılığı, Bursa Böyükşəhər Bələdiyyəsinin dəstəyi ilə Türkiyənin Bursa şəhərində, “Türkiyə-Azərbaycan Müəllimlərinin I Təhsil Zirvəsi” layihəsi həyata keçiriləcəkdir. 

Layihə çərçivəsində Azərbaycandan 10 müəllim, 5 gün müddətində müxtəlif məktəblərin təcrübəsindən yararlanacaq və “Türkiyə-Azərbaycan Təhsil Sistemində Yeni Trendlər” konfransında iştirak edəcəklər.

11.05.2022

badge-icon
“Esse yazmağın qısa yolu”
Azərbaycan Gənc Müəllimlər Assosiasiyası (AGMA) ümumtəhsil məktəblərində işləyən, yaşı 35-ə qədər olan müəllimlər üçün “Esse yazmağın qısa yolu” təlimlərinə start verir.

Esse - tədrisdə ali yazı növüdür və müəllifin mövzu ilə bağlı şəxsi qənaətlərini əks etdirir.

Esse mühakimə və ünsiyyət bacarıqlarını inkişaf etdirmək üçün ən effektli üsuldur.

Esse yazı vərdişlərini təkmilləşdirməklə müəllimlər beyinin intuitiv öyrənmə bacarığını inkişaf etdirirlər, orbitofrontal qabığın (icraedici beyinin) gücünü tam azad edirlər ki, beyin düşünmə və seçimetmə təyinatını həyata keçirə bilsin.

Azərbaycan Gənc Müəllimlər Assosiasiyası tərəfindən keçirilən təlimlərin məqsədi müəllimlərin akademik yazı bacarıqlarının artırılmasıdır.

Təlimlər Azərbaycan Respublikası Təhsil İnstitutunun Metodik dəstək və peşəkar inkişaf mərkəzinin Əlavə təhsilin məzmunu şöbəsinin müdiri, filologiya üzrə fəlsəfə doktoru Könül Aydın Nəhmətova tərəfindən keçiriləcəkdir.

Təlimdə bütün fənlər üzrə dərs deyən müəllimlər iştirak edə bilər.

Qeydiyyat linki: https://forms.gle/NSvjDWDJMgxu61zcA

22.04.2022

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Ramazan ayınız mübarək!
Ramazan ayınız mübarək! 

11.03.2024

badge-icon
"Təlimçilər üçün təlim" proqramı layihəsi yekunlaşdı.
"Təlimçilər üçün təlim" proqramı layihəsi yekunlaşdı.  

Ümumilikdə 3 gün davam edən proqramın növbəti mərhələsi olaraq müəllimlər regionlarında davamlılıq layihələri həyata keçirəcəklər.

Qeyd edək ki, layihə Azərbaycan Respublikası Elm və Təhsil Nazirliyinin dəstəyi və AGMA-nın təşkilatçılığı ilə keçirildi.

11.03.2024

badge-icon
"Təlimçilər üçün təlim" proqramının ikinci günündən görüntüləri təqdim edirik.
"Təlimçilər üçün təlim" proqramının ikinci günündən görüntüləri təqdim edirik.

Layihənin ikinci günü təlim proqramının gedişatı hazırlanıb, layihənin davamlılığı üçün mövzular seçilib.
Daha sonra təcrübə əsaslı öyrənmə, insan hüquqları kimi mövzular ətrafında müzakirələr aparılaraq, qrup işləri və vörkşoplar keçirilib.

Qeyd edək ki, proqramın əsas məqsədi təhsil sahəsindəki bir çox təlimçinin bacarıqlarının artırılması, təlimçi sayının çoxaldılması, təlimçilərin keyfiyyətinin yüksəldilməsi, fərqli təlim metodlarının və qeyri-formal təhsil üsullarının təlimçilər tərəfindən daha effektiv şəkildə tətbiq edilməsini təşviq etməkdən ibarətdir.

10.03.2024

badge-icon
"Təlimçilər üçün təlim" proqramının ilk günündən olan görüntüləri təqdim edirik.
"Təlimçilər üçün təlim" proqramının ilk günündən olan görüntüləri təqdim edirik.

Layihənin ilk günü 12 regiondan iştirak edən 20 gənc müəllimin şəbəkələşməsi məqsədilə tanışlıq oyunları ilə başlayıb. Daha sonra təlim kursundan gözləntilər, təhsilin formaları, öyrənmənin müasir metodları kimi mövzular ətrafında müzakirələr aparılaraq, qrup işləri və vörkşoplar keçirilib.

Qeyd edək ki, proqramın əsas məqsədi təhsil sahəsindəki bir çox təlimçinin bacarıqlarının artırılması, təlimçi sayının çoxaldılması, təlimçilərin keyfiyyətinin yüksəldilməsi, fərqli təlim metodlarının və qeyri-formal təhsil üsullarının təlimçilər tərəfindən daha effektiv şəkildə tətbiq edilməsini təşviq etməkdən ibarətdir.

09.03.2024

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

77

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun