18-19 fevral 2023 - cü il tarixində AGMA - nın təşkilatçılığı ilə “Qış Liderlik Düşərgəsi” keçiriləcək.

Gənc direktor müavinlərinin iştirakını nəzərdə tutan düşərgə gənc təhsil verənlərin və idarəetmə heyətinin peşəkarlıq səviyyəsinin artırılması məqsədi ilə təşkil olunur. Seçilmiş iştirakçılara 2 gün müddətində Liderlik, Konfliktin idarəedilməsi, Kommunikasiya, Layihə idarəetməsi, Buraxılış siniflərində keyfiyyətin artırılması üçün strateji planın hazırlanması təlimləri keçiriləcəkdir.

Təlimlər bitdikdən sonra 20 direktor müavini 15 gün müddətində məktəblərində müxtəlif istiqamətlərdə keyfiyyətin artırılması üçün strateji plan hazırlayaraq ekspertlərə təqdim edəcəklər. Sonda ekspertlər ve gənc direktor müavinləri Bakı şəhərində refleksiya forumunda iştirak edəcəklər. Sənədlərin son versiyası təsdiq edildikdən sonra nümunə olaraq bir nəçə məktəbin sənədlərinin təqdimatı keçiriləcəkdir.

Namizədlər üçün tələblər:

 -pedaqoji ixtisas üzrə ali təhsil;

 -2 ildən az olmayaraq idarəetmə təcrübəsi;

 -İKT bacarıqlarına malik;

 -33 yaşadək (yaş: 33-ə qədər – 18.02.1990-ci ildən sonra anadan olanlar);

 -hazırda ümumi təhsil müəssisəsində müəllim kimi pedaqoji fəaliyyət göstərmək.

Üstünlük veriləcək namizədlər:

Müəllimlərin işə qəbulu üzrə müsabiqə, sertifikasiya və ya diaqnostik qiymətləndirilmə imtahanında yüksək nəticə əldə etmiş şəxslər.

Tələblərə cavab verən namizədlər test mərhələsinə dəvət olunacaqlar. Test imtahanında namizədlərə pedaqogika və metodika, əmək və təhsil qanunvericiliyi, riyazi məntiq üzrə hər birinə aid 10 sual olmaqla ümumilikdə 40 test tapşırığı təqdim edilir. Sualların 75%-ini düzgün cavablandırmış namizədlər növbəti mərhələyə keçmə şansı əldə edirlər. Test mərhələsindən müvafiq balı toplamış namizədlər müsahibəyə dəvət olunacaqlar.

Qeydiyyat linki: https://ref.az/2uCnjzZ

Son qeydiyyat tarixi: 8 fevral 2023 - cü il saat 

HIPPO “Sərhədsiz İngilis dili” olimpiadası ingilis dili biliklərinə güvənən bütün məktəblilər üçün nəzərdə tutulub. Olimpiadada şagirdlər 6 normal və 3 xüsusi olmaqla ümumilikdə 9 kateqoriya üzrə yarışa bilərlər. Qeyd edək ki, HIPPO “Sərhədsiz İngilis dili” olimpiadasına qeydiyyat yaxın günlərdə elan olunacaq. 

Yaş kateqoriyaları

LITTLE HIPPO və ya “BALACA HIPPO” – 2013/2014/2015/2016
HIPPO 1 – 2011/2012
HIPPO 2 - 2010
HIPPO 3 – 2008/2009
HIPPO 4 – 2006/2007
HIPPO 5 – 2004/2005

Xüsusi kateqoriyalar Hippo Olimpiadasının qaydalarına uyğun olaraq ikidilli hesab edilən -
əksəriyyəti və ya bütün fənləri ingilis dilində tədris olunan və ingilis dilində təhsil alan
şagirdlərə şamil olunur. Bu kateqoriyalarda olan şagirdlər aşağıda qeyd olunan üç kateqoriyadan
birində yarışa bilərlər:

HIPPO S10 – 2011/2012/2013/2014/2016
HIPPO S15 – 2008/2009/2010
HIPPO S19 – 2004/2005/2006/2007

HIPPO Olimpiadası 4 mərhələdə həyata keçirilir

1. Preliminary round və ya İlkin mərhələ 18 mart 2023 (Azərbaycan)
2. Semi-final və ya Yarımfinal 22 aprel 2023 (Azərbaycan)
3. Regional qualifiers və ya Regional seçmə (İtaliya yaxud Türkiyə)
4. World Final və ya Dünya Finalı (İtaliya)

Adıçəkilən ilk iki mərhələ ölkəmizdə, 3-cü mərhələ İtaliya yaxud Türkiyədə, Final mərhələsi isə
İtaliyada həyata keçiriləcəkdir. Dünyanın 55-dən çox ölkəsindən minlərlə şagirdin iştirak etdiyi
Olimpiadada iştirakçılara və qaliblərə Qlobal HIPPO Assosiasiyası tərəfindən beynəlxalq
SERTİFİKAT təqdim ediləcəkdir.

Ödəniş

İmtahanda iştirak ödənişlidir və ödəniş 25 manat təşkil edir. Ödəniş 1 dəfə həyata keçirilir
və bütün mərhələlərə aid edilir. Regional seçmədə (III mərhələdə) iştirak hüququ qazanan
şagirdlər 50-100 euro iştirak haqqı ödəməli olacaqlar. Türkiyə yaxud İtaliyada (III və IV
mərhələdə) iştirak hüququ qazanan şagirdlərin bütün xərcləri (səyahət, gecələmə, yemək)
öz öhdəliklərində olacaqdır. Tərəfimizdən Regional seçmədə qalib olan və Dünya Finalında
iştirak hüququ qazanan şagirdlərə viza dəstəyi göstəriləcəkdir.

HIPPO "Sərhədsiz İngilis dili" Olimpiadası ilə bağlı hər hansı sualınız yaransa, aşağıdakı əlaqə
vasitələri ilə bizə bütün suallarınızı və müraciətlərinizi ünvanlaya bilərsiniz:

Əlaqə nömrəsi: 994 51 449 59 41

Whatsapp: 994 51 449 59 41

Elektron ünvan: [email protected]

Facebook: Azerbaijan HIPPO Olympiad 2023 | Facebook

Qeydiyyat: yaxın günlərdə elan oluanacaq.

Qeydiyyat üçün son tarix: 4 MART 2023

Gənc Müəllimlərin III Şəbəkələşmə Forumu

Azərbaycan Gənc Müəllimlər Assosiasiyasının (AGMA) təşkilatçılığı və TutorLab.azın tərəfdaşlığı ilə 28 yanvar 2023-cü il tarixində "Gənc müəllimlərin III şəbəkələşmə forumu" keçiriləcəkdir. Gənclər Gününə həsr olunan forumun məqsədi gənc müəllimlərin motivasiyasının artırılması və 21 - ci əsr bacarıqlarının təşviq edilməsi üçün gənc müəllimləri bir araya toplamaqdır.

Forum  28 yanvar 2023 –cü il tarixində Bakı şəhərində keçiriləcək.

Forumda müxtəlif bölgələrdən yaşı 35-ə qədər olan və hazırda müəllim olaraq fəaliyyət göstərən 600 gənc müəllimin iştirakı nəzərdə tutulmuşdur.

Forumda iştirak etmək istəyən müəllimlər üçün yaxın zamanda qeydiyyat linki paylaşılacaqdır.

Gənc müəllimlərin maariflənməsinə, özlərini inkişaf etdirməsinə, işlərini sevgi ilə görməsinə yardımçı olmaq bizim məqsədimizdir!

Qeyd: Forumda iştirak edən müəllimlərə onlayn iştirakçı sertifikatı veriləcək.

Azərbaycan Gənc Müəllimlər Assosiasiyasında (AGMA) təlimçi olmaq istəyənlərin nəzərinə!

2023-cü il fəaliyyət planına əsasən AGMA yeni təlimçilərin axtarışındadır. Peşəkar komandamıza qoşulmaq istəyən təcrübəli təlimçilər müraciət edə bilərlər. Növbəti təqvim ilində AGMA 4000 - dən çox gənc müəllimi təlimlərə cəlb etməyi hədəfləmişdir.
AGMA-da təlimçilər 4 kateqoriya üzrə ayrılacaqdır.

• D səviyyəli: Yeni başlayanlar və 2 ildən az təcrübəsi olan təlimçilər;
• C səviyyəli: 2-5 il təcrübəsi olan və 1000 nəfərə təlim keçmiş təlimçilər;
• B səviyyəli: 5 ildən çox təcrübəsi , TOT sertifikatı olanlar və 100 dən çox təlim keçmiş təlimçilər;
• A səviyyəli: 7 ildən çox təcrübəsi, beynəlxalq təlimçilik sertifikatı və təcrübəsi olan, TOT proqramı hazırlayan təlimçilər.

AGMA komandasına qoşulan təlimçilər nə əldə edəcəklər:

- Təlimçilik təcrübəsi;
- Layihələrdə ödənişli əsaslarla xidmət göstərmək;
- TOT proqramlarında iştirak;
- Təlimçilik istiqamətində mentorluq;
- Gencmuellim.az platformasında kurs yerləşdirmək imkanı;
- Yüksək təlimçilik reputasiyası.

Qeydiyyat üçün link: https://forms.gle/iW8Fvw8wJWQzEFqp9

Gənc müəllimlər arasında “II HƏMRƏYLİK KUBOKU” XƏMSƏ Milli İntellektual oyunu  
Azərbaycan Gənc Müəllimlər Asssosiasiyası gənc müəllimlər arasında “II HƏMRƏYLİK KUBOKU” XƏMSƏ Milli İntellektual oyunu keçirəcək. 

25 dekabr 2022-ci il tarixində Azərbaycan Gənc Müəllimlər Assosiasiyası gənc müəllimlərin stress vəziyyətindən uzaq olaraq birlikdə sosiallaşması üçün “Xəmsə” Milli İntellektual və əyləncəli oyununu təşkil edəcək. Yarışda müxtəlif bölgələrdən yaşı 35-ə qədər olan və hazırda müəllim olaraq fəaliyyət göstərən müəllimlər komanda şəklində iştirak edəcəklər. 14 dekabradək yarışa ilk qeydiyyatdan keçmiş və sənədləri tam qaydasında olan 16 komanda buraxılacaqdır. 

Oyunda iştirak etmək üçün  7 dekabr 2022 -ci il tarixindən etibarən aşağıda qeyd edilən qaydalara uyğun komandalardan sifarişlərin qəbuluna başlanır.

Yarışda ölkə üzrə gənc müəllimlərdən (yaş: 35-ə qədər – 25.12.1987-ci ildən sonra anadan olanlar) ibarət 16 komanda iştirak edəcəkdir. 

Qeydiyyat üçün şərtlər:

Hər komandada 5 əsas (2 ehtiyat) oyunçu qeydiyyatdan keçirilir... (Qeyd: 2 oyunçunun qeydiyyat edilmə səbəbi yarış keçiriləcəyi müddətdə əsas oyunçulardan yarışda iştirak edə bilməyəcək oyunçunun zamanında əvəzlənə bilməsi üçündür. Oyun zamanı 5 əsas oyunçu iştirak edəcək.)
Komanda üzvləri yalnız hazırda ümumtəhsil məktəblərində fəaliyyət göstərən, yaşı 35-ə qədər olan müəllimlərdən ibarət olmalıdır.
Təqdim edilən excel formatda sifariş forması doldurulmalı (Reqlamentə Əlavə 2)
Komandanın adı və kapitanı qeyd edilməlidir.
Bütün iştirakçıların şəxsiyyət vəsiqəsinin skanı və UTİS kodları qeyd olunmalıdır.

Qeydiyyat üçün aşağıda qeyd olunan sənədləri qeyd olunmuş vaxt çərçivəsində [email protected] elektron ünvanına göndərmək lazımdır:

Təqdim edilən excel formatda sifariş forması
Sifariş formasının skan versiyası
Bütün oyunçuların şəxsiyyət vəsiqəsinin skanı

Qeyd: Bakı məktəbləri oyunda iştirak üçün müraciət edən zaman eyni rayonda fəaliyyət göstərən məktəblər üzrə qeydiyyat aparmalıdır, bütün rayonları əhatə edən yığma komanda şəklində qeydiyyat qəbul edilməyəcək.

Yarışda iştirak üçün sifariş forması: 
https://ref.az/RPrw11
Yarışın əsasnaməsi (qaydalar və şərtlər): https://ref.az/2V2E26d

Seçilmiş 16 komanda sifariş üçün bütün sənədlərin qeyd olunan zamandan gec olmadan qeydiyyatdan keçirməlidir.

Komandaların adı Azərbaycan dilində olmalı və Azərbaycan əlifbası ilə yazılmalıdır.

Oyun zamanı 16 komanda püşk vasitəsilə 4 qrupa bölünür. Hər qrupda 4 komanda mübarizə aparır. 

Qruplar arasında ilk 2 yeri tutmuş komandalar növbəti mərhələyə - yarımfinala vəsiqə qazanır.

Yarımfinala vəsiqə qazanmış 8 komanda 2 qrupa bölünür və 2 yarımfinal oyunu təşkil edilir. Oyunlar zamanı ilk 2 yeri tutmuş 4 komanda Finala vəsiqə qazanır.

Finala keçmiş 4 komanda arasında çempionluq uğrunda mübarizə gedir. 

Mükafatlandırma: 1-ci yeri tutmuş komandaya kubok, 2-ci yeri tutmuş komandaya isə medal və diplomlar veriləcəkdir. 

Bütün komandalara uğur diləyirik!

Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə 6-cı qrant müsabiqəsi çərçivəsində qalib olan “Qarabağın rəqəmsal müəllimləri: Google platformasının köməyilə kağızsız sinif otaqlarının təşkili” layihəsinin iştirkaçə seçim mərhələsinə start verilir.

Layihənin məqsədi “Google for education level 1” platforması üzrə yeni bilik və bacarıqlar öyrətməklə rəqəmsal müəllimlərin yeni tədris alətlərini tədris prosesində tətbiq etmələri ilə şagirdlər arasında rəqəmsal vətəndaşlığı inkişaf etdirmək və gələcəkdəki qayıdış zamanı həmin ərazilərdə inşa olunan ağıllı məktəblərə inteqrasiya prosesinin sürətləndirilməsinə yardımçı olmaqdır.

Layihə çərçivəsində hazırlıq işləri aparılıb və idarəetmə komandası formalaşdırılıb. Daha sonra layihənin icrası ilə bağlı müvafiq əməkdaşlıqlar qurulub.

Qarabağ Regional Təhsil İdarəsinə tabe olan 8 rayonlarda layihənin təqdimatı keçirilmiş və iştirakçı seçiminə başlanılmışdır. Müəyyən olunmuş kriteriyalara uyğun iştirakçılar müsahibəyə cəlb olunacaqlar. Müsahibədən uğurla keçmiş 80 məktəbdən 160 iştirakçı seçilərək təlimlərə dəvət olunacaqdır. Təlimlər dekabr ayında başlanacaq və həftəsonları Qarabağ Regional Təhsil İdarəsinə tabe olan 8 rayonlarda  keçiriləcəkdir.

Qarabağ Regional Təhsil İdarəsinin 8 rayonu üzrə 160 nəfər seçilmiş müəllim öz məktəblərində 15 müəllimə təlimlərdə öyrəndiklərini mentorluq edərək “Gənc müəllim” platforması vasitəsilə öyrədəcəklər. Həmçinin təlimlərin sonunda “Gənc müəllim” platforması üzərində qiymətləndirmə testini bitirərək sertifikat əldə edə biləcəklər. Bununla yanaşı beynəlxalq dərəcəli sertifikat əldə etmək üçün Google üzərindən imtahan verməklə əldə etmək imkanı olacaqdır. 

Layihə sentyabrın 15-dən fevralın 15-dək davam edəcək. 

Onu da qeyd edək ki, layihə çərçivəsində gənc müəllimlərin cəlb olunması, təlim məzmununun hazırlanması və ekspertlərin təminində Azərbaycan Gənc Müəllimlər Assosiasiyası ilə tərəfdaşlıq edəcək. 

Qeydiyyat 26 noyabra qədər davam edəcəkdir. 

Aşağıdakı linkə daxil olaraq qeydiyyatdan keçə bilərsiniz:

https://forms.gle/Cabm9C7aQszLBpUX6

İştirak edən hər kəsə uğur diləyirik!

Azərbaycan Respublikası Elm və Təhsil Nazirliyi və Azərbaycan Gənc Müəllimlər Assosiasiyasının birgə təşkilatçılığı ilə keçirilən Gənc müəllimlərlə adaptasiya proqramına start verilir.

Noyabr ayının 21-dən etibarən cari tədris ilində yeni işə qəbul olmuş gənc müəllimlərlə adaptasiya proqramına başlanılacaq.

Adaptasiya proqramının məqsədi yeni işə qəbul olunmuş gənc müəllimlərin iş mühitinə və tədris prosesinə rahat uyğunlaşmasına nail olmaqdan ibarətdir.

Proqram çərçivəsində yerli təhsili idarəetmə orqanlarının, təcrübəli məktəb direktorlarının və təlimçilərin təqdimatında “Tədris-pedaqoji sənədlərlə işin təşkili”, “Şagirdlərlə işin təşkili”,  “Öyrədici mühitin yaradılması”, “Uğurlu şagird-valideyn-məktəb tandeminin qurulması” mövzusunda təlimlər, müzakirələr keçiriləcək.

Adaptasiya proqramında iştirak üçün qeydiyyatdan keçmiş namizədlərə Azərbaycan Gənc Müəllimlər Assosiasiyası tərəfindən ilk dəfə müəllimlər üçün yaradılmış onlayn təlim platformasından (https://agma.az/courses?category=1) ödənişsiz istifadə imkanı yaradılacaqdır.​

Adaptasiya proqramında iştirak etmək üçün 18 noyabr tarixinədək aşağıdakı linkə daxil olaraq qeydiyyatdan keçə bilərsiniz:

https://forms.gle/AUTBnMsJ8JP54Gx27

"Tarix yazan müəllimlər" 1-ci hissə layihəsinə start verilib

Azərbaycan Respublikasının Gənclər və İdman Nazirliyi, Bakı Şəhəri üzrə Təhsil İdarəsi və Azərbaycan Gənc Müəllimlər Assosiasiyasının (AGMA) birgə təşkilatçılığı ilə "Tarix yazan müəllimlər" layihəsinə start verilib.

Layihənin keçirilməsinin əsas məqsədi Vətən Müharibəsində şanlı zəfərimizin qazanılmasında iştirak edən gənc qazi müəllimləri sosial çarxlar vasitəsilə geniş ictimaiyyətə daha yaxından tanıtmaqdan ibarətdir.

Layihə çərçivəsində Vətən Müharibəsində iştirak edən gənc müəllimlərin pedaqoji fəaliyyətləri və onların keçdikləri döyüş yolu videoçarxlar vasitəsilə təqdim olunacaq.

Qeyd edək ki, Azərbaycan Gənc Müəllimlər Assosiasiyası "Tarix yazan müəllimlər" layihəsi ilə Gənclər və İdman Nazirliyi tərəfindən Azərbaycan Respublikası Qeyri-Hökumət Təşkilatlarının qismən maliyyələşdirilməsi ilə bağlı elan etdiyi müsabiqədə qalib gəlib.

Çəkilişlər ilkin olaraq Bakı şəhərində fəaliyyət göstərən gənc müəllimlərlə olacaq.