Stolüstü Tennis Turniri

Azərbaycan Gənc Müəllimlər Assosiasiyası (AGMA) və Azərbaycan Respublikası Stolüstü Tennis Federasiyasının birgə əməkdaşlığı çərçivəsində Qadın müəllimləri arasında stolüstü tennis turnirinin keçirilməsinə start verilir

Turnirin əsas məqsəd və vəzifələri gənc qadın müəllimlər arasında stolüstü tennis qaydalarının təbliğ edilməsi, onların asudə vaxtlarının sağlam-səmərəli keçirilməsi və onların köməyilə ölkədə uşaqlar arasında stolüstü tennis oyununa marağın artırılmasına nail olmaqdır.

Turnir Sumqayıt şəhər, “Qarabağ NN" stolüstü tennis bazasında 06.03.2022 tarixində 10:00-da başlanacaqdır.

Yarış "-2"sistemi üzrə keçirilir. İdman ustalığından asılı olmayaraq bütün arzu edən sağlam şəxslər turnirdə iştirak edə bilərlər.

Turnirdə iştirakınızı təsdiqləmək üçün sağlamlıq haqqında arayış, şəxsiyyəti təsdiq edən sənəd və sifariş vərəqi elektron formada [email protected] elektron poçt ünvanı ilə Azərbaycan Gənc Müəllimlər Assosiasiyasına göndərilməli, sağlamlıq haqqında arayış və şəxsiyyəti təsdiq edən sənəd isə turnir başlanmazdan əvvəl hakimlər kollegiyasına təqdim olunmalıdır.

Əsasnamənin linki: https://ref.az/MRpWcp

Qeyd edək ki, linkə daxil olub yükləyib redaktə edə bilərsiniz.

Sonda turnirin qalibləri Azərbaycan Gənc Müəllimlər Assosiasiyası tərəfindən diplom və mükafatlar ilə təltif olunacaqlar.

Son qeydiyyat tarixi 28.02.22
Yarışda iştirak edəcək hər kəsə uğurlar diləyirik!

Qeyd: ilk 32 müraciətə baxılacaqdır.

16 fevral saat 11:00-da "Müəllimlərin işə qəbulu və yerdəyişməsi qaydalarında yeniliklər" mövzusunda onlayn brifinq keçiriləcək.

Brifinqi Təhsil Nazirliyinin rəsmi "Facebook" səhifəsi üzərindən izləyə bilərsiniz.

Azərbaycan Gənc Müəllimlər Assosiasiyası tərəfindən 2022-ci ilin Şuşa ili elan edilməsilə əlaqədar “Şuşanın Rəqəmsal Müəllimləri” adlı layihəyə start verilib.

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə həyata keçirilən layihənin əsas məqsədi distant təhsilin təşkili prosesində müəllimlərdə “Google for Education” platformasından istifadə bacarıqlarını formalaşdırmaqdan ibarətdir.

Bakı və Şuşada keçirilməsi nəzərdə tutulan layihə çərçivəsində idarə heyətinin formalaşdırılması və təlimatlandırılması, layihənin təqdimatı və müəllimlərin seçimi, təlimə hazırlıq, ekspertlərin cəlbi və təlimlərin keçirilməsi, məktəbdaxili təlimlər və layihənin Şuşa şəhərində bağlanış mərasiminin təşkili planlaşdırılıb.

“Şuşanın Rəqəmsal Müəllimləri” layihəsi nəticəsində 30 müəllim bu texnologiyadan istifadə edəcək, əlavə 150 müəllim təlimlərdə iştirak edəcək, məktəbin rəqəmsallaşmasına dəstək vermək məqsədilə 10 məktəbdə 30 nəfər təlimatlanmış müəllim olacaq, onlar onlayn dərs metodikası və onlardan istifadə imkanlarını öyrənəcək və 10 məktəb google sinifdən istifadə etmək şansı qazanacaq, buraxılış siniflərinin nəticələrini analiz etmək və bunu idarə etmək mümkün olacaq, beynəlxalq məktəb təcrübəsinin dövlət məktəblərinə inteqrasiyasının əlçatanlığı təmin ediləcək, interaktiv dərslərin hazırlanması və tətbiqi təşkil olunacaq və rəqəmsal vətəndaşlıq və müsbət onlayn davranışı təşviq olunacaq.

Qeyd edək ki, “Şuşanın Rəqəmsal Müəllimləri” layihəsinin fevralın 1-dən aprelin 30-na kimi keçirilməsi planlaşdırılıb.

Layihədə yalnız Şuşa məktəblərində çalışan müəllimlər iştirak edə bilər.

Son qeydiyyat tarix : 23.02.2022

Qeydiyyat linki : https://forms.gle/hD4HGReYviGHUFh7A

Azərbaycan Respublikasının Təhsil İnstitutu (ARTİ) ümumi təhsil müəssisələrində fəaliyyət göstərən və ya göstərmək istəyən müəllimlər üçün müəllimlərin işə qəbulu müsabiqəsinin və sertifikasiya imtahanının qiymətləndirmə çərçivəsini hazırlayıb.

20 fənn, metodika ve pedaqogika üzrə məzmun sahələri, sual sayı, bölmələr və mövzuları əhatə edən məlumat kitabçası ilə aşağıda tanış ola bilərsiniz: https://bit.ly/3uEk4xL

 “Müasir Gənclərin inkişafına dəstək” ictimai birliyi və “Azərbaycan qadını elmdə”( Azerbaijani Women in Science ) təşkilatı tərəfdaşlığı çərçivəsində 13-18 yaşlı məktəbli qızlar üçün nəzərdə tutulmuş “Fantastik Dördlük“ adlı təhsil layihəsi çərçivəsində valideynlər üçün onlayn vebinarlar davam edir.

Rüfət Hüseynzadənin "Qızların ixtisas seçimi və xaricdə təhsili " vebinarına qeydiyyat artıq başlamışdır.

https://docs.google.com/.../1fg.../edit

Qeyd edək ki, seminarlar Avropa İttifaqının maliyyələşdirdiyi, BMT-nin Əhali Fondu (UNFPA) və BMT-nin Qadınlar üzrə Agentliyinin (UN Women) birgə həyata keçirdiyi “Avropa İttifaqı Gender Bərabərliyi naminə: Gender stereotiplərinə və gender əsaslı zorakılığa qarşı" proqramı çərçivəsində təşkil edilir.

Azərbaycan Gənc Müəllimlər Assosiasiyası (AGMA) yeni bir layihə ilə qarşınıza gəlir.

Daim inkişaf edən dünyada irəli getmək üçün tək vasitə təhsil və elmdir. "İnkişaf üçün inkişaf edək"ifadəsini əsas tutaraq bizə hər zaman yol göstərən müəllimlərimizin inkişafına dəstək olmaq üçün bu boot campı hazırladıq.

Boot Campda nələr öyrənəcəksiz?

Xarici Dil Öyrənmə Sənəti
Zamanın İdarə olunması.
Müəllimin şəxsi brendinin formalaşdırılması
Təqdimat Bacarığı
Ünsiyyət və Netvorkinq Bacarığı
Dinləmə bacarığı
Natiqlik bacarığı
Liderlik bacarığı.

Təlimdə müəllimlər 1 ay müddətində intensiv olaraq ingilis diliylə məşğul olacaqlar.

Bu marafona qoşulan aktiv müəllimlər sonda sertifikat və müxtəlif nominasiyalar üzrə hədiyyələrlə təltif olunacaqlar.

Siz də Gənc Müəllim olaraq özünüzü inkişaf etdirmək istəyirsinizsə, qeydiyyatdan keçib Boot Campa qoşula bilərsiniz.

Link: https://forms.gle/DP4Uev19i1WSLVEZ7

AGMA yeniliklərlə qarşınızda
 

"Sevgi ilə öyrədənlər" rubrikası hər həftənin 3-cü günü saat 21:00-da baş tutacaqdır.

https://www.instagram.com/agma.edu.az/ rəsmi instagram səhifəsində yayımlanacaq rubrikanın ilk mövzusu "İnnovativ xarici dil tədris metodları" dır.

AGMA-nın "Sevgi ilə öyrədənlər" layihəsi 2 fevral tarixində saat 21:00-da canlı yayımda başlayacaqdır.

Canlı yayımın qonağı Xarici dillər üzrə mütəxəssis, 9 dil bilən poliqlot Aslan Məmmədzadə və Azərbaycan Britaniya Kollecinin kimya və biologiya müəllimi Mələk Əzizovanın moderatorluğu ilə baş tutacaq.

Canlı yayım zamanı mövzu ilə bağlı sizi maraqlandıran sualları da ünvanlaya bilərsiniz!

AGMA silsilə Forumlara start verir

Forumların hansı regionlarda keçirilməsi ilə bağlı fikirlərinizi (şərh hissədə müvafiq region qeyd edilən həştəqlə) bildirə bilərsiniz.

Nümunə: #Bakı