Dəyərli müəllimlər, aşağıdakı linklərdən yeni vakansiyalarla tanış ola bilərsiniz: 

Azərbaycan Gənc Müəllimlər Asssosiasiyası gənc müəllimlər arasında “I HƏMRƏYLİK KUBOKU” XƏMSƏ Milli İntellektual oyunu keçirəcək.

25 dekabr 2021-ci il tarixində Azərbaycan Gənc Müəllimlər Assosiasiyası gənc müəllimlərin stress vəziyyətindən uzaq olaraq birlikdə sosiallaşması üçün “Xəmsə” Milli İntellektual və əyləncəli oyununu təşkil edəcək. Yarışda müxtəlif bölgələrdən yaşı 35-ə qədər olan və hazırda müəllim olaraq fəaliyyət göstərən müəllimlər komanda şəklində iştirak edəcəklər. 15 dekabradək yarışa ilk qeydiyyatdan keçmiş və sənədləri tam qaydasında olan 16 komanda buraxılacaqdır.

Oyunda iştirak etmək üçün  16 dekabr 2021 -ci il tarixindən etibarən aşağıda qeyd edilən qaydalara uyğun komandalardan sifarişlərin qəbuluna başlanır.

Yarışda ölkə üzrə gənc müəllimlərdən (yaş: 35-ə qədər – 25.12.1986-ci ildən sonra anadan olanlar) ibarət 16 komanda iştirak edəcəkdir.

Qeydiyyat üçün şərtlər

1. Hər komandada 5 əsas (2 ehtiyat) oyunçu qeydiyyatdan keçirilir... (Qeyd: 2 oyunçunun qeydiyyat edilmə səbəbi yarış keçiriləcəyi müddətdə əsas oyunçulardan yarışda iştirak edə bilməyəcək oyunçunun zamanında əvəzlənə bilməsi üçündür. Oyun zamanı 5 əsas oyunçu iştirak edəcək.)

2.Komanda üzvləri yalnız hazırda ümumtəhsil məktəblərində fəaliyyət göstərən, yaşı 35-ə qədər olan müəllimlərdən ibarət olmalıdır.

3.Təqdim edilən excel formatda sifariş forması doldurulmalı (Reqlamentə Əlavə 2)

4.Komandanın adı və kapitanı qeyd edilməlidir.

5.Bütün iştirakçıların şəxsiyyət vəsiqəsinin skanı və UTİS kodları qeyd olunmalıdır.

Qeydiyyat üçün aşağıda qeyd olunan sənədləri qeyd olunmuş vaxt çərçivəsində info@agma.az elektron ünvanına göndərmək lazımdır:

Təqdim edilən excel formatda sifariş forması;
Sifariş formasının skan versiyası;
Bütün oyunçuların şəxsiyyət vəsiqəsinin skanı.

Qeyd: Bakı məktəbləri oyunda iştirak üçün müraciət edən zaman eyni rayonda fəaliyyət göstərən məktəblər üzrə qeydiyyat aparmalıdır, bütün rayonları əhatə edən yığma komanda şəklində qeydiyyat qəbul edilməyəcək.

Yarışda iştirak üçün sifariş forması:
https://ref.az/356aqh3

Yarışın əsasnaməsi (qaydalar və şərtlər): https://ref.az/4BjnAi

Seçilmiş 16 komanda sifariş üçün bütün sənədlərin qeyd olunan zamandan gec olmadan qeydiyyatdan keçirməlidir.

Komandaların adı Azərbaycan dilində olmalı və Azərbaycan əlifbası ilə yazılmalıdır.

Oyun zamanı 16 komanda püşk vasitəsilə 4 qrupa bölünür. Hər qrupda 4 komanda mübarizə aparır.

Qruplar arasında ilk 2 yeri tutmuş komandalar növbəti mərhələyə - yarımfinala vəsiqə qazanır.

Yarımfinala vəsiqə qazanmış 8 komanda 2 qrupa bölünür və 2 yarımfinal oyunu təşkil edilir. Oyunlar zamanı ilk 2 yeri tutmuş 4 komanda Finala vəsiqə qazanır.

Finala keçmiş 4 komanda arasında çempionluq uğrunda mübarizə gedir.

Mükafatlandırma:
1-ci yeri tutmuş komandaya kubok,
2-ci yeri tutmuş komandaya isə medal və diplomlar veriləcəkdir.

Bütün komandalara uğur diləyirik!

Media tərəfdaşımız Edumap.az təhsil portalıdır.

Təhsil Nazirliyi və Azərbaycan Gənc Müəllimlər Assosiasiyasının birgə təşkilatçılığı ilə keçirilən Gənc müəllimlərlə adaptasiya proqramının ikinci mərhələsinə start verilir.

Cari tədris ilinin əvvəlindən etibarən həvəsləndirmə tədbirləri tətbiq olunan ümumi təhsil müəssisələrinə yeni işə qəbul olan, pedaqoji stajı olmayan müəllimlərlə adaptasiya proqramı keçirilib. Proqramda 200-dən çox müəllim iştirak edib, “Yaxşı müəllim necə olmalıdır”, “Sinif komplektləşdirilməsi, əməkhaqqı və ona əlavələr, əmək məzuniyyəti”, “İlk dərs gününə hazırlıq”, "Valideynlərlə əməkdaşlıq üsulları",  “Uğurlu şagird-valideyn-məktəb tandeminin qurulması” mövzularında təlimlər keçirilib.

Dekabr ayının 6-dan etibarən həvəsləndirmə tədbirləri tətbiq olunmayan ümumi təhsil müəssisələrində çalışan gənc müəllimlərlə adaptasiya proqramına start verilir.

Proqram çərçivəsində “Öyrədici mühitin yaradılması”, “Sinfin idarə olunması”, “Metodiki xidmətin təşkili”,  “Məktəbdaxili qiymətləndirmənin aparılması”, “Şagirdlərin motivasiyasının artırılması”, “Lider müəllim necə olmalıdır?”,  “Məktəb fəaliyyətinin təbliği”, “Təqdimat bacarığı və natiqlik”, “Müəllimin innovativ bacarıqları”, “Şagirdlərin inkişafı üçün əlverişli mühitin yaradılması” və s. mövzularda təlimlərin keçirilməsi nəzərdə tutulub.

Adaptasiya proqramında iştirak etmək istəyən müəllimlər, aşağıdakı linkə daxil olaraq qeydiyyatdan keçə bilərsiniz:  

Media tərəfdaşımız Edumap.az təhsil portalıdır.

AGMA regionun gənc müəllimləri arasında davamlı əməkdaşlıq və şəbəkələşmənin təmin edilməsi üçün “Region gənc müəllimlərinin 1-ci şəbəkələşmə forumu” nu təşkil edir. 

Forum 11 dekabr 2021 –ci ildə Şəmkir rayon Kimya - biologiya təmayüllü liseyində keçiriləcək. Forumda Şəmkir, Gəncə, Tovuz, Qazax, Ağstafa, Gədəbəy və Daşkəsən rayonlarında fəaliyyət göstərən gənc müəllimlər iştirak edəcəklər. Gənc müəllimlər təqdim olunacaq 5 təlimdən istəklərinə uyğun 2 təlimdən yararlana bilərlər.

Təklif olunan təlim istiqamətləri aşağıdakılardır:

- Netvörkinq bacarığı;

- Təqdimat bacarığı və natiqlik;

- Müəllimin innovativ bacarıqları;

- Sinfin idarə olunması;

- Çətin tərbiyə olunan şagirdlərlə iş.

Foruma qoşulmaq istəyən gənc müəllimlər Rayon Təhsil Şöbələrinə müraciət etsinlər!

Gənc müəllimlərin maariflənməsinə, özlərini inkişaf etdirməsinə, işlərini sevgi ilə görməsinə yardımçı olmaq bizim məqsədimizdir!

Media tərəfdaşımız Edumap.az təhsil portalıdır.

"Məktəb mentorları" layihəsi Bakı müəllimləri ilə ilk təlimlərə başladı.

Layihəyə həm Bakıdan, həm də regionlardan müraciət edən müəllimlərin say çoxluğu nəzərə alınaraq təlimlərin 2 mərhələdə keçirilməsinə qərar verilmişdir. 

Bakı müəllimləri ilə təlimlərə 27 noyabrdan start verilmişdir.

Xatırladaq ki, layihənin məqsədi məktəb mentorları vasitəsilə gənc müəllimlərin ehtiyaclarının düzgün müəyyənləşdirilməsi və onlara davamlı onlayn akademik dəstəyin göstərilməsi xidmətini formalaşdırmaqdan ibarətdir.

Qeyd edək ki, seçim əvvəlcədən müəyyən olunan meyarlara - 25 - 33 yaşında hazırda ümumtəhsil müəssisələrində və universitetlərdə müəllim kimi 3 il pedaqoji təcrübəsi olan, mentorluq fəaliyyətini aparmaq üçün həftə ərzində, onlayn formatda 4-5 saat vaxt ayıra bilən, WEB 2 alətlərindən istifadə bacarığı olan, onlayn platformalardan effektiv istifadə etməyi bacaran (MS Teams, G-suite, Zoom, Skype) müəllimlər arasından edildi.

Region müəllimlərinin müraciətinə baxılaraq 2 həftə ərzində müsahibə keçiriləcək.

Təlimdə iştirak edəcək bütün müəllimlərə uğur diləyirik! 

Media Tərəfdaşımız Edumap.az təhsil portalıdır.

 Layihənin məqsədi: Məktəb mentorları vasitəsilə gənc müəllimlərin ehtiyaclarının düzgün müəyyənləşdirilməsi və onlara davamlı onlayn akademik dəstəyin göstərilməsi xidmətini formalaşdırmaqdan ibarətdir. 

KİMLƏR İŞTİRAK EDƏ BİLƏR

ƏSAS MƏRHƏLƏLƏR 

(17.11.2021)

(17-23.11.2021)

(26-28.11.2021)

(01.12.2021-01.02.2022)

(1-15.02.2022)

(15-25.02.2022) 

İŞTİRAKÇILAR NƏ ƏLDƏ EDƏCƏKLƏR:

MENTORUN ÖHDƏLİYİ:

SON MÜRACİƏT 17 noyabr 2021-ci il.

Təlimlər canlı formada Bakı şəhərində keçiriləcəkdir.

Qeydiyyat linki:

AGMA öz sıralarına yeni üzvləri 15 noyabrdan qəbul edəcək.

Yaşı 35-dən aşağı olan gənc müəllimlər AGMA-ya üzv ola bilərlər.

2018-ci ildə yaradılan Azərbaycan Gənc Müəllimlər Assosiasiyası (AGMA) 2020-ci ildən etibarən dövlət qeydiyyatına alınmışdır. 

Assosiasiyamıza respublikamızın müxtəlif bölgələrindən olan gənc müəllimlər üzvdür. 

Bizə üzv olmaqla AGMA-nın fəaliyyətində, təşkil etdiyi tədbir və təlimlərində iştirak edə, təlimlərdən sertifikatlar qazana, əlavə resurslar əldə etməklə öyrənmə imkanlarınızı artıra, yerli və Beynəlxalq səviyyədə qurulan əməkdaşlıq imkanlarından faydalana bilərsiniz.

Üzv olmaq üçün 15 noyabr 2021-ci il tarixində Facebook səhifəmizdə yerləşdiriləcək ərizə formasının doldurulması kifayətdir. Müraciət edən müəllimin məlumatları UTİS kodu ilə təsdiqləndikdən sonra üzvlük aktivləşdiriləcəkdir.

"Gənc müəllim - Birincidir" layihəsində Pedaqoji ixtisasda təhsil alan tələbələr iştirak edə bilər.

Azərbaycan Gənc Müəllimlər Assosiasiyası və "Bir Könüllü" nün birgə təşkilatçılığı ilə yeni layihəyə start verilir.

Pedaqoji ixtisasda təhsil alan tələbələrin peşə qabiliyyətinin artırılmasına xidmət edən layihə ərzində gələcəyin müəllimləri üçün sinfin idarə olunması, dərsə hazırlıq, İT inteqrasiya kimi müxtəlif mövzularda təlimlər keçiriləcək.

Əgər sən də müasir biliklərə yiyələnmiş, pedaqoji-psixoloji hazırlıqlı və kreativ düşüncəli müəllim kimi savadlı nəsillər yetişdirməyə hazırsansa, layihənin iştirakçısı olmağa tələsin:

https://ref.az/2QAwv3S

Unutma hər gənc müəllim Birincidir !