Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və Azərbaycan Gənc Müəllimlər Assosiasiyasının təşkilatçılığı ilə həyata keçiriləcək layihənin məqsədi xaricdə yaşayan soydaşlarımıza ana dilini, milli kimliyi öyrətmək, milli şüurlu insan kapitalı formalaşdırmasını və qorunmasını təmin etməkdən ibarətdir.

Yaş qrupları:
- Kiçik yaş qrupu: 6–10 yaş
- Orta yaş qrupu: 11–13 yaş
- Yuxarı yaş qrupu: 14–18 yaş

Tədris prosesi:
- Onlayn dərslər 15 sentyabr 2025-ci ildən etibarən başlayacaq.
- Dərslər həftədə 2–3 dəfə olmaqla onlayn şəkildə keçiriləcək.
- Təcrübəli müəllimlər tərəfindən tədris edilən dərslər interaktiv və maraqlı formada aparılacaq.
- Proqram 3 səviyyədə – başlanğıc, orta, yüksək – olmaqla hazırlanıb.

Müraciət və seçim:
Layihədə iştirak etmək istəyən şəxslər yaş qruplarına, dil bilik səviyyələrinə və vaxt zonalarına uyğun olaraq qruplara bölünəcəklər və dərslərə qoşulacaqlar. Bunun üçün əvvəlcədən təşkil ediləcək qısa dil yoxlamasından keçmək tələb olunur.

Qeyd edək ki, proqramı uğurla başa vuran iştirakçılara Azərbaycan dilini bilmə səviyyəsinə uyğun sertifikat təqdim olunacaq.

🔗 Qeydiyyat üçün link: https://forms.gle/VNgBnBysP4Mzb9rHA

"Yaşıl məktəblər üçün gənc müəllimlərin beynəlxalq təcrübə mübadiləsi" proqramı ilə qarşınızdayıq.

Layihə çərçivəsində beynəlxalq və yerli olmaqla ümumilikdə 20 iştirakçının 4 günlük təcrübə mübadiləsində, daha sonra isə “Naturethon” tədbirində iştirakı nəzərdə tutulub.

Nəzərinizə çatdırırıq ki, qalib komanda üzvləri “Təhsil müəssisələrində yaşıl dünya konsepsiyasının tətbiqi mexanizmləri” ilə bağlı “Təkliflər toplusu” hazırlayacaq və sənəd müvafiq qurumlara təqdim ediləcək.

Layihədə iştirak üçün tələblər:

- Yaş həddi 18-35;

- Minimum B2 səviyyəsində ingilis dili;

- Layihənin bütün mərhələlərində tam iştirak.

Layihə Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Azərbaycan Gənc Müəllimlər Assosiasiyasının təşkilatçılığı və Çin Biomüxtəlifliyin Qorunması və Yaşıl İnkişaf Fondunun tərəfdaşlığı ilə keçirilir.

Qeydiyyat linki: https://forms.gle/hXfR4AEUdE7D1tpD8

Azərbaycan Gənc Müəllimlər Assosiasiyası (AGMA) sədr üçün müraciətləri açıq elan edir!
 
Sədrlik üçün müraciət edən namizədlərə dair xüsusi tələblər:
 
●Ali təhsil (pedaqoji ixtisaslar üzrə);
● Magistr dərəcəsi;
● Strategiyaların hazırlanması və təhlil edilməsi üzrə təcrübə;
● Pedaqoji təcrübə və ya təhsil idarəetməsi sahəsində ən azı 2 il iş təcrübəsi (özəl və ya dövlət ümumi təhsil müəssisəsində);
● Layihələrin idarə edilməsi, kommunikasiya və ya digər əlaqəli sahələr üzrə təcrübə;
● Gənclərlə iş sahəsində minimum 2 illik təcrübə;
● Komanda quruculuğu, təşkilatçılıq sahələri üzrə təcrübə;
● Azərbaycan və ingilis dillərində sərbəst danışıq və yazı qabiliyyəti (rus dili arzuolunandır);
● “MS Office” proqramlarında sərbəst işləmək bacarığı, müxtəlif proqramlar vasitəsilə təqdimatların hazırlanması;
● Təşkilatçılıq və liderlik keyfiyyətləri;
● Analitik düşünmə və problem həlletmə;
● Ünsiyyət və komanda da işləmək bacarıqları.
 
Vəzifə öhdəlikləri: 
 
● Regionlarda fəaliyyət göstərən gənc müəllimlərlə şəbəkələşmənin inkişaf etdirilməsi məqsədilə görüş, dəyirmi masa və tədbirlər keçirmək;
● Gənc müəllimlər arasında mütəmadi olaraq təhsilin aktual məsələləri ilə bağlı sorğular keçirmək və təhlillər aparmaq;
● Aidiyyəti üzrə layihələr hazırlamaq və təkliflər vermək;
● Aidiyyəti dövlət, özəl və beynəlxalq strukturlarla əməkdaşlıq etmək;
● Gənc müəllimlərin təlim ehtiyaclarını müəyyənləşdirərək uyğun olaraq təlim proqramları və kurslar təşkil etmək;
● Assosiasiyanın üzv bankını genişləndirmək və fənn birliklərinin fəaliyyətinə nəzarət etmək;
● Rüblük, yarımillik və illik hesabatlar hazırlamaq, aidiyyəti üzrə təqdim etmək;
● "Azərbaycan Respublikasının 2022-2026-cı illərdə sosial-iqtisadi inkişaf Strategiyası" da nəzərdə tutulmuş fəaliyyətlərin həyata keçirilməsi istiqamətində tədbirlər görmək;
● Ölçülə bilən indikatorlar göstərilməklə illik fəaliyyət planı hazırlamaq və icrasını həyata keçirmək;
● Yeniliklər və tədbirlərlə bağlı mütəmadi olaraq yazılı və onlayn mediada təbliğat işləri aparmaq və çıxışlar etmək.

Müraciət edəcək müəllimlərin Bakı şəhərindən olmaları mütləqdir.

Yalnız seçilmiş namizədlərlə əlaqə saxlanılacaq.

AGMA sədrliyinə müraciət üçün qeydiyyat linki: https://ref.az/3oFCg1G 

Sədr müavinliyi, İdarə Heyəti və Mərkəzi Nəzarət-Təftiş Komissiyasının (MNTK) üzvlüyünə müraciət üçün isə CV, tərcümeyi-hal və tövsiyə məktubunu [email protected] elektron poçt ünvanına müvafiq başlığı yazmaqla göndərmək mümkündür.

Müraciət üçün son tarix: 10.09.2024-cü il.
 
Siz də AGMA komandasına qoşulmaq istəyirsinizsə, qeydiyyatdan keçə bilərsiniz.

“Ana dili – Azərbaycan məktəbi” layihəsi üzrə növbəti qeydiyyat prosesinə başlanılır

Avqustun 20-dən Azərbaycan Gənc Müəllimlər Assosiasiyası tərəfindən həyata keçirilən “Ana dili – Azərbaycan məktəbi” layihəsinə növbəti tədris ili üzrə qeydiyyat prosesi elan edilir.

“Ana dili – Azərbaycan məktəbi” ölkəmizdən kənarda yaşayan müxtəlif yaş qruplarından olan soydaşlarımız üçün Azərbaycan dilində məsafədən öyrənmə imkanı təmin edən layihədir.

Layihədə iştirak etmək istəyən şəxslər öz yaş və dilbilmə səviyyələrinə, həmçinin vaxt zonasına uyğun yaradılan qruplarda ana dili dərslərinə cəlb olunurlar. Dərslər həftədə 2 dəfə olmaqla “Microsoft Teams” platforması üzərindən peşəkar müəllimlər tərəfindən ödənişsiz əsaslarla keçirilir. Tədris proqramının məzmununa ölkəmizin tarixi, ədəbiyyatı, coğrafiyası və mədəniyyəti haqqında məlumatlar daxildir.

Linkə keçid etməklə “Ana dili – Azərbaycan məktəbi”nə qeydiyyatdan keçmək mümkündür: https://forms.gle/VqpmebKNWaF94on29

Qeyd edək ki, ötən ildən start verilən layihəyə Rusiya, İran, Almaniya, ABŞ, Avstraliya, Böyük Britaniya, BƏƏ, Türkiyə, İsveç, Fransa və digər ölkələrdə yaşayan həmvətənlərimizdən ibarət 30 qrup üzrə 500-dən çox şəxs qoşulub. İki yarımil davam edən layihə 6-18 yaşlı şəxslər üçün nəzərdə tutulsa da, çoxsaylı istəklərə görə 18 yaşdan yuxarılar üçün əlavə 2 qrup təşkil olunub. Layihənin sonunda isə imtahandan uğurla keçən iştirakçılara sertifikatlar verilib.

Daha ətraflı: https://anadili.agma.az/

Whatsapp: + 994 51 226 71 21

"Gənclərin Karyera İnkişaf Platforması 2'' başlayır!
 

Platformanın budəfəki təlimi "Emosional zəka və peşəkar inkişaf" mövzusu üzrə olacaq. Təlim Gənc İbtidai sinif Müəllimləri Birliyinin sədri Ülviyyə Ələkbərova tərəfindən keçiriləcək.

 
Tarix və saat: 10 iyul, saat 15:00 

 
Məkan: Gənclər Təşkilatlarının Resurs Mərkəzi ("Globus center", 13-cü mərtəbə)

 
Qeydiyyat linki: https://forms.gle/AX98Zv93z755S52h8

Qeyd edək ki, layihə Gənclərin İnkişaf və Karyera Mərkəzi və Azərbaycan Gənc Müəllimlər Assosiasiyasının birgə təşkilatçılığı ilə həyata keçirilir.

Əziz müəllimlər, Azərbaycan Gənc Müəllimlər Assosiasiyası Lənkərana gəlir.
 

20 iyun 2024-cü il, saat 10:00-da Lənkəran şəhəri Heydər Əliyəv mərkəzində Yaşıl Dünya naminə həmrəylik ili çərçivəsində "Gənc müəllimlərin yaşıl dünya konfransı: ətraf mühit naminə dayanıqlı inkişaf” tədbiri keçiriləcək.

Konfransda ekoloji maarifləndirmə, ekoloji proseslərdə iştirakın təşviqi, təhsilin əhəmiyyəti və ictimaiyyətin iştirakı kimi mövzular müzakirə ediləcək. Gənc müəllimlər, həmkarları ilə fikir mübadiləsi aparmaq və ekoloji layihələr üçün yeni perspektivlər qazanmaq şansı əldə edəcəklər.

Konfrans Azərbaycan Gənc Müəllimlər Assosiasiyasının, Lənkəran Şəhəri Heydər Əliyev Mərkəzinin, Gənclərin İnkişaf və Karyera Mərkəzinin Lənkəran-Astara Regional nümayəndəliyinin birgə təşkilatçılığı, Azərbaycan Respublikasının Elm və Təhsil Nazirliyi, Lənkəran-Astara Regional Təhsil İdarəsi və Lənkəran-Astara Gənclər və İdman İdarəsinin və Secret Karyera və İnkişaf mərkəzinin tərəfdaşlığı ilə keçiriləcək.

Tarix: 20 iyun 2024-cü il

Saat:10:00

Məkan: Lənkəran şəhəri Heydər Əliyev mərkəzi

Qeydiyyat üçün son tarix: 18 iyun 2024-cü il.

Qeydiyyat linki: https://forms.gle/4LxaasEwSgFVH8DA6

Gəncə - Daşkəsən Regional Təhsil İdarəsinin təşkilatçılığı, "Bank Respublika"nın dəstəyi ilə Gəncə şəhərində "Yaşıl dünya naminə həmrəylik ili" çərçivəsində "ECOVELOFEST" təşkil ediləcəkdir.

"ECOVELOFEST"in təşkilində məqsəd yaşıl dünya naminə ölkəmizin bütün regionlarının qadın təhsil işçiləri arasında həmrəyliyi təmin etmək, sağlam həyat tərzinin təbliği, regionlarda velosiped idmanının təşviqidir.

Yarışın bütün iştirakçılarına qiymətli hədiyyələr, ilk 3 yeri tutan iştirakçılara isə pul mükafatı təqdim ediləcək.

Velofestivalda iştirak etmək istəyən qadın təhsil işçiləri aşağıdakı link vasitəsilə qeydiyyatdan keçə bilərlər.

Qeydiyyat linki: https://forms.office.com/r/AcM0ePAnH2

Bu gün saat 15:00-da ''Təhsil masası''nda müəllimlərin sertifikatlaşdırılması barədə danışılacaq.

Mövzu ilə bağlı sualınızı bu postun rəy bölməsində, eləcə də canlı yayım zamanı qeyd edə bilərsiniz.