Adaptasiya proqramının məqsədi yeni işə qəbul olmuş müəllimlərin iş mühitinə və tədris prosesinə rahat uyğunlaşmasına nail olmaqdan ibarətdir.

Adaptasiya proqramı çərçivəsində Təhsil Nazirliyinin struktur bölmə rəhbərləri, yerli təhsil idarəetmə orqanlarının rəhbərləri, ümumi təhsil müəssisələrinin direktorları, psixoloqların iştirakı ilə görüşlər keçirildi, yeni işə qəbul olunan gənc müəllimlərə tövsiyə və məsləhətlər verildi.

Proqram çərçivəsində yerli təhsil idarəetmə orqanının rəhbərinin təqdimatında “Tədris-pedaqoji sənədlərlə işin təşkili”, “Şagirdlərlə işin təşkili”,  Azərbaycan Gənc Müəllimlər Assosiasiyasının koordinatorları ilə müəllimlərin görüşü, Nazirliyin struktur bölmə rəhbərlərinin təqdimatında “Öyrədici mühitin yaradılması”, “Qrant müsabiqədə iştirak, layihə sənədlərinin hazırlanması” “Uğurlu şagird-valideyn-məktəb tandeminin qurulması” mövzusunda təlimlər keçirildi, dərslik müəllifləri, qabaqcıl müəllimlərlə müzakirələr təşkil olundu.

Adaptasiya proqramı mərhələli şəkildə davam edəcək. Proqramda iştirak edən bütün müəllimlərə fəaliyyətlərində uğurlar diləyirik. 

Azərbaycan Gənc Müəllimlər Assosiasiyasının (AGMA) illik fəaliyyətləri çərçivəsində regionlarda gənc müəllimlərin əlaqələndirilməsi, təşkilatın tədbirlərinin əlçatanlığının təmin edilməsi, üzvlərin ilkin təlimatlandırılması və onların vahid sistem üzrə idarəetməsinin təşkili məqsədilə regional koordinatorların seçiminə start verilir.

Tələblər və meyarlar:

Vəzifə funksiyaları və öhdəlikləri:

• AGMA şəbəkəsinə daxil olan təmsil etdiyi region üzrə müəllimlərlə işi təşkil etmək;
• AGMA-nın fəaliyyət istiqamətləri üzrə üzv müəllimlərlə iş mexanizmi və strategiya ilə tanış etmək;
• Təmsil etdiyi region üzrə whatsapp və ya digər kommunikasiya imkanları yaratmalı. Bu platformanın daimi və işlək olmasını təmin etmək;
• Üzvlərlə birbaşa kommunikasiya aparmaq və onları müvafiq məlumatlarla təmin etmək;
• Göndərilən məlumatları üzvlər arasında zamanında və düzgün paylaşmaq, sorğular keçirmək və ehtiyacları müəyyənləşdirmək;

Seçimlər 3 mərhələdə aparılacaqdır.

Mərhələ 1: Qeydiyyat anketinin qiymətləndirilməsi

Qeydiyyat anketini doldurmaq üçün linkə daxil olaraq məlumatları yazmaq lazımdır.
Qeydiyyat keçidi: https://ref.az/8GNVnS
Qeydiyyatın bitmə tarixi: 12 oktyabr 2021-ci il saat 23:59

Mərhələ 2: Müsabiqənin təşkili

Müsabiqə mərhələsində namizədlər məntiqi təfəkkürü, idarəetmə və ünsiyyət bacarıqlarını ölçən testlərdən keçəcəklər. Test onlayn şəkildə aparılacaq. Testin linki 1-ci mərhələni uğurla adlamış namizədlərin elektron poçtuna göndəriləcəkdir. Test verilmiş zaman çərçivəsində aktiv olacaqdır.Xahiş olunur, elektron poçtunuzu düzgün qeyd edəsiniz.
Müsabiqənin keçirilmə tarixi: 17 oktyabr 2021-ci il saat 19:00 - 20:00

Mərhələ 3: Müsahibənin təşkili

İkinci mərhələni uğurla başa vuran namizədlər müsahibəyə dəvət olunacaqlar. Müsahibə mərhələsiylə bağlı məlumatlar da namizədlərin elektron ünvana göndəriləcəkdir.Bu mərhələdə əlavə ölçü meyarı kimi namizədlər barədə RTŞ-lərdən tövsiyələr də alınacaqdır.
Müsahibənin keçirilmə tarixi: 18-31 oktyabr 2021-ci il

Mərhələləri uğurla başa vurmuş namizədlərlə Azərbaycan Gənc Müəllimlər Assosiasiyası arasında 1 illik könüllülük müqaviləsi bağlanılacaqdır. Bu müqaviləyə əsasən regional koordinatorlar vəzifə öhdəliklərini həyata keçirəcəklər. Bununla yanaşı, il ərzində regional koordinatorlar müxtəlif təlimlərə və master klasslara cəlb olunacaq, onların peşəkar bilik və bacarıqlarının artırılmasına dəstək olunacaqdır.

Azərbaycan Gənc Müəllimlər Assosiasiyası tərəfindən gənc müəllimlər üçün “Layihə komandasında KÖNÜLLÜ OL!” devizi ilə yeni layihəyə start verilir.

Layihənin əsas məqsədi gənc müəllimlərdə layihə yazılışı, idarəetmə və maliyyə axtarışı mövzusunda virtual təlimlərə qatılaraq yeni bilik və bacarıqlar formalaşdırmaqdan ibarətdir.

Layihə çərçivəsində gənc müəllimlər (18-35 yaş) və pedaqoji ixtisas üzrə təhsil alan tələbələr (16-25 yaş) iştirak edə bilər. İştirak etmək istəyənlər 10 oktyabr tarixinədək müvafiq linkə (https://ref.az/78xm2D)  daxil olaraq qeydiyyatdan keçməlidirlər.

Üç mərhələdən ibarət layihədə öyrənməyə həvəsli, komandada işləmək bacarıqlarına malik, layihə yazılışı və idarəetmə təcrübəsi, eyni zamanda, ingilis və rus dili bilikləri olan şəxslərə üstünlük veriləcək. 

Sizi 1 oktyabrda keçiriləcək dünya səviyyəli spikerlərin qatılacağı Təhsildə Yeni Çağırışlar II Beynəlxalq Forumda iştirak etməyə dəvət edirik.

Forumda iştirak ödənişsizdir. Arzu edən iştirakçılara beynəlxalq sertifikat veriləcək.

Qeydiyyatdan keçmək üçün müvafiq linkə keçid edə bilərsiniz: https://bit.ly/3gBGZ55

Gənclər Təşkilatları Milli Şurasının (National Assembly of Youth Organizations of the Republic of Azerbaijan) hibrid formatda 24 sentyabr 2021-ci il tarixində Məclisi baş tutmuşdur.
Üzvlük üçün müraciət edən təşkilatlardan biri də, Azərbaycan Gənc Müəllimlər Assosiasiyası olmuşdur.
Təşkilatın çıxışı dinlənilmiş, daha sonra onlayn və oflayn formada səsvermə keçirilmişdir.
Məclisin sonunda səsvermə nəticəsində uğur qazanmış Azərbaycan Gənc Müəllimlər Assosiasiyası Gənclər Təşkilatları Milli Şurasında müşahidəçi statusunda üzvlüyə qəbul olunmuşdur.

Azərbaycan Gənc Müəllimlər Assosiasiyası və T-Network təhsil işçilərinin təcrübə və kommunikasiya platforması tərəfindən müəllimlər üçün “Fərq yaradan gənc müəllim” müsabiqəsinin 1-ci turu yekunlaşıb.
Qeyd edək ki, 1-ci turda ümumtəhsil məktəblərində işləyən, yaşı 35-ə çatmış müəllimlər üçün təşkil olunmuş müsabiqədə 300-ə yaxın müəllim iştirak etmişdir.

Məlumat üçün bildirək ki, müsabiqə 3 mərhələdən ibarətdir. Birinci mərhələdə müəllimlər "Mən fərq yaradan müəlliməm, çünki..." mövzusuna aid esse yazmalı idi və bu mərhələ artıq bitib, ikinci mərhələdə 45 dəqiqəlik dərs planı hazırlamalı, üçüncü mərhələdə isə açıq dərs təşkil etməlidirlər.

Hal-hazırda müsabiqənin 1-ci turu münsiflər tərəfindən yoxlanılır və 4 oktyabr tarixində cavablar açıqlanacaqdır.
Qaliblər münsiflər heyəti tərəfindən 27 oktyabr 2021-ci il tarixində elan ediləcək və onlara Fəxri Fərman və hədiyyələr təqdim olunacaq.

Hər kəsə uğurlar diləyirik!

Azərbaycan Gənc Müəllimlər Assosiasiyası (AGMA) tərəfindən "Fərq yaradan gənc müəllim"adlı müsabiqənin İnfo sessiyası 23 sentyabr saat 20:00 keçiriləcəkdir.
İnfo sessiya AGMA-nın Facebook səhifəsində canlı yayımlanacaq.

Görüşə qoşularaq sizə maraqlı olan suallarınıza Rüfət Əsədzadə tərəfindən cavab tapa bilərsiniz.

GƏNC MÜƏLLİMLƏRİN NƏZƏRİNƏ!

Azərbaycan Gənc Müəllimlər Assosiasiyası və T-Network təhsil işçilərinin təcrübə və kommunikasiya platforması tərəfindən Kapital Bankın sponsorluğu ilə müəllimlər üçün “Fərq yaradan gənc müəllim” müsabiqəsi elan edir.

Ümumtəhsil məktəblərində işləyən, yaşı 35-ə qədər olan müəllimlər üçün təşkil olunmuş müsabiqənin əsas məqsədi kreativ düşüncəli, müasir və pedaqoji-psixoloji hazırlıqlı gənc müəllimlərin aşkara çıxarılmasından ibarətdir.

Müsabiqə üç mərhələdən ibarətdir.

1-ci mərhələ: (20-27 sentyabr)

Esse

- Müvafiq linkə keçid edərək qeydiyyatdan keçin:
https://forms.gle/6rPRbmFN6ecxbxPFA

“Mən fərq yaradan müəlliməm. Çünki...” - tamamlayın. (Mətn 150 sözdən çox olmamalıdır. Fikir və arqumentlər əsaslandırılmalıdır).

2-ci mərhələ: (05-12 oktyabr)

45 dəqiqəlik dərs planının hazırlanması

3-cü mərhələ (18-27 oktyabr)

Açıq dərs

-Münsiflər heyətinin seçdiyi namizədlərin əyani formatda nümunəvi dərs təqdimatı keçiriləcək.
-Bu mərhələdə fərdi görüşlər və dərs nümunələri xüsusi komissiya tərəfindən qiymətləndiriləcək.

Qaliblərin elan olunması və mükafatlandırma: (29 oktyabr)

Qaliblər Münsiflər heyəti tərəfindən 27 oktyabr 2021-ci il tarixində elan ediləcək. Qaliblərə Fəxri fərman və hədiyyələr təqdim ediləcək.

Müvafiq linkə keçid edərək qeydiyyatdan keçə bilərsiz : https://forms.gle/6rPRbmFN6ecxbxPFA