Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə 6-cı qrant müsabiqəsi çərçivəsində qalib olan “Qarabağın rəqəmsal müəllimləri: Google platformasının köməyilə kağızsız sinif otaqlarının təşkili” layihəsinin iştirkaçə seçim mərhələsinə start verilir.

Layihənin məqsədi “Google for education level 1” platforması üzrə yeni bilik və bacarıqlar öyrətməklə rəqəmsal müəllimlərin yeni tədris alətlərini tədris prosesində tətbiq etmələri ilə şagirdlər arasında rəqəmsal vətəndaşlığı inkişaf etdirmək və gələcəkdəki qayıdış zamanı həmin ərazilərdə inşa olunan ağıllı məktəblərə inteqrasiya prosesinin sürətləndirilməsinə yardımçı olmaqdır.

Layihə çərçivəsində hazırlıq işləri aparılıb və idarəetmə komandası formalaşdırılıb. Daha sonra layihənin icrası ilə bağlı müvafiq əməkdaşlıqlar qurulub.

Qarabağ Regional Təhsil İdarəsinə tabe olan 8 rayonlarda layihənin təqdimatı keçirilmiş və iştirakçı seçiminə başlanılmışdır. Müəyyən olunmuş kriteriyalara uyğun iştirakçılar müsahibəyə cəlb olunacaqlar. Müsahibədən uğurla keçmiş 80 məktəbdən 160 iştirakçı seçilərək təlimlərə dəvət olunacaqdır. Təlimlər dekabr ayında başlanacaq və həftəsonları Qarabağ Regional Təhsil İdarəsinə tabe olan 8 rayonlarda  keçiriləcəkdir.

Qarabağ Regional Təhsil İdarəsinin 8 rayonu üzrə 160 nəfər seçilmiş müəllim öz məktəblərində 15 müəllimə təlimlərdə öyrəndiklərini mentorluq edərək “Gənc müəllim” platforması vasitəsilə öyrədəcəklər. Həmçinin təlimlərin sonunda “Gənc müəllim” platforması üzərində qiymətləndirmə testini bitirərək sertifikat əldə edə biləcəklər. Bununla yanaşı beynəlxalq dərəcəli sertifikat əldə etmək üçün Google üzərindən imtahan verməklə əldə etmək imkanı olacaqdır. 

Layihə sentyabrın 15-dən fevralın 15-dək davam edəcək. 

Onu da qeyd edək ki, layihə çərçivəsində gənc müəllimlərin cəlb olunması, təlim məzmununun hazırlanması və ekspertlərin təminində Azərbaycan Gənc Müəllimlər Assosiasiyası ilə tərəfdaşlıq edəcək. 

Qeydiyyat 26 noyabra qədər davam edəcəkdir. 

Aşağıdakı linkə daxil olaraq qeydiyyatdan keçə bilərsiniz:

https://forms.gle/Cabm9C7aQszLBpUX6

İştirak edən hər kəsə uğur diləyirik!

"Tarix yazan müəllimlər" 1-ci hissə layihəsinə start verilib

Azərbaycan Respublikasının Gənclər və İdman Nazirliyi, Bakı Şəhəri üzrə Təhsil İdarəsi və Azərbaycan Gənc Müəllimlər Assosiasiyasının (AGMA) birgə təşkilatçılığı ilə "Tarix yazan müəllimlər" layihəsinə start verilib.

Layihənin keçirilməsinin əsas məqsədi Vətən Müharibəsində şanlı zəfərimizin qazanılmasında iştirak edən gənc qazi müəllimləri sosial çarxlar vasitəsilə geniş ictimaiyyətə daha yaxından tanıtmaqdan ibarətdir.

Layihə çərçivəsində Vətən Müharibəsində iştirak edən gənc müəllimlərin pedaqoji fəaliyyətləri və onların keçdikləri döyüş yolu videoçarxlar vasitəsilə təqdim olunacaq.

Qeyd edək ki, Azərbaycan Gənc Müəllimlər Assosiasiyası "Tarix yazan müəllimlər" layihəsi ilə Gənclər və İdman Nazirliyi tərəfindən Azərbaycan Respublikası Qeyri-Hökumət Təşkilatlarının qismən maliyyələşdirilməsi ilə bağlı elan etdiyi müsabiqədə qalib gəlib.

Çəkilişlər ilkin olaraq Bakı şəhərində fəaliyyət göstərən gənc müəllimlərlə olacaq.

5 oktyabr Müəllimlər günü münasibətilə İntellekt Kuboku 

Azərbaycan Gənc Müəllimlər Assosiasiyası (AGMA) və "3sual.az" platformasının birgə təşkilatçılığı ilə “Müəllimlərin İntellekt Kuboku” keçiriləcəkdir.

“Nə? Harada? Nə zaman?” formatında keçiriləcək turnirdə müəllimlər 4-6 nəfərlik komandalar halında birincilik uğrunda mübarizə aparacaqlar. Turnirin nəticələrinə, əsasən, sonda ən güclü komandalar bizdən hədiyyələr qazanacaqlar!

Oyunda iştirak etmək üçün 21 sentyabr 2022-ci il tarixindən etibarən aşağıda qeyd edilən qaydalara uyğun komandalardan sifarişlərin qəbuluna başlanır.

Qeydiyyat üçün şərtlər:

 Komanda üzvləri yalnız hazırda ümumtəhsil məktəblərində fəaliyyət göstərən, yaşı 35-ə qədər olan müəllimlərdən ibarət olmalıdır.

 Təqdim edilən excel formatda sifariş forması doldurulmalı 

 Komandanın adı və kapitanı qeyd edilməlidir.

 Bütün iştirakçıların şəxsiyyət vəsiqəsinin skanı və UTİS kodları qeyd olunmalıdır.

Qeydiyyat üçün aşağıda qeyd olunan sənədləri qeyd olunmuş vaxt çərçivəsində agma.edu.az@gmail.com elektron ünvanına göndərmək lazımdır:

 - Təqdim edilən excel formatda sifariş forması

 - Sifariş formasının skan versiyası

 - Bütün oyunçuların şəxsiyyət vəsiqəsinin skanı

Yarışda iştirak üçün sifariş forması: https://ref.az/3yhnT5d

Yeni işə qəbul olmuş gənc müəllimlərlə adaptasiya proqramına başlanılır

Sentyabr ayının 19-dan etibarən yeni tədris ilində işə qəbul olmuş gənc müəllimlərlə adaptasiya proqramına başlanılır.

Adaptasiya proqramının məqsədi yeni işə qəbul olmuş müəllimlərin iş mühitinə və tədris prosesinə rahat uyğunlaşdırılmasına nail olmaqdan ibarətdir.

Proqram çərçivəsində müəllimlər aşağıdakı mövzularda təlimlərdə iştirak edəcəklər:

İdeal müəllim;

Müəllimin təqdimat bacarıqları;

Təhsildə etika;

Valideyn-məktəb əməkdaşlığı;

 Şagirdlərin mühafizəsi və təhlükəsizliyi;

Məktəbdə uşaqlara qarşı bullinq;

Sinfin idarəolunması.

Adaptasiya proqramında iştirak etmək üçün aşağıdakı linkə daxil olaraq qeydiyyatdan keçə bilərsiniz:

Link: https://forms.gle/mLLaL4AZBPE3P9Qj6

Son qeydiyyat tarixi 18 sentyabrdır.

Qeydiyyatdan keçən müəllimlər 1 ay müddətində təlimlərdə iştirak edəcəklər.

D
aim inkişaf edən dünyada irəli getmək üçün tək vasitə təhsil və elmdir. İnkişaf üçün inkişaf edək!

““Gənc müəllimlərin debat çempionatı” - gənclərdə “soft skills” təməl bacarıqların formalaşdırılması” layihəsinə qeydiyyat başlayıb.

2022-ci il aprel ayının 13-də Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin elan etdiyi kiçik qrant müsabiqəsində ““Gənc müəllimlərin debat çempionatı” - gənclərdə “soft skills” təməl bacarıqların formalaşdırılması” layihəsi qalib olmuşdur. Layihə Azərbaycan Gənc Müəllimlər Assosiasiyasının (AGMA) təşkilatçılığı, Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Şirvan-Salyan Regional Təhsil İdarəsinin əməkdaşlığı ilə həyata keçiriləcəkdir.

Layihənin məqsədi yeniyetmələr və regionun gənc müəllimləri arasında 21-ci əsr bacarıqları sırasında olan ünsiyyət, özünü təqdim və natiqlik bacarığının inkişaf etdirilməsidir.

Qeydiyyat linki: https://forms.gle/tah3Ue1FrZhanQBP9

Layihənin müvəffəqiyyətlə həyata keçirilməsini arzu edirik!

Azərbaycan Gənc Müəllimlər Assosiasiyası regional koordinatorların seçim mərhələsinə yenidən start verir!

Azərbaycan Gənc Müəllimlər Assosiasiyasının (AGMA) illik fəaliyyətləri çərçivəsində regionlarda gənc müəllimlərin əlaqələndirilməsi, təşkilatın tədbirlərinin əlçatanlığının təmin edilməsi, üzvlərin ilkin təlimatlandırılması və onların vahid sistem üzrə idarəetməsinin təşkili məqsədilə regional koordinatorların seçiminə start verilir.

Tələblər və meyarlar:

- Dövlət ümumtəhsil məktəblərində hazırda pedaqoji işçi kimi çalışmalı ;
- Yaşı 35-dən aşağı olmalı ;
- AGMA-nın fəaliyyətlərinə könüllü olaraq qoşulma təşəbbüsünə malik olmalı ;
- İKT bacarıqları yüksək olmalı ;
- Pedaqoji stajı 3 ildən çox olmalı ;
- Məsuliyyətli, komandada işləmə, liderlik, təhlil etmə və ünsiyyət bacarıqları olmalı ;
- Aktiv sosial şəbəkə istifadəçisi olmalı.

Vəzifə funksiyaları və öhdəlikləri:

• AGMA şəbəkəsinə daxil olan təmsil etdiyi region üzrə müəllimlərlə işi təşkil etmək ;
• AGMA-nın fəaliyyət istiqamətləri üzrə üzv müəllimlərlə iş mexanizmi və strategiya ilə tanış etmək ;
• Təmsil etdiyi region üzrə vatsap və ya digər kommunikasiya imkanları yaratmalı. Bu platformanın daimi və işlək olmasını təmin etmək ;
• Regionda çalışan müəllimlərə agma.az saytına üzv olmağa köməklik etmək ;
• Təmsil etdiyi rayonda təşəbbüskar olmaq ;
• Üzvlərlə birbaşa kommunikasiya aparmaq və onları müvafiq məlumatlarla təmin etmək ;
• Göndərilən məlumatları üzvlər arasında zamanında və düzgün paylaşmaq, sorğular keçirmək və ehtiyacları müəyyənləşdirmək.

Seçimlər 3 mərhələdə aparılacaqdır.

Mərhələ 1: Qeydiyyat anketinin qiymətləndirilməsi;

Link: https://forms.gle/c68UPJkUdCywdaZz6

Qeydiyyatın bitmə tarixi: 8 sentyabr 2022-ci il saat 23:59

Mərhələ 2: Müsahibənin təşkili

Birinci mərhələni uğurla başa vuran namizədlər müsahibəyə dəvət olunacaqlar. Müsahibə mərhələsiylə bağlı məlumatlar namizədlərin elektron ünvanına göndəriləcəkdir. Bu mərhələdə əlavə ölçü meyarı kimi namizədlər barədə Rayon təhsil idarələrindən tövsiyələr də alınacaqdır.

Müsahibənin keçirilmə tarixi: 9 - 13 sentyabr 2022-ci il

Mərhələ 3: Müsabiqənin təşkili

Müsabiqə mərhələsində namizədlər məntiqi təfəkkürü, idarəetmə və ünsiyyət bacarıqlarını ölçən testlərdən keçəcəklər. Test onlayn şəkildə aparılacaq. Testin linki 2-ci mərhələni uğurla adlamış namizədlərin elektron poçtuna göndəriləcəkdir. Test verilmiş zaman çərçivəsində aktiv olacaqdır. Xahiş olunur, elektron poçtunuzu düzgün qeyd edəsiniz.

Müsabiqənin keçirilmə tarixi: 14sentyabr 2022 - ci il

Mərhələləri uğurla başa vurmuş namizədlərlə Azərbaycan Gənc Müəllimlər Assosiasiyası arasında 1 illik könüllülük müqaviləsi bağlanılacaqdır. Bu müqaviləyə əsasən regional koordinatorlar vəzifə öhdəliklərini həyata keçirəcəklər. Bununla yanaşı, il ərzində regional koordinatorlar müxtəlif təlimlərə və master klasslara cəlb olunacaq, onların peşəkar bilik və bacarıqlarının artırılmasına dəstək olunacaqdır.

Azərbaycan Gənc Müəllimlər Assosiasiyası könüllü əsaslarla təqdimatçı üzrə vakansiya elan edir!

Vəzifə öhdəlikləri :

• Təqdimatların hazırlanması;

• Partnyor və əməkdaşlıq edilən qurumlarla təqdimatların keçirilməsi;

•  Layihə nəticələrinin analiz olunması.

Gözləntilərimiz :

•  Ünsiyyət qurmaq və inandırmaq bacarıqlarına malik olmalı;

•  Ünsiyyətcil, mehriban, pozitiv olmalı;

•  Komandada işləmək bacarığı;

•  İşgüzar üslub;

• Səlis danışıq bacarığı;

• Deadline ilə işləmək bacarığı;

• 35 yaşdan aşağı olan müəllim və tələbələr.

Bizdən əldə edəcəksiniz :

• Könüllülük müddəti bitdikdən sonra tövsiyə məktubu;

• Assosiasiyanın təqdim etdiyi təlimlər və xidmətlərdən istifadə etmək, o cümlədən digər fəaliyyətlərində iştirak etmək;

• Maraqlı olduğu sahədə özünü inkişaf etdirmək üçün mentor dəstəyi.

Müraciət etmək üçün Cv-nizi bu linkə göndərməyiniz kifayətdir.

Link: https://forms.gle/GurtRpKedHtxBQNQ6

GƏNC MÜƏLLİMLƏRİN NƏZƏRİNƏ! 

27 avqust 2022-ci il tarixindən etibarən Azərbaycan Gənc Müəllimlər Assosiasiyasının təşkilatçılığı ilə “Sağlam bədəndə, sağlam ruh!” - 2022 gənc müəllimlər arasında futzal yarışı” layihəsinin icrasına start verilmişdir. Bununla bağlı olaraq 31 avqust 2022-ci il tarixindən etibarən aşağıda qeyd edilən qaydalara uyğun komandalardan sifarişlərin qəbuluna başlanılır.

Yarışda ölkə üzrə gənc müəllimlərdən (yaş: 35 yaşa qədər – 31.07.1987-ci ildən sonra anadan olanlar) ibarət 8 komanda iştirak edəcəkdir.

Sifarişlər 5 sentyabr 2022-ci il saat 23:59-a qədər onlayn şəkildə qəbul olunacaqdır. Yarışa ilk qeydiyyatdan keçmiş və sənədləri tam qaydasında olan 8 komanda buraxılacaqdır. Qeydiyyat üçün aşağıda qeyd olunan sənədləri qeyd olunmuş vaxt çərçivəsində ofis@agma.az elektron ünvanına göndərmək lazımdır:

- Təqdim edilən excel formatda sifariş forması;

- Sifariş formasının həkim möhürü və imzası olan skan versiyası;

- Bütün oyunçuların və məşqçinin şəxsiyyət vəsiqəsinin skanı;

Yarışda iştirak üçün sifariş forması: https://ref.az/3qTEapA

Qeyd 1: Seçilmiş 8 komanda sifariş üçün bütün sənədlərin əslini oyuna gəldikdə təşkilat komitəsinə təhvil verməlidir.

Qeyd 2: Komandaların adı Azərbaycan dilində olmalı və Azərbaycan əlifbası ilə yazılmalıdır.

Qeyd 3: Oyunlar Bakı şəhərində keçiriləcəkdir. Məkan ilə bağlı məlumat veriləcəkdir. 

Mükafatlandırma: 1-ci yeri tutmuş komandaya medal, diplom və kubok, 2-ci yeri tutmuş komandaya medal və diplom, bundan başqa isə bir neçə nominasiyalar üzrə diplomlar veriləcəkdir. 

Bütün komandalara uğurlar diləyirik!