Profil

Axtarış

Elanlar

badge-icon
"Gənc müəllimlərin xarici dil biliklərinin artırılması" təlimlərinə start verilir.
Azərbaycan Gənc Müəllimlər Assosiasiyası və Gənc Xarici dil Müəllimləri Birliyinin birgə təşkilatçılığı ilə "Gənc müəllimlərin xarici dil biliklərinin artırılması" təlimlərinə start verilir. 

Təlimlər 2 ay müddətində həftədə 2 dəfə olmaqla əyani formada keçiriləcəkdir.

Qeyd edək ki, təlimlər gənc müəllimlər üçün danışıq və xarici dillərin öyrənilməsində müasir yanaşmalar, praktiki üsullar və.s mövzuları əhatə edəcəkdir.

Təlimlər Bakı şəhərində keçiriləcəkdir.

Qeydiyyat linki:  https://forms.gle/LHHc284sie3h4rvZ7

Son qeydiyyat tarixi: 15 mart 2024-cü il.

07.03.2024

badge-icon
CV hazırlanması və müsahibəyə hazırlıq təlimi
Əziz gənc müəllimlər, "CV hazırlanması və müsahibəyə hazırlıq" təlimi ilə qarşınızdayıq.

Karyera həyatına addım atarkən ən vacib amillərdən biri düzgün CV-yə sahib olmaq və müsahibə mərhələsini uğurla keçməkdir.

Gənclərin Karyera Məsləhətçisi, təlimçi Orxan Əliyev sizə "CV hazırlanması və müsahibəyə hazırlıq" təlimi zamanı:

 CV yazarkən ən çox edilən səhvlər;
 düzgün və diqqət cəlb edən CV necə hazırlanmalı;
 müsahibəyə hazırlaşarkən diqqət edilməli məqamlar;
 müsahibədə ən çox istifadə edilən suallar ilə bağlı məlumat verəcək.

 23 fevral
 20:00
Təlim zoom platforması vasitəsilə keçiriləcəkdir.

Qeydiyyat linki: https://chat.whatsapp.com/FuKGheMTI1NJxgkBKe04hM

20.02.2024

badge-icon
AGMA-nın könüllülük proqramı üçün müraciətləri açıq elan edirik!
Uzun müddətdir ki, gözlənilən AGMA-nın könüllülük proqramı üçün müraciətləri açıq elan edirik!

AGMA-da təcrübə toplamaq, yerli və beynəlxalq layihələrdə iştirak etmək, sosial çevrənizi genişləndirmək istəyirsinizsə, müraciət üçün tələsin.

Qeyd edək ki, namizədlər arasından ancaq uğurlu olan 5 nəfər gənc AGMA-da könüllü fəaliyyəti göstərə biləcək.

Gözləntilərimiz :
 
Komanda ilə işləmə bacarığı;
Müvafiq kompüter bilikləri;
Azərbaycan dilində şifahi və yazılı ünsiyyət bacarığı;
Deadline ilə işləmək bacarığı.

Son qeydiyyat tarixi: 29.02.2024-cü il

Qeydiyyat linki: https://forms.gle/mZxRfQPoQ7SCWSxx9

15.02.2024

badge-icon
Azərbaycan Gənc Müəllimlər Assosiasiyası regional koordinatorların seçim mərhələsinə start verir.
Azərbaycan Gənc Müəllimlər Assosiasiyası regional koordinatorların seçim mərhələsinə start verir.

Azərbaycan Gənc Müəllimlər Assosiasiyasının (AGMA) illik fəaliyyətləri çərçivəsində regionlarda gənc müəllimlərin əlaqələndirilməsi, təşkilatın tədbirlərinin əlçatanlığının təmin edilməsi, üzvlərin ilkin təlimatlandırılması və onların vahid sistem üzrə idarəetməsinin təşkili məqsədilə regional koordinatorların seçiminə start verilir.

Tələblər və meyarlar:
- Dövlət ümumtəhsil məktəblərində hazırda pedaqoji işçi kimi çalışmalı;
- Yaşı 35-dən aşağı olmalı;
- AGMA-nın fəaliyyətlərinə könüllü olaraq qoşulma təşəbbüsünə malik olmalı;
- Pedaqoji stajı 3 ildən çox olmalı;
- Məsuliyyətli, komandada işləmə, liderlik, təhlil etmə və ünsiyyət bacarıqları olmalı;
- Aktiv sosial şəbəkə istifadəçisi olmalı;
- Ali təhsilli vər regional təmsilçilər üzrə iş istiqamətində müvafiq təcrübəyə malik olmalı;
- Microsoft Office proqramlarından yüksək səviyyədə istifadə etmək bacarığı olmalı, MS Excel proqramında xüsusi cədvəllər hazırlamaq, arxivləşdirmək, mövcud dataları təhlil etməyi bacarmalı;
- Azərbaycan dilini mükəmməl bilməli;
- Layihələrin yazılması və idarə edilməsi ilə bağlı bilik və təcrübəsi, eyni zamanda, müəllimlərlə əməkdaşlıq və koomunikasiyanın təşkili üzrə təcrübəsinin olmasına üstünlük verilir.

Vəzifə funksiyaları və öhdəlikləri:
- AGMA üzv olan təmsil etdiyi region üzrə müəllimlərlə işi təşkil etmək;
- AGMA-nın fəaliyyət istiqamətləri üzrə iş mexanizmi və strategiya ilə üzv müəllimləri tanış etmək;
- Təmsil etdiyi region üzrə whatsapp və ya digər kommunikasiya imkanları yaratmaq. Bu platformanın daimi və işlək olmasını təmin etmək;
- Üzvlər ilə birbaşa kommunikasiya aparmaq və onları müvafiq məlumatlarla təmin etmək;
- Göndərilən məlumatları üzvlər arasında zamanında və düzgün paylaşmaq, sorğular keçirmək və ehtiyacları müəyyənləşdirmək;
- Regionda tədris ili müddətində 3 dəfə təqdimatlar etmək;
- Həftəlik, aylıq, rüblük və illik hesabatları hazırlamaq.

Seçimlər 3 mərhələdə aparılacaqdır:


Mərhələ 1: Qeydiyyat anketinin qiymətləndirilməsi
Qeydiyyat anketini doldurmaq üçün linkə daxil olaraq məlumatları yazmaq lazımdır.
Qeydiyyatın bitmə tarixi: 25 fevral 2024-cü il saat 23:59

Mərhələ 2: Müsabiqənin təşkili
Müsabiqə mərhələsində namizədlər məntiqi təfəkkürü, idarəetmə, ünsiyyət, oxuyub-anlama və təhliletmə bacarıqlarını ölçən testlərdən keçəcəklər. Test mərhələsi Bakı şəhərində təşkil ediləcəkdir. II mərhələdə iştirak etmək şansı qazanan namizədlərə e-mail vasitəsilə məlumat göndəriləcəkdir.
Müsabiqənin keçirilmə tarixi: 2 mart 2024-cü il saat 12:00-13:00


Mərhələ 3: Müsahibənin təşkili
İkinci mərhələni uğurla başa vuran namizədlər müsahibəyə dəvət olunacaqlar. Müsahibə mərhələsi ilə bağlı məlumatlar namizədlərin elektron ünvana göndəriləcəkdir.
Müsahibənin keçirilmə tarixi: 4 - 8 mart 2024-cü il

Mərhələləri uğurla başa vurmuş namizədlər ilə Azərbaycan Gənc Müəllimlər Assosiasiyası arasında 1 illik könüllülük müqaviləsi bağlanılacaqdır. Bu müqaviləyə əsasən regional koordinatorlar vəzifə öhdəliklərini həyata keçirəcəklər. Bununla yanaşı il ərzində regional koordinatorlar müxtəlif təlimlərə və master-klasslara cəlb olunaraq onların peşəkar bilik və bacarıqların artırılmasına dəstək olunacaqdır.

09.02.2024

badge-icon
Gənc müəllimlər dilimizin keşiyində layihəsinin növbəti təlimi 10 fevral 2024-cü il tarixində Bakı şəhərində keçiriləcək.
“Gənc müəllimlər dilimizin keşiyində” layihəsinin növbəti təlimi 10 fevral 2024-cü il tarixində Bakı şəhərində keçiriləcək.

“Gənc müəllimlər dilimizin keşiyində” layihəsinin təlimində spiker Abbasağa Əlizadə müəllimlərin inkişafına dəstək olmaq üçün maraqlı məqamlara toxunacaq.

Keçirilən layihənin əsas məqsədi Azərbaycan dilinin saflığının qorunmasına dəstək olmaq üçün gənc müəllimlər arasında natiqlik, ünsiyyət və debat təlimləri təşkil etməkdir.

Qeyd edək ki, layihə Azərbaycan Gənclər Fondunun dəstəyi, Azərbaycan Gənc Müəllimlər Assosiasiyasının (AGMA) təşkilatçılığı və Gənc Azərbaycan dili və Ədəbiyyatı Müəllimləri Birliyinin tərəfdaşlığı ilə həyata keçirilir.

Qeydiyyat linki: 

 https://forms.gle/G7T8ppLMWe9W7Z9M7

31.01.2024

badge-icon
"Təlimçilər üçün təlim" proqramına qeydiyyatı açıq elan edirik.
"Təlimçilər üçün təlim" proqramına qeydiyyatı açıq elan edirik.
 
Proqramın əsas məqsədi təhsil sahəsindəki bir çox təlimçinin bacarıqlarının artırılması, təlimçi sayının çoxaldılması, təlimçilərin keyfiyyətinin yüksəldilməsi, fərqli təlim metodlarının və qeyri-formal təhsil üsullarının təlimçilər tərəfindən daha effektiv şəkildə tətbiq edilməsini təşviq etməkdən ibarətdir.

Layihədə kimlər iştirak edə bilər?

AGMA-nın üzvləri;
18-35 yaş arası müəllimlər;
Təlimçi təcrübəsi olan müəllimlər.

Qeyd edək ki, layihə Azərbaycan Respublikası Elm və Təhsil Nazirliyinin dəstəyi, Azərbaycan Gənc Müəllimlər Assosiasiyasınının təşkilatçılığı ilə keçiriləcək.

Son qeydiyyat tarixi: 15 fevral 2024-cü il.

Qeydiyyat linki: 

https://forms.gle/jpLCqmqGCTGdvSn5A

29.01.2024

badge-icon
Milli təhsilimizin gələcəyi: təhsilin keyfiyyətinin artırılmasında fəal vətəndaşlıq mövqeyi - Forum
“Milli təhsilimizin gələcəyi: təhsilin keyfiyyətinin artırılmasında fəal vətəndaşlıq mövqeyi” - Forum
Azərbaycan Gənc Müəllimlər Assosiasiyasının təşkilatçılığl ilə 13 yanvar 2024-cü il tarixində “Milli təhsilimizin gələcəyi: təhsilin keyfiyyətinin artırılmasında fəal vətəndaşlıq mövqeyi” adlı forum keçiriləcək.

Forumun məqsədi yeni dövrdə Azərbaycanın təhsil siyasətinin gələcək hədəfləri ilə bağlı təhsilverənlərin maarifləndirilməsi, onlar arasında əməkdaşlığın gücləndirilməsi, təhsildə ictimai dəstəyin və ictimai iştirakçılığın artırılmasıdır.

Məkan haqqında məlumat qeydiyyat yekunlaşdıqdan sonra veriləcəkdir.

Saat: 10:00

10.01.2024

badge-icon
Gənc müəllimlər dilimizin keşiyində - Forum
22 dekabr 2023-cü il tarixində Azərbaycan Gənclər Fondu / Azerbaijan Youth Foundation maliyyə dəstəyi, Azərbaycan Gənc Müəllimlər Assosiasiyasının təşkilatçılığı və Gənc Azərbaycan dili və Ədəbiyyatı Müəllimləri Birliyinin tərəfdaşlığı ilə Gənc müəllimlər dilimizin keşiyində layihəsinin forumu keçiriləcək.

 Gənc müəllimlər və pedaqoji ixtisaslarda təhsil alan tələbələr iştirak edə bilər.

Son qeydiyyat tarixi: 21 dekabr 2023-cü il.

Qeydiyyat linki: https://chat.whatsapp.com/JkRSyTmfpGMIlCKwTbMXsr

Tarix: 22 dekabr 10:30

Məkan: Azərbaycan Dövlət Pedaqoji Universiteti-nin əsas tədris binasının Kitabxana-informasiya mərkəzi

19.12.2023

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
Müəllim və tələbələr üçün görüş keçirilib.
Sumqayıt Dövlət Universitetində (SDU) Azərbaycan Gənc Müəllimlər Assosiasiyası (AGMA) tərəfindən gənc müəllim və tələbələr üçün görüş keçirilib. 

Universitetin Sosial məsələlər və ictimaiyyətlə əlaqələr üzrə prorektoru, dosent Elmar Xəlilov çıxış edərək görüşün əhəmiyyətindən və Azərbaycan Gənc Müəllimlər Assosiasiyası tərəfindən həyata keçirilən layihələrdən bəhs edib.

Gələcəyin müəllimləri olan tələbələrə bu imkanlardan faydalanmağı tövsiyə edib. Görüş zamanı AGMA-nın sədri Pərvinə Qədimova çıxış edərək gənc müəllim və tələbələrə təşkilatın fəaliyyəti, imkanları, gələcək planları ilə bağlı ətraflı məlumat verib. Pərvinə xanım iştirakçılara müxtəlif layihələrdən, təlimlərdən necə yararlana biləcəkləri barədə danışıb.

06.01.2025

badge-icon
Sizi 31 Dekabr − Dünya Azərbaycanlılarının Həmrəyliyi Günü münasibətilə təbrik edirik!
Sizi 31 Dekabr − Dünya Azərbaycanlılarının Həmrəyliyi Günü münasibətilə təbrik edirik!

31.12.2024

badge-icon
Azərbaycanda Gənc Müəllimlərin 73%-lik Uğur Nəticəsi!
Azərbaycanda Gənc Müəllimlərin 73%-lik Uğur Nəticəsi!

Azərbaycan Respublikası Elm və Təhsil Nazirliyi ilə birgə həyata keçirilən təlimlər çərçivəsində Azərbaycan Gənc Müəllimlər Assosiasiyası üzvü olan müəllimlər beynəlxalq imtahanlarda yüksək ballar toplayaraq böyük uğur qazandılar!

2023-2024-cü illər ərzində 222 AGMA üzvü ITE tərəfindən təşkil olunan təlimlərdə iştirak etmişdir. Onlardan 163 nəfər beynəlxalq sertifikatlı mütəxəssis adına layiq görülmüşdür.

 Müəllimlərimiz ITE-nin “Certiport” və “ICDL” test mərkəzlərində bilik və bacarıqlarını nümayiş etdirərək qlobal səviyyədə tanınan sertifikatlar əldə etdilər. Bu nailiyyətlər onların pedaqoji fəaliyyətinə yeni perspektivlər gətirir.

İmtahanlar 3 əsas istiqamət üzrə keçirilib:
“Microsoft Sertifikatlı Pedaqoq” (MCE);
“ICDL Kompüter və Onlayn Əsaslar”;
“ICDL Komanda İşi.”
 Gələcək fəaliyyətlərinizdə sizə uğurlar arzu edirik!

28.12.2024

badge-icon
“Pedaqoji Həmrəylik: Təcrübədən Gələcəyə” adlı konfrans keçirilib
Azərbaycan Gənc Müəllimlər Assosiasiyasının AzEdu Azərbaycan Təhsil Portalı ilə birgə təşkilatçılığı və Naxçıvan Muxtar Respublikasının Təhsil Nazirliyinin tərəfdaşlığı ilə Naxçıvan şəhərində “Pedaqoji Həmrəylik: Təcrübədən Gələcəyə” adlı konfrans keçirilib.

Konfrans 21 dekabr 2024-cü il tarixində Naxçıvan Dövlət Universiteti nəzdində fəaliyyət göstərən Gimnaziyada təşkil edilib.

Konfransın məqsədi təcrübə və yenilik arasındakı tarazlığı təşviq etməkdir. Bu gün gənclərin təcrübəli insanların biliklərindən bəhrələnərək yenilikçi texnologiyaların və ideyaların tətbiqində daha böyük nailiyyətlər əldə etməsi əsas inkişaf istiqamətlərindən biri kimi dəyərləndirilir. Eyni zamanda, təcrübəli şəxslərin də gənclərin enerjisindən və yenilikçi baxışlarından ilhamlanaraq öz biliklərini yeni dövrün tələblərinə uyğun inkişaf etdirmələri üçün şərait yaradılması vacibdir. Bu yanaşma pedaqoji həmrəyliyin möhkəmləndirilməsi və müasir təhsil metodlarının daha geniş tətbiqi baxımından mühüm əhəmiyyət kəsb edir.

Tədbir təntənəli şəkildə başlayıb. Belə ki, yüksək vəzifəli şəxslər – Naxçıvan Muxtar Respublikasının təhsil naziri Elxan Nəcəfov və Azərbaycan Respublikası Milli Məclisinin deputatı, Milli Məclisin İctimai birliklər və dini qurumlar komitəsinin sədri Fazil Mustafa konfransda iştirak edən öz müəllimlərinə yaxınlaşaraq onlara hörmət əlaməti olaraq gül dəstələri təqdim edərək, salamlayıblar.

Konfransın rəsmi hissəsində Azərbaycan Respublikasının Dövlət Himni səsləndirilib, ümummilli lider Heydər Əliyevin və Vətən uğrunda canını fəda edən şəhidlərin xatirəsi bir dəqiqəlik sükutla yad edilib. 

Açılış nitqini Naxçıvan Muxtar Respublikasının təhsil naziri Elxan Nəcəfov söyləyib. Nazir çıxışında təhsil sahəsindəki həmrəyliyin önəmindən danışıb.

Tədbirin digər iştirakçıları Azərbaycan Respublikası Milli Məclisinin deputatı, Milli Məclisin İctimai birliklər və dini qurumlar komitəsinin sədri Fazil Mustafa, Təhsildə Keyfiyyət Təminatı Agentliyinin İdarə Heyətinin sədri Tural Əhmədov, Azərbaycan Gənc Müəllimlər Assosiasiyasının sədri Pərvinə Qədimova və AzEdu.az təhsil portalının rəhbəri Tünzalə Abbasova nitqləri ilə çıxış ediblər.

Çıxışlarda müəllim peşəsinin cəmiyyətin inkişafındakı rolu və müasir tədris yanaşmalarının tətbiqinin əhəmiyyəti müzakirə edilib.

Naxçıvanda təşkil edilən tədbirdə rəsmi hissə başa çatdıqdan sonra Heydər Əliyev adına tam orta məktəbin və Heydər Əliyev Uşaq-Gənclər Yaradıcılıq Mərkəzinin şagirdləri tərəfindən hazırlanan bədii proqram təqdim edilib.

Tədbir Heydər Əliyev adına tam orta məktəbin şagirdləri Amil Mahmudov, Musa Babazadə və Uğur İsmayılovun “Dağların başı qışda qar olar” mahnısının ifası ilə başlayıb. İfa zamanı onlara “Xarı bülbül” ansamblı müşayiət edib. Ardınca Heydər Əliyev Uşaq-Gənclər Yaradıcılıq Mərkəzinin nağara dərnəyinin üzvləri “Azərbaycan ritmi” musiqisini təqdim ediblər.

Proqram IX b sinif şagirdi və “Xarı bülbül” ansamblının solisti Uğur İsmayılovun məktəb yoldaşları ilə birlikdə səsləndirdiyi “Bayatı-Şiraz” muğamı və rəngi ilə davam edib. Bədii hissə Heydər Əliyev Uşaq-Gənclər Yaradıcılıq Mərkəzinin rəqs dərnəyinin təqdim etdiyi “Cəngi rəqsi” ilə yekunlaşıb.

Konfransın əsas hissəsində müəllimlərin iştirakı ilə panel müzakirələri keçirilib. 

Moderator Pərvinə Qədimovanın rəhbərliyi ilə təşkil olunan müzakirələrdə bir sıra önəmli mövzulara toxunulub.

Çıxışın birinci hissəsində Rüstəmova Məlahət Oruc qızı – “Şagirdlərin dərsə cəlb edilməsi metodları”mövzusunda geniş müzakirə aparıb.

İkinci çıxışda Tarverdiyeva Gülxara Budaq qızı – “Sinfin idarə edilməsi modelləri” haqqında məruzə ilə çıxış edib.

Sonuncu çıxışda isə Məmmədova Rəxşəndə Mahmud qızı – “Zəif təhsil nəticəsi olan şagirdlərin göstəricilərinin yaxşılaşdırılması” mövzusundan danışıb.

Panel müzakirələri iştirakçılar arasında təcrübə və fikir mübadiləsi üçün geniş imkan yaradıb. Müəllimlərlə Azərbaycan Respublikası Milli Məclisinin deputatı, Milli Məclisin İctimai birliklər və dini qurumlar komitəsinin sədri Fazil Mustafa arasında keçirilən interaktiv sual-cavab sessiyası olub. Təhsil işçiləri özlərini maraqlandıran suallarla çıxış edib, müasir təhsil sisteminin inkişafı, təcrübənin tətbiqi və qanunvericilikdəki yeniliklər barədə deputatdan cavablar alıblar.

Tədbir mükafatlandırma və kollektiv xatirə fotosu ilə yekunlaşıb.

22.12.2024

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

81

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun