Yeni endirimlərdən yararlanın - 13.99 AZN-dan başlayan qiymətlərlə | Yeni tələbələr üçün xüsusi təklif

daha ətraflı

Yeni endirimlərdən yararlanın - 13.99 AZN-dan başlayan qiymətlərlə | Yeni tələbələr üçün xüsusi təklif

daha ətraflı

Profil

Axtarış

Menyu
AZ

HAQQIMIZDA

TƏLİMLƏR

FƏALİYYƏTİMİZ

XİDMƏTLƏR

MEDİA

ÜZVLÜK

TƏŞƏBBÜSLƏR

ƏsasElanlar

Elanlar

badge-icon
Gənc müəllimlərin 3-cü forumu
Azərbaycan Gənc Müəllimlər Assosiasiyası “Gənc müəllimlərin 3-cü forumu”nu həyata keçirəcək.

17 iyun 2023-cü il tarixində Azərbaycan Gənc Müəllimlər Assosiasiyası (AGMA) tədris ilinin sonlarına həsr olunmuş, gənc müəllimlər arasında davamlı əməkdaşlıq və şəbəkələşmənin artırılması üçün “Gənc müəllimlərin 3-cü forumu” nu təşkil edəcək.

Forum 2 hissədən ibarət olacaqdır. I hissəni rəsmi və bədii hissə təşkil edir. Bu hissədə dövlət rəsmiləri, qonaqlar və gənc müəllimlər iştirak edəcəklər. II hissədə isə müəllimlər 20-25 nəfərlik qruplara bölünərək 1.5 saatlıq vörkşoplara cəlb olunacaqlar. Hər qrupa bir qonaq spiker mentorluq edəcəkdir.

Forumda müxtəlif bölgələrdən yaşı 35-ə qədər olan və hazırda müəllim olaraq fəaliyyət göstərən 300 müəllimin iştirakı nəzərdə tutulmuşdur.

Forumda iştirak edə bilər: 
-35 yaşdan aşağı olan gənc müəllimlər;
-AGMA platformasında ən azı bir neçə kursu uğurla bitirən gənc müəllimlər;
-AGMA -nın təsdiqlənmiş gənc üzvləri.

İştirakı təsdiq olunmuş müəllimlərə 12 iyun 2023-cü il tarixində e-mail vasitəsilə məlumat göndəriləcəkdir.

Qeydiyyat linki: https://forms.gle/R4bdp83H6ZFHqWSR9

Son qeydiyyat tarixi: 8 iyun 2023-cü il.

29.05.2023

badge-icon
Fərq yaradan gənc müəllim 2023
Azərbaycan Gənc Müəllimlər Assosiasiyası Azərbaycan Dövlət Pedaqoji Universitetinin ikili diplom proqramı ilə birlikdə ümumtəhsil məktəblərində işləyən, yaşı 35-ə qədər olan müəllimlər üçün “Fərq yaradan gənc müəllim 2023” müsabiqəsini elan edir.
Layihənin məqsədi kreativ düşüncəli, müasir və pedaqoji-psixoloji hazırlıqlı fərq yaradan gənc müəllimlərin aşkara çıxarılmasıdır. Fərq yaratmaq üçün gənc müəllimlər öyrənmədə əlverişli sosial mühit yaratmağı bacarmalı və şagirdlər bu mühitdə öyrənmə təcrübəsinə açıq olmalıdırlar.

Müsabiqə icbari təhsildə olan və ya 5-17 yaş arasında olan uşaqlara dərs deyən, hazırda ümumtəhsil müəssisələrində işləyən gənc müəllimlər üçün açıqdır. Müəllimlər həftədə ən azı 10 saat uşaqlarla əyani tədrisdə olmalı və növbəti 5 il ərzində müəllimlik peşəsində qalmağı planlaşdırmalıdırlar. Ölkənin bütün ümumtəhsil müəssisələrində çalışan müəllimlər müraciət edə bilərlər.

Meyarlar

• Məktəbin, icmanın və ya ölkənin xüsusi problemlərini həll edən və bu cür problemlərin yeni üsulla həllində təsirli ola biləcəyini göstərmək üçün kifayət qədər sübutlar gətirən innovativ təcrübələrin tətbiqi;
• Şagirdlərin sinifdə nümayiş etdirilə bilən öyrənmə nəticələrinə nail olmaq;
• Müəllimlik peşəsindən əlavə sinifdən kənarda da cəmiyyətə təsir edə bilmək;
• Uşaqlara müxtəlif millətlərdən, mədəniyyətlərdən və dinlərdən olan insanlarla potensial olaraq yaşayacaqları, işləyəcəkləri və ictimailəşəcəkləri bir dünya üçün bu dəyərlərə əsaslanan təhsil verməklə onlara qlobal vətəndaş olmaqda kömək etmək;
• Müəllim nüfuzunu yüksəltmək, qabaqcıl təcrübəni bölüşmək və həmkarlarına məktəblərində qarşılaşdıqları hər hansı çətinlikləri aradan qaldırmaqda kömək etməklə müəllim peşəsinin təkmilləşdirilməsi;
• Qlobal miqyasda təhsilin keyfiyyətinə təsir etmək üçün təkrarlana bilən və geniş miqyaslı effektiv təlim təcrübələrinin tətbiqi;
• Geniş icma üzvləri və ya şagirdlər tərəfindən müəllimin tanınması.

Uyğunluq

• Uyğun olmaq üçün Ərizəçi aşağıdakıları etməlidir:
• Müraciət edərkən ən azı on səkkiz (18) yaşında olmalı;
• İcbari təhsildə olan və 5-17 yaş arası uşaqlara dərs deyən, hazırda işləyən müəllim olmalı;
• Müəllimlər həftədə ən azı 10 saat uşaqlarla əyani tədrisdə olmalı və növbəti 5 il ərzində müəllimlik peşəsində qalmağı planlaşdırmalı;
• Əvvəlki müsabiqənin qalibi və top 10 namizədi olmamalı;
• Yaşı 35-dən çox olmamalı.
 
Seçim Prosesi

Müraciət prosesi başa çatdıqdan sonra münsiflər heyəti tərəfindən müraciətlər qiymətləndiriləcək. Onlar arasından yüksək bal toplamış 50 müəllim seçilərək növbəti mərhələdə iştirak etmək hüququ qazanacaqdır.  
İkinci mərhələdə 50 müəllim arasında müsahibə aparılaraq 10 finalçı müəyyən ediləcək və seçilmiş 10 namizədin adları AGMA-nın facebook səhifəsində paylaşılaraq ictimaiyyət tərəfindən səs verməyə çıxarılacaqdır. Ümumi balın 10 faizi səsvermə nəticələrinə görə əldə edilir və qalan 90 faiz münsiflər tərəfindən qiymətləndirilir.
 
Üçüncü mərhələdə münsiflər heyətinin seçdiyi 10 namizədin əyani formatda təqdimatı dinlənilir. Sonda 3 müəllim qalib olaraq seçilir. 

Mükafatlandırma
Qaliblər Azərbaycan Gənc Müəllimlər Assosiasiyasının 3-cü forumunda təltif ediləcəkdir.
Birinci yer: Planşet, diplom, kristal və gül
İkinci yer: Diplom, kristal və gül
Üçüncü yer: Diplom, kristal və gül
Digər yerlər: Finalist diplomu təqdim ediləcəkdir.
 
 
Qeydiyyat linki: https://forms.gle/A661zyfqVj8QRMtv7

28.04.2023

badge-icon
Azərbaycan dili və ədəbiyyatı müəllimlərinin I forumu
Azərbaycan dili və ədəbiyyatı müəllimlərinin I forumu 

Azərbaycan Gənc Müəllimlər Assosiasiyası Azərbaycan Respublikası Təhsil İnstitutunun Metodik dəstək və peşəkar inkişaf mərkəzi ilə birlikdə Azərbaycan dili və ədəbiyyatı müəllimlərinin I forumunu təşkil edir.
Forumun məqsədi sertifikasiya prosesinə hazırlaşan müəllimləri məlumatlandırmaq və onlara onlayn dəstək göstərməkdən ibarətdir.

27 aprel 2023-cü il saat 20:00-da onlayn formatda keçiriləcək olan Azərbaycan dili və ədəbiyyatı müəllimlərinin iştirakı nəzərdə tutulmuş bu tədbirdə Azərbaycan dili, ədəbiyyat və ümumi kurikulum mövzularına toxunulacaqdır. Tədbir zamanı ekspertlər tərəfindən müəllimləri maraqlandıran mövzular barədə müzakirələr aparılacaq və iştirakçılar tərəfindən ünvanlanmış suallar cavablandırılacaqdır. 

Onu da bildirmək istərdik ki, forumda iştirak üçün yaş məhdudiyyəti yoxdur.

Qeyd: Forumda yalnız bu il sertifikasiya imtahanında iştirak edən müəllimlər iştirak edə bilərlər.

Qeydiyyat linki: https://chat.whatsapp.com/JvLeZ3O8mty5YaYcOHNCZu

22.04.2023

badge-icon
İbtidai sinif müəllimlərinin I forumu
İbtidai sinif müəllimlərinin I forumu

Azərbaycan Gənc Müəllimlər Assosiasiyası, Azərbaycan Respublikası Təhsil İnstitutunun Metodik dəstək və peşəkar inkişaf mərkəzi ilə birlikdə İbtidai sinif müəllimlərinin I forumunu təşkil edir.
Forumun məqsədi sertifikasiya prosesinə hazırlaşan müəllimləri məlumatlandırmaq və onlara onlayn dəstək göstərməkdən ibarətdir.

15 aprel 2023-cü il tarixində Bakı şəhərində keçiriləcək olan ibtidai sinif müəllimlərinin iştirakı nəzərdə tutulmuş bu tədbirdə Azərbaycan dili, riyaziyyat və ümumi kurikulum mövzularına toxunulacaqdır. Tədbir zamanı ekspertlər tərəfindən müəllimləri maraqlandıran mövzular barədə  müzakirələr aparılacaq və iştirakçılar tərəfindən ünvanlanmış suallar cavablandırılacaqdır. 
Onu da bildirmək istərdik ki, qeydiyyat linkindən ilk qeydiyyatdan keçmiş 300-350 müəllimə öncəlik veriləcəkdir və forumda iştirak üçün yaş məhdudiyyəti yoxdur.

Qeyd: Forumda yalnız bu il sertifikasiya imtahanında iştirak edən müəllimlər iştirak edə bilərlər.

Qeydiyyatdan son keçmə tarixi: 9 aprel 15:00

Qeydiyyat linki: https://ref.az/2g2pZ4h

03.04.2023

badge-icon
Regionallarda Olimpiadalara Hazırlıq Mərkəzlərinin Qurulması
Regionallarda Olimpiadalara Hazırlıq Mərkəzlərinin Qurulması 

Azərbaycan Respublikası Elm və Təhsil Nazirliyinin və Azərbaycan Respublikasının Təhsil İnstitutunun dəstəyi ilə Azərbaycan Gənc Müəllimlər Assosiasiyasının “Regionallarda Olimpiadalara Hazırlıq Mərkəzlərinin Qurulması” layihəsinə start verilir. 

Layihənin məqsədi 12 Regional Təhsil İdarəsinin nəzdində kadr potensialının artırılması və eyni zamanda, 12 region üzrə Respublika fənn olimpiadalarına hazırlıq prosesinin yerinə yetirilməsindən ibarətdir.

Layihə 2023-cü il aprel-dekabr aylarını əhatə edərək 4 hissədən ibarət olacaqdır:

- "İstedadlı şagird üçün istedadlı müəllim"lərin seçim müsabiqəsi;
- “İstedadlı şagird”lərin seçim müsabiqəsi;
-  İstedadlı müəllim və şagirdlərin olimpiadaya hazırlıq prosesi;
-  İstedadlı qaliblərin müəyyən olunması.

İlkin mərhələ "İstedadlı şagird üçün istedadlı müəllim"lərin seçim müsabiqəsindən ibarət olacaqdır. Müəllim seçim mərhələsi ilə bağlı yaxın zamanlarda məlumat veriləcəkdir.

Qeyd edək ki, layihə Azərbaycan Respublikasının 12 region üzrə fəaliyyət göstərən müəllim heyəti və təhsil alan şagirdlər üçün nəzərdə tutulmuşdur.

10.03.2023

badge-icon
Mil-Muğan Gənc Müəllimlərinin I Regional Forumu
Mil-Muğan Gənc Müəllimlərinin I Regional Forumu

Martın 4-də Azərbaycan Gənc Müəllimlər Assosiasiyası və Mil - Muğan Regional Təhsil İdarəsinin birgə əməkdaşlığı ilə Mil-Muğan Gənc Müəllimlərinin I Regional Forumu təşkil ediləcək.

I Regional Forumun keçirilməsinin məqsədi gənc müəllimlərin yumşaq bacarıqlarını inkişaf etdirmək, onlar arasında səmərəli əməkdaşlıq və şəbəkələşmənin qurulmasını təmin etməkdən ibarətdir.

Saatlı rayonunun Gənclər evində təşkil ediləcək Forumda Karnegi Klub Təlim Mərkəzinin rəhbəri, NLP master Nəcəf Allahverdiyev gənc müəllimlərə “Uğurun formulu varmı?” mövzusunda master klas keçəcək.

Qeyd edək ki, Forumda Beyləqan, İmişli, Saatlı və Sabirabad rayonlarında fəaliyyət göstərən müəllimlər iştirak edə bilərlər. Forumun saat 10:00-13:00 aralığında keçirilməsi nəzərdə tutulub.

İştirak etmək istəyən gənc müəllimlər birbaşa forum keçirlən məkana gələ bilər və ya müvafiq rayon təhsil sektoruna müraciət edə bilərlər.

Onu da qeyd edək ki, Mil-Muğan Gənc Müəllimlərinin I Regional Forumu Azərbaycan Respublikası Elm və Təhsil Nazirliyinin elan etdiyi “2022/2023-cü illərdə təhsilin inkişafı üzrə ictimai təşəbbüslərin dəstəklənməsi” qrant müsabiqəsində qalib olmuş “XXI əsrin tələblərinə uyğun təhsil-gənc müəllimlərin peşəkarlığının artırılması” layihəsi çərçivəsində həyata keçiriləcək.

27.02.2023

badge-icon
Qış Liderlik Düşərgəsi
18-19 fevral 2023 - cü il tarixində AGMA - nın təşkilatçılığı ilə “Qış Liderlik Düşərgəsi” keçiriləcək.

Gənc direktor müavinlərinin iştirakını nəzərdə tutan düşərgə gənc təhsil verənlərin və idarəetmə heyətinin peşəkarlıq səviyyəsinin artırılması məqsədi ilə təşkil olunur. Seçilmiş iştirakçılara 2 gün müddətində Liderlik, Konfliktin idarəedilməsi, Kommunikasiya, Layihə idarəetməsi, Buraxılış siniflərində keyfiyyətin artırılması üçün strateji planın hazırlanması təlimləri keçiriləcəkdir.

Təlimlər bitdikdən sonra 20 direktor müavini 15 gün müddətində məktəblərində müxtəlif istiqamətlərdə keyfiyyətin artırılması üçün strateji plan hazırlayaraq ekspertlərə təqdim edəcəklər. Sonda ekspertlər ve gənc direktor müavinləri Bakı şəhərində refleksiya forumunda iştirak edəcəklər. Sənədlərin son versiyası təsdiq edildikdən sonra nümunə olaraq bir nəçə məktəbin sənədlərinin təqdimatı keçiriləcəkdir.

Namizədlər üçün tələblər:
 -pedaqoji ixtisas üzrə ali təhsil;
 -2 ildən az olmayaraq idarəetmə təcrübəsi;
 -İKT bacarıqlarına malik;
 -33 yaşadək (yaş: 33-ə qədər – 18.02.1990-ci ildən sonra anadan olanlar);
 -hazırda ümumi təhsil müəssisəsində müəllim kimi pedaqoji fəaliyyət göstərmək.

Üstünlük veriləcək namizədlər:

Müəllimlərin işə qəbulu üzrə müsabiqə, sertifikasiya və ya diaqnostik qiymətləndirilmə imtahanında yüksək nəticə əldə etmiş şəxslər.
Tələblərə cavab verən namizədlər test mərhələsinə dəvət olunacaqlar. Test imtahanında namizədlərə pedaqogika və metodika, əmək və təhsil qanunvericiliyi, riyazi məntiq üzrə hər birinə aid 10 sual olmaqla ümumilikdə 40 test tapşırığı təqdim edilir. Sualların 75%-ini düzgün cavablandırmış namizədlər növbəti mərhələyə keçmə şansı əldə edirlər. Test mərhələsindən müvafiq balı toplamış namizədlər müsahibəyə dəvət olunacaqlar.

Qeydiyyat linki: https://ref.az/2uCnjzZ

Son qeydiyyat tarixi: 8 fevral 2023 - cü il saat 


26.01.2023

badge-icon
HIPPO “Sərhədsiz İngilis dili” olimpiadası keçiriləcək
HIPPO “Sərhədsiz İngilis dili” olimpiadası ingilis dili biliklərinə güvənən bütün məktəblilər üçün nəzərdə tutulub. Olimpiadada şagirdlər 6 normal və 3 xüsusi olmaqla ümumilikdə 9 kateqoriya üzrə yarışa bilərlər. Qeyd edək ki, HIPPO “Sərhədsiz İngilis dili” olimpiadasına qeydiyyat yaxın günlərdə elan olunacaq. 

Yaş kateqoriyaları

LITTLE HIPPO və ya “BALACA HIPPO” – 2013/2014/2015/2016
HIPPO 1 – 2011/2012
HIPPO 2 - 2010
HIPPO 3 – 2008/2009
HIPPO 4 – 2006/2007
HIPPO 5 – 2004/2005

Xüsusi kateqoriyalar Hippo Olimpiadasının qaydalarına uyğun olaraq ikidilli hesab edilən -
əksəriyyəti və ya bütün fənləri ingilis dilində tədris olunan və ingilis dilində təhsil alan
şagirdlərə şamil olunur. Bu kateqoriyalarda olan şagirdlər aşağıda qeyd olunan üç kateqoriyadan
birində yarışa bilərlər:

HIPPO S10 – 2011/2012/2013/2014/2016
HIPPO S15 – 2008/2009/2010
HIPPO S19 – 2004/2005/2006/2007

HIPPO Olimpiadası 4 mərhələdə həyata keçirilir

1. Preliminary round və ya İlkin mərhələ 18 mart 2023 (Azərbaycan)
2. Semi-final və ya Yarımfinal 22 aprel 2023 (Azərbaycan)
3. Regional qualifiers və ya Regional seçmə (İtaliya yaxud Türkiyə)
4. World Final və ya Dünya Finalı (İtaliya)

Adıçəkilən ilk iki mərhələ ölkəmizdə, 3-cü mərhələ İtaliya yaxud Türkiyədə, Final mərhələsi isə
İtaliyada həyata keçiriləcəkdir. Dünyanın 55-dən çox ölkəsindən minlərlə şagirdin iştirak etdiyi
Olimpiadada iştirakçılara və qaliblərə Qlobal HIPPO Assosiasiyası tərəfindən beynəlxalq
SERTİFİKAT təqdim ediləcəkdir.

Ödəniş

İmtahanda iştirak ödənişlidir və ödəniş 25 manat təşkil edir. Ödəniş 1 dəfə həyata keçirilir
və bütün mərhələlərə aid edilir. Regional seçmədə (III mərhələdə) iştirak hüququ qazanan
şagirdlər 50-100 euro iştirak haqqı ödəməli olacaqlar. Türkiyə yaxud İtaliyada (III və IV
mərhələdə) iştirak hüququ qazanan şagirdlərin bütün xərcləri (səyahət, gecələmə, yemək)
öz öhdəliklərində olacaqdır. Tərəfimizdən Regional seçmədə qalib olan və Dünya Finalında
iştirak hüququ qazanan şagirdlərə viza dəstəyi göstəriləcəkdir.

HIPPO "Sərhədsiz İngilis dili" Olimpiadası ilə bağlı hər hansı sualınız yaransa, aşağıdakı əlaqə
vasitələri ilə bizə bütün suallarınızı və müraciətlərinizi ünvanlaya bilərsiniz:

Əlaqə nömrəsi: 994 51 449 59 41

Whatsapp: 994 51 449 59 41

Elektron ünvan: [email protected]

Facebook: Azerbaijan HIPPO Olympiad 2023 | Facebook

Qeydiyyat: yaxın günlərdə elan oluanacaq.

Qeydiyyat üçün son tarix: 4 MART 2023

19.01.2023

Populyar kurslar

Gənc müəllimlərin inkişafına dəstək olmaqdan qürur duyuruq.

Ən son yeniliklər

Daha çox

AGMA-nın yeniliklərindən xəbərdar olun

Daha çox
badge-icon
“Pedaqoji Həmrəylik: Təcrübədən Gələcəyə” adlı konfrans keçirilib
Azərbaycan Gənc Müəllimlər Assosiasiyasının AzEdu Azərbaycan Təhsil Portalı ilə birgə təşkilatçılığı və Naxçıvan Muxtar Respublikasının Təhsil Nazirliyinin tərəfdaşlığı ilə Naxçıvan şəhərində “Pedaqoji Həmrəylik: Təcrübədən Gələcəyə” adlı konfrans keçirilib.

Konfrans 21 dekabr 2024-cü il tarixində Naxçıvan Dövlət Universiteti nəzdində fəaliyyət göstərən Gimnaziyada təşkil edilib.

Konfransın məqsədi təcrübə və yenilik arasındakı tarazlığı təşviq etməkdir. Bu gün gənclərin təcrübəli insanların biliklərindən bəhrələnərək yenilikçi texnologiyaların və ideyaların tətbiqində daha böyük nailiyyətlər əldə etməsi əsas inkişaf istiqamətlərindən biri kimi dəyərləndirilir. Eyni zamanda, təcrübəli şəxslərin də gənclərin enerjisindən və yenilikçi baxışlarından ilhamlanaraq öz biliklərini yeni dövrün tələblərinə uyğun inkişaf etdirmələri üçün şərait yaradılması vacibdir. Bu yanaşma pedaqoji həmrəyliyin möhkəmləndirilməsi və müasir təhsil metodlarının daha geniş tətbiqi baxımından mühüm əhəmiyyət kəsb edir.

Tədbir təntənəli şəkildə başlayıb. Belə ki, yüksək vəzifəli şəxslər – Naxçıvan Muxtar Respublikasının təhsil naziri Elxan Nəcəfov və Azərbaycan Respublikası Milli Məclisinin deputatı, Milli Məclisin İctimai birliklər və dini qurumlar komitəsinin sədri Fazil Mustafa konfransda iştirak edən öz müəllimlərinə yaxınlaşaraq onlara hörmət əlaməti olaraq gül dəstələri təqdim edərək, salamlayıblar.

Konfransın rəsmi hissəsində Azərbaycan Respublikasının Dövlət Himni səsləndirilib, ümummilli lider Heydər Əliyevin və Vətən uğrunda canını fəda edən şəhidlərin xatirəsi bir dəqiqəlik sükutla yad edilib. 

Açılış nitqini Naxçıvan Muxtar Respublikasının təhsil naziri Elxan Nəcəfov söyləyib. Nazir çıxışında təhsil sahəsindəki həmrəyliyin önəmindən danışıb.

Tədbirin digər iştirakçıları Azərbaycan Respublikası Milli Məclisinin deputatı, Milli Məclisin İctimai birliklər və dini qurumlar komitəsinin sədri Fazil Mustafa, Təhsildə Keyfiyyət Təminatı Agentliyinin İdarə Heyətinin sədri Tural Əhmədov, Azərbaycan Gənc Müəllimlər Assosiasiyasının sədri Pərvinə Qədimova və AzEdu.az təhsil portalının rəhbəri Tünzalə Abbasova nitqləri ilə çıxış ediblər.

Çıxışlarda müəllim peşəsinin cəmiyyətin inkişafındakı rolu və müasir tədris yanaşmalarının tətbiqinin əhəmiyyəti müzakirə edilib.

Naxçıvanda təşkil edilən tədbirdə rəsmi hissə başa çatdıqdan sonra Heydər Əliyev adına tam orta məktəbin və Heydər Əliyev Uşaq-Gənclər Yaradıcılıq Mərkəzinin şagirdləri tərəfindən hazırlanan bədii proqram təqdim edilib.

Tədbir Heydər Əliyev adına tam orta məktəbin şagirdləri Amil Mahmudov, Musa Babazadə və Uğur İsmayılovun “Dağların başı qışda qar olar” mahnısının ifası ilə başlayıb. İfa zamanı onlara “Xarı bülbül” ansamblı müşayiət edib. Ardınca Heydər Əliyev Uşaq-Gənclər Yaradıcılıq Mərkəzinin nağara dərnəyinin üzvləri “Azərbaycan ritmi” musiqisini təqdim ediblər.

Proqram IX b sinif şagirdi və “Xarı bülbül” ansamblının solisti Uğur İsmayılovun məktəb yoldaşları ilə birlikdə səsləndirdiyi “Bayatı-Şiraz” muğamı və rəngi ilə davam edib. Bədii hissə Heydər Əliyev Uşaq-Gənclər Yaradıcılıq Mərkəzinin rəqs dərnəyinin təqdim etdiyi “Cəngi rəqsi” ilə yekunlaşıb.

Konfransın əsas hissəsində müəllimlərin iştirakı ilə panel müzakirələri keçirilib. 

Moderator Pərvinə Qədimovanın rəhbərliyi ilə təşkil olunan müzakirələrdə bir sıra önəmli mövzulara toxunulub.

Çıxışın birinci hissəsində Rüstəmova Məlahət Oruc qızı – “Şagirdlərin dərsə cəlb edilməsi metodları”mövzusunda geniş müzakirə aparıb.

İkinci çıxışda Tarverdiyeva Gülxara Budaq qızı – “Sinfin idarə edilməsi modelləri” haqqında məruzə ilə çıxış edib.

Sonuncu çıxışda isə Məmmədova Rəxşəndə Mahmud qızı – “Zəif təhsil nəticəsi olan şagirdlərin göstəricilərinin yaxşılaşdırılması” mövzusundan danışıb.

Panel müzakirələri iştirakçılar arasında təcrübə və fikir mübadiləsi üçün geniş imkan yaradıb. Müəllimlərlə Azərbaycan Respublikası Milli Məclisinin deputatı, Milli Məclisin İctimai birliklər və dini qurumlar komitəsinin sədri Fazil Mustafa arasında keçirilən interaktiv sual-cavab sessiyası olub. Təhsil işçiləri özlərini maraqlandıran suallarla çıxış edib, müasir təhsil sisteminin inkişafı, təcrübənin tətbiqi və qanunvericilikdəki yeniliklər barədə deputatdan cavablar alıblar.

Tədbir mükafatlandırma və kollektiv xatirə fotosu ilə yekunlaşıb.

22.12.2024

badge-icon
AGMA-nın təqdimatı keçirilib
Sabunçu rayonu Rixard Zorge adına 90 nömrəli tam orta məktəbdə koordinatorlarımız Elnurə İsmayılova və Ruhanə Yaqubova tərəfindən Azərbaycan Gənc Müəllimlər Assosiasiyasının təqdimatı və "Təhsilverənlərin etik davranış Qaydaları və ünsiyyətin rolu", "Müasir dərsin quruluşu" mövzularında təlim keçirilib.

09.12.2024

badge-icon
“Yaşıl gələcək üçün beynəlxalq təcrübə mübadiləsi” proqramının ikinci günü
“Yaşıl gələcək üçün beynəlxalq təcrübə mübadiləsi” proqramının ikinci gününü geridə qoyduq. 
Proqram “Davamlı təhsil üçün regional əməkdaşlıqlar” mövzusu ətrafında təlimlər, vörkşoplar, qrup işləri və təqdimatlar formatında olub. 

Qeyd edək ki, layihə Azərbaycan Respublikası Gənclər Fondunun maliyyə dəstəyi, AGMA-nın təşkilatçılığı, Türkiyənin Bursa Azərbaycan Həmrəylik və İnnovasiya Dərnəyinin, Gürcüstanın Gənclərin İnkişaf Mərkəzinin, Moldovanın Millenium Təlim və İnkişaf İnstitutunun tərəfaşlığı ilə keçirilir.

08.12.2024

badge-icon
“Yaşıl Gələcək üçün Beynəlxalq Təcrübə Mübadiləsi” proqramının ilk günü
“Yaşıl Gələcək üçün Beynəlxalq Təcrübə Mübadiləsi” proqramının ilk günündən olan görüntüləri təqdim edirik. 
Qeyd edək ki, Türkiyə, Moldova, Gürcüstan və Azərbaycandan olan gənc müəllim və tələbələrin iştirakı keçirilən layihənin ilk günü Göygöl Milli Parkına İnfotur təşkil edilib. İnfotur zamanı iştirakçılara bələdçi tərəfindən Milli Parkın ekoloji-mədəni elementlərindən bəhs edilib.

Daha sonra Göygöl Gənclər Evində iştirakçıların bir-birilərin daha yaxşı tanımaları üçün şəbəkələşmə fəaliyyətləri baş tutub. “Understanding Green Education” mövzusunda təlim keçirilib, iştirakçılarla yaşıl təhsilin prinsipləri və əhəmiyyəti, yaşıl təhsili siniflərdə tətbiq etməyin effektiv yolları kimi məsələlər müzakirə edilib. Sonda isə Regionda olan ortaq ekoloji problemlərlə bağlı qrup müzakirəsi baş tutub.

Qeyd edək ki, layihə Azərbaycan Respublikası Gənclər Fondunun maliyyə dəstəyi, AGMA-nın təşkilatçılığı, Türkiyənin Bursa Azərbaycan Həmrəylik və İnnovasiya Dərnəyinin, Gürcüstanın Gənclərin İnkişaf Mərkəzinin, Moldovanın Millenium Təlim və İnkişaf İnstitutunun tərəfdaşlığı ilə keçirilir. 

07.12.2024

Ən son bilikləri, yeni proqram və metodları bizimlə öyrənin.

Müəllim insanları aydınlığa çıxaran işığa bənzəyir.

Bizə Qoşul

Onların uğurlu olmaqlarının sirlərini öyrənin

Əziz gənc müəllimlər, yeni nəsil sizin əsəriniz olacaqdır!

81

ÜMUMİ KURSLAR

5000

AKTİV MÜƏLLİM

7000

ÜZV SAYI

Yeniliklərə abunə olun

Hər gün yenilənən xəbər və yeniliklərdən xəbərdar olun