Azərbaycan Gənc Müəllimlər Assosiasiyası tərəfindən keçirilən " Gənc müəllimlər dilimizin keşiyində" layihəsi çərçivəsində təşkil olunan 5-7-ci və 8-9-cu sinif şagirdləri  arasında Ümummilli Lider Heydər Əliyevin 100 illik yubileyinə həsr olunmuş esse müsabiqəsinə start verilir.

Müsabiqədə yalnız 5-7 və 8-9-cu sinif şagirdləri iştirak edə bilər.

Esse müsabiqəsində təqdim olunan mövzular: “Heydər Əliyevin həyat yolu”, “Heydər Əliyevin yaradıcılığı”.

Müsabiqənin şərtləri aşağıdakı kimidir: 

•Müsabiqəyə təqdim olunan esseler 5-7-ci sinif üçün 150-200, 8-9-cu sinif üçün 200-250 söz həcmində olmalıdır.
•Mövzuların plagiatlığı yoxlanılacaq.
•Esselər Azərbaycan dilində “Word və ya PDF” fayl formatında olmalıdır.
•Esse müəllifinin məlumatları faylın sonunda ardıcıllıqla qeyd olunmalıdır. (Ad, soyad, Ata adı, məktəb,sinif,əlaqə nömrəsi).

Qaliblər diplom və hədiyyələrlə təltif ediləcəklər.

1-ci yer smart qolbaq, 2-ci yer yer qulaqlıq, 3-cü yer kitab dəsti.

Son müraciət tarixi: 12 oktyabr 2023-cü il.

Qeydiyyat linki: https://ref.az/2SZy9mS

Azərbaycan Gənc Müəllimlər Assosiasiyasının Könüllülük proqramına start verildi.

Könüllü kimi fəaliyyət göstərmək istəyən gənclər 3 ay səmərəli təcrübə keçmək imkanı qazanacaqlar.

Könüllülük proqramının davamı olan 6 aylıq təcrübə proqramı vasitəsilə seçdiyiniz sahə üzrə təcrübə qazanaraq inkişaf etməyinizə dəstək olacaq.

Könüllülük proqramı aşağıda qeyd olunan sahələr üzrə mövcuddur;

-Layihələrin idarə olunması üzrə könüllü;
-İctimaiyyətlə əlaqələr üzrə könüllü;
-Tədbirlərin təşkili üzrə könüllü.

Bizdən əldə edəcəksiniz

-Könüllülük müddəti bitdikdən sonra tövsiyə məktubu;
-Assosiasiyanın təqdim etdiyi təlimlər və xidmətlərdən istifadə etmək;
-Maraqlı olduğu sahədə özünü inkişaf etdirmək üçün mentor dəstəyi.

Qeydiyyat linki: https://forms.gle/cW3jjzMXj6Yj8TRx9

Yeni tədris ilinin başlanması və Azərbaycan Respublikasında təhsilin inkişafı üzrə Dövlət Strategiyasına dəstək olaraq ölkəmizdə "İbtidai Sinif Müəllimlərinin 3-cü Forumu" keçiriləcək.

Forum, Azərbaycan Gənc Müəllimləri Assosiasiyası, “Çinar Yayımları” nəşriyyatı və Təhsil Nəşriyyatının təşkilatçılığı, qardaş Türkiyə Respublikasının Okulistik və Matbeg şirkətlərinin təşəbbüsü ilə baş tutacaq.

"İbtidai Sinif Müəllimlərinin 3-cü Forumu"nun 9 sentyabr 2023-cü il saat 14:00-da Heydər Əliyev Sarayında keçirilməsi planlaşdırılır.

Ümummilli lider Heydər Əliyevin 100 illiyinə həsr olunmuş “Təhsil Millətin Gələcəyidir” mövzusunda keçirilən forumun məqsədi ümumrespublika səviyyəsində ibtidai sinif müəllimlərini bir araya toplamaq, onların əməkdaşlıq və təcrübə paylaşımı etməsinə, eyni zamanda elmdə müasir yanaşmalarla tanış olmalarına imkan yaratmaqdır.

#İSMF_2023 rəsmi çap tərəfdaşı:

Max Ofset Mətbəəsi

Forumun keçiriləcəyi yer: Heydər Əliyev Sarayı

Forumun müddəti: 14:00-16:00

Qeydiyyat üçün: 055-224-56-26 nömrəsinə zəng edərək (və ya votsapa yazaraq) bilet əldə edə bilərsiniz.

Gənc müəllimlər dilimizin keşiyində

2023-cü ilin may ayında Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin “Heydər Əliyev İli”nə həsr olunan kiçik qrant müsabiqəsində “Gənc müəllimlər dilimizin keşiyində” layihəsi qalib olmuşdur. 

Layihə Azərbaycan Gənc Müəllimlər Assosiasiyasının (AGMA) təşkilatçılığı, Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçiriləcəkdir.

Layihənin məqsədi, Azərbaycan dilinin saflığının qorunmasına dəstək olmaq üçün gənc Azərbaycan dili və ədəbiyyatı müəllimləri arasında təlimlər həyata keçirərək düzgün diksiyanı, natiqlik bacarıqlarını və esse yazılışını təkmilləşdirməkdən ibarətdir.

Layihədə iştirak etmək istəyən müəllimlər müvafiq linkə daxil olaraq qeydiyyatdan keçə bilərlər.
 

Qeydiyyat linki: https://forms.gle/njQVkiCKV1FhfVHW9

Son qeydiyyat tarixi: 25 avqust 2023-cü il

Qeyd: Layihədə yalnız Şəki, Quba, Lənkəran olmaqla 3 regional təhsil idarələrini əhatə edən ümumi təhsil məktəblərində çalışan yaşı 35-dək olan gənc Azərbaycan dili və ədəbiyyat müəllimləri iştirak edə bilər.

Əziz həmvətənlər!

Azərbaycan Gənc Müəllimlər Assosiasiyası xaricdə yaşayan soydaşlarımız üçün çox əhəmiyyətli bir layihənin tətbiqinə start verir. İyulun 7-dən xarici ölkələrdə yaşayan azərbaycanlılar üçün “Ana dili – Azərbaycan məktəbi”nə qeydiyyat başlayır. 2023-2024-cü tədris ilini əhatə edəcək layihədə dərslər ödənişsiz əsaslarla təcrübəli mütəxəssislər tərəfindən keçiriləcək.

“Ana dili – Azərbaycan məktəbi” ölkəmizdən kənarda yaşayan müxtəlif yaş qruplarından olan soydaşlarımız üçün Azərbaycan dilində məsafədən öyrənmə imkanını təmin edən layihədir. Layihədə iştirak etmək istəyən şəxslər öz yaş və dilbilmə səviyyələrinə, həmçinin vaxt zonasına uyğun qruplarda Azərbaycan dili dərslərinə qoşulmaq imkanı əldə edəcəklər. Hər səviyyə üzrə təhsilini bitirən şagirdə müvafiq sertifikat veriləcək. Layihədə yalnız xaricdə yaşayan soydaşlarımız iştirak edə bilər.

http://anadili.agma.az - veb səhifəsi vasitəsilə məktəb haqqında daha ətraflı məlumat ala və müraciət edə bilərsiniz.

Əlaqə vasitələri: 

+99451 226 71 21

Azərbaycan Gənc Müəllimlər Assosiasiyası “Gənc müəllimlərin 3-cü forumu”nu həyata keçirəcək.

17 iyun 2023-cü il tarixində Azərbaycan Gənc Müəllimlər Assosiasiyası (AGMA) tədris ilinin sonlarına həsr olunmuş, gənc müəllimlər arasında davamlı əməkdaşlıq və şəbəkələşmənin artırılması üçün “Gənc müəllimlərin 3-cü forumu” nu təşkil edəcək.

Forum 2 hissədən ibarət olacaqdır. I hissəni rəsmi və bədii hissə təşkil edir. Bu hissədə dövlət rəsmiləri, qonaqlar və gənc müəllimlər iştirak edəcəklər. II hissədə isə müəllimlər 20-25 nəfərlik qruplara bölünərək 1.5 saatlıq vörkşoplara cəlb olunacaqlar. Hər qrupa bir qonaq spiker mentorluq edəcəkdir.

Forumda müxtəlif bölgələrdən yaşı 35-ə qədər olan və hazırda müəllim olaraq fəaliyyət göstərən 300 müəllimin iştirakı nəzərdə tutulmuşdur.

Forumda iştirak edə bilər: 
-35 yaşdan aşağı olan gənc müəllimlər;
-AGMA platformasında ən azı bir neçə kursu uğurla bitirən gənc müəllimlər;
-AGMA -nın təsdiqlənmiş gənc üzvləri.

İştirakı təsdiq olunmuş müəllimlərə 12 iyun 2023-cü il tarixində e-mail vasitəsilə məlumat göndəriləcəkdir.

Qeydiyyat linki: https://forms.gle/R4bdp83H6ZFHqWSR9

Son qeydiyyat tarixi: 8 iyun 2023-cü il.

Azərbaycan Gənc Müəllimlər Assosiasiyası Azərbaycan Dövlət Pedaqoji Universitetinin ikili diplom proqramı ilə birlikdə ümumtəhsil məktəblərində işləyən, yaşı 35-ə qədər olan müəllimlər üçün “Fərq yaradan gənc müəllim 2023” müsabiqəsini elan edir.
Layihənin məqsədi kreativ düşüncəli, müasir və pedaqoji-psixoloji hazırlıqlı fərq yaradan gənc müəllimlərin aşkara çıxarılmasıdır. Fərq yaratmaq üçün gənc müəllimlər öyrənmədə əlverişli sosial mühit yaratmağı bacarmalı və şagirdlər bu mühitdə öyrənmə təcrübəsinə açıq olmalıdırlar.

Müsabiqə icbari təhsildə olan və ya 5-17 yaş arasında olan uşaqlara dərs deyən, hazırda ümumtəhsil müəssisələrində işləyən gənc müəllimlər üçün açıqdır. Müəllimlər həftədə ən azı 10 saat uşaqlarla əyani tədrisdə olmalı və növbəti 5 il ərzində müəllimlik peşəsində qalmağı planlaşdırmalıdırlar. Ölkənin bütün ümumtəhsil müəssisələrində çalışan müəllimlər müraciət edə bilərlər.

Meyarlar

• Məktəbin, icmanın və ya ölkənin xüsusi problemlərini həll edən və bu cür problemlərin yeni üsulla həllində təsirli ola biləcəyini göstərmək üçün kifayət qədər sübutlar gətirən innovativ təcrübələrin tətbiqi;
• Şagirdlərin sinifdə nümayiş etdirilə bilən öyrənmə nəticələrinə nail olmaq;
• Müəllimlik peşəsindən əlavə sinifdən kənarda da cəmiyyətə təsir edə bilmək;
• Uşaqlara müxtəlif millətlərdən, mədəniyyətlərdən və dinlərdən olan insanlarla potensial olaraq yaşayacaqları, işləyəcəkləri və ictimailəşəcəkləri bir dünya üçün bu dəyərlərə əsaslanan təhsil verməklə onlara qlobal vətəndaş olmaqda kömək etmək;
• Müəllim nüfuzunu yüksəltmək, qabaqcıl təcrübəni bölüşmək və həmkarlarına məktəblərində qarşılaşdıqları hər hansı çətinlikləri aradan qaldırmaqda kömək etməklə müəllim peşəsinin təkmilləşdirilməsi;
• Qlobal miqyasda təhsilin keyfiyyətinə təsir etmək üçün təkrarlana bilən və geniş miqyaslı effektiv təlim təcrübələrinin tətbiqi;
• Geniş icma üzvləri və ya şagirdlər tərəfindən müəllimin tanınması.

Uyğunluq

• Uyğun olmaq üçün Ərizəçi aşağıdakıları etməlidir:
• Müraciət edərkən ən azı on səkkiz (18) yaşında olmalı;
• İcbari təhsildə olan və 5-17 yaş arası uşaqlara dərs deyən, hazırda işləyən müəllim olmalı;
• Müəllimlər həftədə ən azı 10 saat uşaqlarla əyani tədrisdə olmalı və növbəti 5 il ərzində müəllimlik peşəsində qalmağı planlaşdırmalı;
• Əvvəlki müsabiqənin qalibi və top 10 namizədi olmamalı;
• Yaşı 35-dən çox olmamalı.
 
Seçim Prosesi

Müraciət prosesi başa çatdıqdan sonra münsiflər heyəti tərəfindən müraciətlər qiymətləndiriləcək. Onlar arasından yüksək bal toplamış 50 müəllim seçilərək növbəti mərhələdə iştirak etmək hüququ qazanacaqdır.  
İkinci mərhələdə 50 müəllim arasında müsahibə aparılaraq 10 finalçı müəyyən ediləcək və seçilmiş 10 namizədin adları AGMA-nın facebook səhifəsində paylaşılaraq ictimaiyyət tərəfindən səs verməyə çıxarılacaqdır. Ümumi balın 10 faizi səsvermə nəticələrinə görə əldə edilir və qalan 90 faiz münsiflər tərəfindən qiymətləndirilir.
 
Üçüncü mərhələdə münsiflər heyətinin seçdiyi 10 namizədin əyani formatda təqdimatı dinlənilir. Sonda 3 müəllim qalib olaraq seçilir. 

Mükafatlandırma
Qaliblər Azərbaycan Gənc Müəllimlər Assosiasiyasının 3-cü forumunda təltif ediləcəkdir.
Birinci yer: Planşet, diplom, kristal və gül
İkinci yer: Diplom, kristal və gül
Üçüncü yer: Diplom, kristal və gül
Digər yerlər: Finalist diplomu təqdim ediləcəkdir.
 
 
Qeydiyyat linki: https://forms.gle/A661zyfqVj8QRMtv7

Azərbaycan dili və ədəbiyyatı müəllimlərinin I forumu 

Azərbaycan Gənc Müəllimlər Assosiasiyası Azərbaycan Respublikası Təhsil İnstitutunun Metodik dəstək və peşəkar inkişaf mərkəzi ilə birlikdə Azərbaycan dili və ədəbiyyatı müəllimlərinin I forumunu təşkil edir.

Forumun məqsədi sertifikasiya prosesinə hazırlaşan müəllimləri məlumatlandırmaq və onlara onlayn dəstək göstərməkdən ibarətdir.

27 aprel 2023-cü il saat 20:00-da onlayn formatda keçiriləcək olan Azərbaycan dili və ədəbiyyatı müəllimlərinin iştirakı nəzərdə tutulmuş bu tədbirdə Azərbaycan dili, ədəbiyyat və ümumi kurikulum mövzularına toxunulacaqdır. Tədbir zamanı ekspertlər tərəfindən müəllimləri maraqlandıran mövzular barədə müzakirələr aparılacaq və iştirakçılar tərəfindən ünvanlanmış suallar cavablandırılacaqdır. 

Onu da bildirmək istərdik ki, forumda iştirak üçün yaş məhdudiyyəti yoxdur.

Qeyd: Forumda yalnız bu il sertifikasiya imtahanında iştirak edən müəllimlər iştirak edə bilərlər.

Qeydiyyat linki: https://chat.whatsapp.com/JvLeZ3O8mty5YaYcOHNCZu