''Təhsildə Gender Bərabərliyi'' təlim kursu insan hüquqları sahəsində maarifləndirməni artırmaqla yanaşı bərabərlik, gender əsaslı zorakılıq, erkən nikahlara qarşı mübarizədə biganə qalmaq istəməyən gənc müəllimlərin rolunu gücləndirmək məqsədi daşıyır. Təlimdə müəllimlər bullinq, insan hüquqları, gender-əsaslı zorakılıq konseptləri ilə tanış olacaqlar. Eyni zamanda erkən nikahın qarşısının alınması, gender stereotipləri ilə məktəblərdə mübarizə və s. mövzuları qeyri-formal təhsil vasitəsi ilə kəşf edəcək və təlimçilik bacarıqlarını təkmilləşdirəcəklər.

Qeyd edək ki, “Təhsildə Gender Bərabərliyi Səfirləri 2” uzunmüddətli təlim kursudur. İlkin mərhələdən və müsahibədən uğurla keçən müəllimlər təlimlərdə iştirak edəcək, təlimlər bitdikdən sonra isə kursun davamlılığı üçün bir sıra fəaliyyətlər həyata keçirəcəklər.

Layihə haqqında

Bakı
16-19 Noyabr, 2023
Qeydiyyat linkinə daxil olaraq formu doldurmaq vacibdir.
Qeydiyyat linki: https://rebrand.ly/jr0cphf
Məlumat paketi: https://rebrand.ly/g8hwl5w

İştirak ÖDƏNİŞSİZDİR və nəqliyyat, yerləşdirmə və qidalanma xərcləri təşkilatçı tərəfindən qarşılanır.

Azərbaycan Gənc Müəllimlər Assosiasiyası, Ireli Ictimai Birliyi və Azərbaycan Milli Konservatoriyasının birgə təşkilatçılığı ilə 8 noyabr - Zəfər Günü və 9 noyabr - Dövlət Bayrağı Gününə həsr olunmuş "Zəfərin səsi" adlı ədəbi-bədii tədbir keçiriləcək.

Qeyd edək ki, tədbir Azərbaycan Respublikası Gənclər Fondu, Təhsilin İnkişafı Fondu, NAYORA-nın və Bir Könüllü-nün dəstəyi ilə həyata keçirilir.

 Tarix: 4 noyabr, 10:00

 Məkan: 20 nömrəli məktəb-lisey

 Qeydiyyat linki: https://forms.gle/2sdmR1GKqUcnPPuK7

Sizi 2 noyabr saat 18:30-da nümayiş etdiriləcək olan filmin təqdimatına dəvət edirik.

Qeyd olaraq bildirmək istərdik ki, yerlər məhduddur. İlkin qeydiyyatdan keçənlərə üstünlük veriləcəkdir.

Qeydiyyat linki: https://forms.gle/5x78B4Z5xXi5agHu5

Son tarix: 02.11.2023 saat 12:00

Gənclərin Vətən müharibəsindən sonra zəfər ruhunda formalaşması istiqamətində silsilə tədbirlər həyata keçirən Azərbaycan Gənc Müəllimlər Assosiasiyası İRƏLİ İctimai Birliyi ilə birgə 4 noyabr 2023-cü il tarixində Zəfər Günü və Dövlət Bayrağı Gününə həsr edilmiş tədbir keçirəcəkdir.

Tədbirin məqsədi müasir dövrdə müxtəlif ideologiyaların gənclərin dünyagörüşünün, şəxsiyyətinin formalaşmasına təsiri fonunda milli düşüncəni saxlamaq, gənclərin vətənpərvər ruhda böyüməsinə yardım etmək, şəhid qəhrəmanlarımızı tanıtmaq, gənclər arasında belə qəhrəmanların əməllərini yaşatmaq, onların xatirəsini daim uca tutmaqdır.

Qeyd edək ki, tədbirdə Bakı və bölgələrdən olan müəllimlərin və gənclərin iştirakı nəzərdə tutulmuşdur.

 Tarix: 4 noyabr, 10:00

 Məkan: 20 nömrəli məktəb-lisey

Qeydiyyat linki: https://forms.gle/2sdmR1GKqUcnPPuK7

Məktəbəqədər təlim və tərbiyə ixtisası üzrə paytaxtda və regionlarda ali təhsil və orta ixtisas təhsil müəssisələrində təhsil alan tələbələr üçün möhtəşəm bir xəbərimiz var!
 

Azərbaycan Gənc Müəllimlər Assosiasiyası və Bir Könüllü Tələbə Təşkilatının birgə əməkdaşlığı ilə “Təhsildə Könüllülük” təşəbbüsünə start verilir. 

Təşəbbüs çərçivəsində paytaxda və regionlarda fəaliyyət göstərən ali təhsil və orta ixtisas təhsil müəssisələrinin məktəbəqədər təlim və tərbiyə ixtisası üzrə təhsil alan tələbələrinin məktəbəqədər təhsil müəssisələrində (bağçalarda) praktiki fəaliyyətlərə cəlb edilməsi nəzərdə tutulur. 

Təşəbbüsün əsas məqsədi sözügedən ixtisas üzrə təhsil alan tələbələri resurs imkanlarının məhdud olduğu məktəbəqədər təhsil müəssisələrində aktiv pedoqoji fəaliyyətə cəlb edərək onların sahəvi bilik və bacarığını artırmaq, nəzəriyyə və praktika arasındakı mövcud disbalansın aradan qaldırılmasına çalışmaq, tələbələrə praktiki təcrübə verməklə gələcək kadr hazırlığı prosesinə töhfə vermək və ali və orta ixtisas təhsil müəssisələri ilə məktəbəqədər təhsil müəssisələrinin (bağçaların) uğurlu koordinasiyalı əməkdaşlığını formalaşdırmaqdır.

 
Ətraflı məlumat və müraciət qaydası üçün aşağıdakı keçidə daxil ola bilərsiniz: 

https://forms.gle/Jzc2QCskYMpfw3CY9 

Oktyabrın 15-dən Elm və Təhsil Nazirliyi, Azərbaycan Gənc Müəllimlər Assosiasiyasının (AGMA) təşkilatçılığı ilə işə yeni qəbul olunmuş gənc müəllimlərlə adaptasiya proqramına start verilir. 

Adaptasiya proqramının məqsədi işə yeni başlayan müəllimlərin iş mühiti və tədris prosesinə rahat uyğunlaşdırılmasına nail olmaqdır. 

Proqramın müddəti 2 ay nəzərdə tutulub və 2 mərhələdən ibarət olacaq.

Birinci mərhələdə “MS Teams” platforması vasitəsilə 9 təlimin keçirilməsi nəzərdə tutulub. Yerli təhsili idarəetmə orqanlarının nümayəndələri və təlimçilər tərəfindən keçiləcək təlimlərə “Öyrədici mühitin yaradılması”, “Məktəbdaxili qiymətləndirmə”, “Məktəbdaxili sənədləşmə işi”, “Müəllimin pedaqoji qabiliyyətləri”, “İnsanlar necə öyrənirlər?”, “Dərs prosesinin təkmilləşdirilməsi”, “Şagirdlərin tanınması və şəxsiyyətin müəyyən olunması” kimi mövzular daxildir.

İkinci mərhələdə agma.az paltformasında 10-12 kursun 1 ay ərzində onlayn olaraq tamamlanması planlaşdırılır. 

İştirak üçün son qeydiyyat tarixi 10 oktyabr nəzərdə tutulub. 

Adaptasiya proqramında iştirak üçün linkə daxil olaraq qeydiyyatdan keçmək mümkündür: https://forms.gle/KyvzGw3VaxNXCiQK6

Azərbaycan Gənc Müəllimlər Assosiasiyası tərəfindən keçirilən " Gənc müəllimlər dilimizin keşiyində" layihəsi çərçivəsində təşkil olunan 5-7-ci və 8-9-cu sinif şagirdləri  arasında Ümummilli Lider Heydər Əliyevin 100 illik yubileyinə həsr olunmuş esse müsabiqəsinə start verilir.

Müsabiqədə yalnız 5-7 və 8-9-cu sinif şagirdləri iştirak edə bilər.

Esse müsabiqəsində təqdim olunan mövzular: “Heydər Əliyevin həyat yolu”, “Heydər Əliyevin yaradıcılığı”.

Müsabiqənin şərtləri aşağıdakı kimidir: 

•Müsabiqəyə təqdim olunan esseler 5-7-ci sinif üçün 150-200, 8-9-cu sinif üçün 200-250 söz həcmində olmalıdır.
•Mövzuların plagiatlığı yoxlanılacaq.
•Esselər Azərbaycan dilində “Word və ya PDF” fayl formatında olmalıdır.
•Esse müəllifinin məlumatları faylın sonunda ardıcıllıqla qeyd olunmalıdır. (Ad, soyad, Ata adı, məktəb,sinif,əlaqə nömrəsi).

Qaliblər diplom və hədiyyələrlə təltif ediləcəklər.

1-ci yer smart qolbaq, 2-ci yer yer qulaqlıq, 3-cü yer kitab dəsti.

Son müraciət tarixi: 12 oktyabr 2023-cü il.

Qeydiyyat linki: https://ref.az/2SZy9mS

Azərbaycan Gənc Müəllimlər Assosiasiyasının Könüllülük proqramına start verildi.

Könüllü kimi fəaliyyət göstərmək istəyən gənclər 3 ay səmərəli təcrübə keçmək imkanı qazanacaqlar.

Könüllülük proqramının davamı olan 6 aylıq təcrübə proqramı vasitəsilə seçdiyiniz sahə üzrə təcrübə qazanaraq inkişaf etməyinizə dəstək olacaq.

Könüllülük proqramı aşağıda qeyd olunan sahələr üzrə mövcuddur;

-Layihələrin idarə olunması üzrə könüllü;
-İctimaiyyətlə əlaqələr üzrə könüllü;
-Tədbirlərin təşkili üzrə könüllü.

Bizdən əldə edəcəksiniz

-Könüllülük müddəti bitdikdən sonra tövsiyə məktubu;
-Assosiasiyanın təqdim etdiyi təlimlər və xidmətlərdən istifadə etmək;
-Maraqlı olduğu sahədə özünü inkişaf etdirmək üçün mentor dəstəyi.

Qeydiyyat linki: https://forms.gle/cW3jjzMXj6Yj8TRx9